§16.4.7μετὰ δὲ τὴν νῆσον ταύτην πολλά ἐστιν ἰχθυοφάγων γένη καὶ νομάδων· εἶθʼ ὁ τῆς Σωτείρας λιμήν, ὃν ἐκ κινδύνων μεγάλων τινὲς σωθέντες τῶν ἡγεμόνων ἀπὸ τοῦ συμβεβηκότος οὕτως ἐκάλεσαν.
在这座岛屿之后，有许多食鱼族和游牧民的部落；接着是“救世女港”，一些指挥官从大难中幸免于难，因这一事件而如此命名。
μετὰ δὲ ταῦτα ἐξάλλαξις πολλὴ τῆς παραλίας καὶ τοῦ κόλπου· τὸν γὰρ παράπλουν οὐκέτι συμβαίνει τραχὺν εἶναι, συνάπτειν τέ πως τῇ Ἀραβίᾳ καὶ τὸ πέλαγος ταπεινὸν εἶναι σχεδόν τι καὶ ἐπὶ δύο ὀργυιάς, ποάζειν τε τὴν ἐπιφάνειαν διαφαινομένου τοῦ μνίου καὶ τοῦ φύκους ὅπερ πλεονάζει κατὰ τὸν πόρον, ὅπου γε καὶ δένδρα φύεται καθʼ ὕδατος παρὰ τοῖς ἐνταῦθα· ἔχει δὲ καὶ κυνῶν πλῆθος τῶν θαλαττίων ὁ πόρος· εἶθʼ οἱ Ταῦροι, δύο ὄρη τύπον τινὰ πόρρωθεν δεικνύντα τοῖς ζῴοις ὅμοιον· εἶτʼ ἄλλο ὄρος ἱερὸν ἔχον τῆς Ἴσιδος, Σεσώστριος ἀφίδρυμα· εἶτα νῆσος ἐλαίᾳ κατάφυτος ἐπικλυζομένη, μεθʼ ἣν ἡ Πτολεμαῒς πρὸς τῇ θήρᾳ τῶν ἐλεφάντων, κτίσμα Εὐμήδους τοῦ πεμφθέντος ἐπὶ τὴν θήραν ὑπὸ Φιλαδέλφου, λάθρᾳ περιβαλομένου χερρονήσῳ τινὶ τάφρον καὶ περίβολον, εἶτʼ ἐκθεραπεύσαντος τοὺς κωλύοντας καὶ κατεσκευασμένου φίλους ἀντὶ δυσμενῶν.
在这些之后，海岸和海湾的样貌大为改观；因为沿海航路不再险恶，在某种程度上与阿拉伯相接，而且海水很浅，几乎只有两寻左右的深度，由于水道中繁茂的苔藓和海藻透出光来，海面显得一片翠绿，以至于在当地人附近的水下甚至生长着树木；此外，水道中还有大量的海狗；接着是“双牛山”，这是两座从远处看形状像这种动物的山；接着是另一座拥有伊西斯圣所的山，这是塞索斯特里斯所创建的；然后是一个种满橄榄树且会被海水淹没的岛屿；在此之后是靠近捕象场的普托莱迈斯，这是由菲拉德尔福斯派去捕象的尤梅德斯所创建的，他暗中在某个半岛上修筑了壕沟和围墙，接着安抚了那些试图阻挠他的人，使他们化敌为友。
§16.4.8Ἐν δὲ τῷ μεταξὺ ἐκδίδωσιν ἀπόσπασμα τοῦ Ἀσταβόρα καλουμένου ποταμοῦ, ὃς ἐκ λίμνης τὴν ἀρχὴν ἔχων μέρος μέν τι ἐκδίδωσι, τὸ δὲ πλέον συμβάλλει τῷ Νείλῳ· εἶτα νῆσοι ἓξ Λατομίαι καλούμεναι· καὶ μετὰ ταῦτα τὸ Σαβαϊτικὸν στόμα λεγόμενον καὶ ἐν τῇ μεσογαίᾳ φρούριον, Τοσούχου ἵδρυμα· εἶτα λιμὴν καλούμενος Ἐλαία καὶ ἡ Στράτωνος νῆσος· εἶτα λιμὴν Σαβὰ καὶ κυνήγιον ἐλεφάντων ὁμώνυμον αὐτῷ· ἡ δʼ ἐν βάθει τούτων χώρα Τηνεσσὶς λέγεται· ἔχουσι δʼ αὐτὴν οἱ παρὰ Ψαμμιτίχου φυγάδες Αἰγυπτίων· ἐπονομάζονται δὲ Σεμβρῖται, ὡς ἂν ἐπήλυδες· βασιλεύονται δʼ ὑπὸ γυναικός, ὑφʼ ἥν ἐστι καὶ ἡ Μερόη, πλησίον τῶν τόπων οὖσα τούτων ἐν τῷ Νείλῳ νῆσος, ὑπὲρ ἧς ἄλλη ἐστὶ νῆσος οὐ πολὺ ἄπωθεν ἐν τῷ ποταμῷ, κατοικία τῶν αὐτῶν τούτων φυγάδων.
在此期间，流出了被称为阿斯塔博拉斯河的一条支流，该河发源于一个湖泊，一部分流向这里，但大部分汇入尼罗河；接着是六个被称为“采石场”的岛屿；在这些之后是所谓的萨巴湾口，以及内陆的一座堡垒，由托斯乌科斯所创建；接着是被称为埃拉亚的港口和斯特拉东岛；然后是萨巴港和与之同名的捕象场；而在这些深处的地区被称为泰内西斯；从普萨米蒂科斯那里逃亡的埃及人占领了这里；他们被称为塞姆布里泰，意为外来者；他们由一位女王统治，梅罗伊也在她的统治下，梅罗伊是靠近这些地方的尼罗河中的一个岛屿，在其上游不远处河中还有另一个岛屿，是这些同一批逃亡者的定居点。
ἀπὸ δὲ Μερόης ἐπὶ τήνδε τὴν θάλατταν εὐζώνῳ ὁδὸς ἡμερῶν πεντεκαίδεκα.
从梅罗伊到这片海域，对于轻装旅行者来说是十五天的路程。
περὶ δὲ τὴν Μερόην καὶ ἡ συμβολὴ τοῦ τε Ἀσταβόρα καὶ τοῦ Ἀστάπου καὶ ἔτι τοῦ Ἀστασόβα πρὸς τὸν Νεῖλον.
而在梅罗伊附近，阿斯塔博拉斯河、阿斯塔普斯河以及阿斯塔索巴斯河均汇入尼罗河。
§16.4.9παροικοῦσι δὲ τούτοις οἱ ῥιζοφάγοι καὶ ἕλειοι προσαγορευόμενοι διὰ τὸ ἐκ τοῦ παρακειμένου ῥιζοτομοῦντας ἕλους κόπτειν λίθοις καὶ ἀναπλάττειν μάζας, ἡλιάσαντας δὲ σιτεῖσθαι· λεοντοβότα δʼ ἐστὶ τὰ χωρία· ταῖς δʼ ὑπὸ κυνὸς ἐπιτολὴν ἡμέραις ὑπὸ κωνώπων μεγάλων ἐξελαύνεται τὰ θηρία ἐκ τῶν τόπων· εἰσὶ δὲ καὶ σπερμοφάγοι πλησίον, οἳ τῶν σπερμάτων ἐπιλιπόντων ὑπὸ τῶν ἀκροδρύων τρέφονται, σκευάζοντες παραπλησίως ὥσπερ τὰς ῥίζας οἱ ῥιζοφάγοι.
在他们附近居住着被称为食根族和湿地民的人，之所以这样称呼，是因为他们从邻近的湿地中割取植物根部，用石头捣碎，捏成块状，晒干后食用；这些地方是狮子的栖息地；在犬星升起的日子里，野兽们会被巨大的蚊子驱逐出这些地方；附近还有食子族，当种子匮乏时，他们以树木的果实为食，其准备方式类似于食根族准备根部。
μετὰ δὲ τὴν Ἐλαίαν αἱ Δημητρίου σκοπιαὶ καὶ βωμοὶ Κόνωνος· ἐν δὲ τῇ μεσογαίᾳ καλάμων Ἰνδικῶν φύεται πλῆθος· καλεῖται δὲ ἡ χώρα Κορακίου· ἦν δέ τις ἐν βάθει Ἐνδέρα γυμνητῶν ἀνθρώπων κατοικία, τόξοις χρωμένων καλαμίνοις καὶ πεπυρακτωμένοις οἰστοῖς· ἀπὸ δένδρων δὲ τοξεύουσι τὰ θηρία τὸ πλέον, ἔστι δʼ ὅτε καὶ ἀπὸ γῆς· πολὺ δʼ ἐστὶ παρʼ αὐτοῖς πλῆθος τῶν ἀγρίων βοῶν· ἀπὸ δὲ τῆς τούτων καὶ τῶν ἄλλων θηρίων κρεοφαγίας ζῶσιν, ἐπὰν δὲ μηδὲν θηρεύσωσι, τὰ ξηρὰ δέρματα ἐπʼ ἀνθρακιᾶς ὀπτῶντες ἀρκοῦνται τῇ τοιαύτῃ τροφῇ.
在埃拉亚之后是德美特里奥斯的哨所和科农的祭坛；在内陆生长着大量的印度芦苇；该地区被称为科拉基翁；在深处曾有一个名为恩德拉的地方，是裸体人类的居所，他们使用芦苇弓和用火烤硬的箭；他们大多从树上射杀野兽，有时也从地面射杀；他们那里有非常多的野牛；他们靠吃这些及其他野兽的肉生活，当什么也没捕到时，他们就把干皮放在炭火上烤，以此类食物为满足。
ἔθος δʼ ἐστὶν αὐτοῖς ἀγῶνα τοξείας προτιθέναι τοῖς ἀνήβοις παισί.
他们有为未成年男孩举行弓术比赛的习俗。
μετὰ δὲ τοὺς Κόνωνος βωμοὺς ὁ Μήλινος λιμήν· ὑπέρκειται δʼ αὐτοῦ φρούριον Κοράου καλούμενον καὶ κυνήγιον τοῦ Κοράου καὶ ἄλλο φρούριον καὶ κυνήγια πλείω· εἶτα ὁ Ἀντιφίλου λιμὴν καὶ οἱ ὑπὲρ τούτου κρεοφάγοι, κολοβοὶ τὰς βαλάνους καὶ αἱ γυναῖκες ἰουδαϊκῶς ἐκτετμημέναι.
在科农祭坛之后是美里努斯港；其上方有一座被称为科劳斯的堡垒，以及科劳斯捕猎场，还有另一座堡垒和多个捕猎场；接着是安蒂菲卢斯港，其上方有食肉族，他们的包皮经过割礼，妇女也以犹太人的方式进行割礼。