§16.4.7μετὰ δὲ τὴν νῆσον ταύτην πολλά ἐστιν ἰχθυοφάγων γένη καὶ νομάδων·
이 섬 다음에는 물고기를 먹는 사람들과 유목민들의 많은 부족이 있다.
εἶθʼ ὁ τῆς Σωτείρας λιμήν, ὃν ἐκ κινδύνων μεγάλων τινὲς σωθέντες τῶν ἡγεμόνων ἀπὸ τοῦ συμβεβηκότος οὕτως ἐκάλεσαν.
이어서 '구세녀의 항구'가 있는데, 지휘관들 중 일부가 큰 위험에서 구원받은 후 그 사건에서 유래하여 이렇게 불렀다.
μετὰ δὲ ταῦτα ἐξάλλαξις πολλὴ τῆς παραλίας καὶ τοῦ κόλπου·
이 일들 후에 해안과 만의 모습이 크게 바뀐다.
τὸν γὰρ παράπλουν οὐκέτι συμβαίνει τραχὺν εἶναι, συνάπτειν τέ πως τῇ Ἀραβίᾳ καὶ τὸ πέλαγος ταπεινὸν εἶναι σχεδόν τι καὶ ἐπὶ δύο ὀργυιάς, ποάζειν τε τὴν ἐπιφάνειαν διαφαινομένου τοῦ μνίου καὶ τοῦ φύκους ὅπερ πλεονάζει κατὰ τὸν πόρον, ὅπου γε καὶ δένδρα φύεται καθʼ ὕδατος παρὰ τοῖς ἐνταῦθα·
연안 항로는 더 이상 험하지 않고, 아라비아와 어떤 식으로든 인접해 있으며, 바다는 얕아서 거의 이 오르귀이아 깊이에 불과하고, 수로에 번성하는 이끼와 해초가 비쳐 보여 수면이 풀로 덮인 것처럼 보이며, 그곳의 주민들 근처 수중에도 나무가 자랄 정도이기 때문이다.
ἔχει δὲ καὶ κυνῶν πλῆθος τῶν θαλαττίων ὁ πόρος·
또한 수로에는 많은 바다개가 있다.
εἶθʼ οἱ Ταῦροι, δύο ὄρη τύπον τινὰ πόρρωθεν δεικνύντα τοῖς ζῴοις ὅμοιον·
이어서 '황소'가 있는데, 이는 멀리서 동물과 유사한 형태를 보여주는 두 개의 산이다.
εἶτʼ ἄλλο ὄρος ἱερὸν ἔχον τῆς Ἴσιδος, Σεσώστριος ἀφίδρυμα·
이어서 세소스트리스가 창건한 이시스의 성소를 가진 또 다른 산이 있다.
εἶτα νῆσος ἐλαίᾳ κατάφυτος ἐπικλυζομένη, μεθʼ ἣν ἡ Πτολεμαῒς πρὸς τῇ θήρᾳ τῶν ἐλεφάντων, κτίσμα Εὐμήδους τοῦ πεμφθέντος ἐπὶ τὴν θήραν ὑπὸ Φιλαδέλφου, λάθρᾳ περιβαλομένου χερρονήσῳ τινὶ τάφρον καὶ περίβολον, εἶτʼ ἐκθεραπεύσαντος τοὺς κωλύοντας καὶ κατεσκευασμένου φίλους ἀντὶ δυσμενῶν.
이어서 올리브가 울창하고 물에 잠기는 섬이 있으며, 그 뒤에 코끼리 사냥터 근처의 프톨레마이스가 있는데, 이는 필라델포스에 의해 사냥을 위해 파견된 에우메데스가 창건한 것이다. 그는 비밀리에 어떤 반도에 참호와 성벽을 두르고, 이어서 방해하는 자들을 회유하여 적 대신 친구로 삼았다.
§16.4.8Ἐν δὲ τῷ μεταξὺ ἐκδίδωσιν ἀπόσπασμα τοῦ Ἀσταβόρα καλουμένου ποταμοῦ, ὃς ἐκ λίμνης τὴν ἀρχὴν ἔχων μέρος μέν τι ἐκδίδωσι, τὸ δὲ πλέον συμβάλλει τῷ Νείλῳ·
그 사이에는 아스타보라스라고 불리는 강의 분류가 흘러나온다. 이 강은 한 호수에서 발원하여 일부는 이쪽으로 흘러들고, 더 많은 부분은 나일강에 합류한다.
εἶτα νῆσοι ἓξ Λατομίαι καλούμεναι·
이어서 '채석장'이라고 불리는 여섯 개의 섬이 있다.
καὶ μετὰ ταῦτα τὸ Σαβαϊτικὸν στόμα λεγόμενον καὶ ἐν τῇ μεσογαίᾳ φρούριον, Τοσούχου ἵδρυμα·
그리고 이들 뒤에 이른바 사바 만구가 있고, 내륙에는 토수코스가 창건한 요새가 있다.
εἶτα λιμὴν καλούμενος Ἐλαία καὶ ἡ Στράτωνος νῆσος·
이어서 엘라이아라고 불리는 항구와 스트라톤의 섬이 있다.
εἶτα λιμὴν Σαβὰ καὶ κυνήγιον ἐλεφάντων ὁμώνυμον αὐτῷ·
이어서 사바 항구와 그것과 같은 이름의 코끼리 사냥터가 있다.
ἡ δʼ ἐν βάθει τούτων χώρα Τηνεσσὶς λέγεται·
이들의 깊은 곳에 있는 지방은 테네시스라고 불린다.
ἔχουσι δʼ αὐτὴν οἱ παρὰ Ψαμμιτίχου φυγάδες Αἰγυπτίων·
프사미티코스로부터 도망친 에집트인들이 이곳을 차지하고 있다.
ἐπονομάζονται δὲ Σεμβρῖται, ὡς ἂν ἐπήλυδες·
이들은 이주민이라는 뜻의 셈브리타이라고 불린다.
βασιλεύονται δʼ ὑπὸ γυναικός, ὑφʼ ἥν ἐστι καὶ ἡ Μερόη, πλησίον τῶν τόπων οὖσα τούτων ἐν τῷ Νείλῳ νῆσος, ὑπὲρ ἧς ἄλλη ἐστὶ νῆσος οὐ πολὺ ἄπωθεν ἐν τῷ ποταμῷ, κατοικία τῶν αὐτῶν τούτων φυγάδων.
이들은 한 여왕에 의해 지배받는데, 그 지배하에는 메로에도 있다. 메로에는 이 지역들 근처의 나일강에 있는 섬이다. 그 상류의 강 속 그리 멀지 않은 곳에 또 다른 섬이 있는데, 이들 동일한 도망자들의 거주지이다.
ἀπὸ δὲ Μερόης ἐπὶ τήνδε τὴν θάλατταν εὐζώνῳ ὁδὸς ἡμερῶν πεντεκαίδεκα.
메로에로부터 이 바다까지는 가벼운 차림의 여행자에게 보름 길이다.
περὶ δὲ τὴν Μερόην καὶ ἡ συμβολὴ τοῦ τε Ἀσταβόρα καὶ τοῦ Ἀστάπου καὶ ἔτι τοῦ Ἀστασόβα πρὸς τὸν Νεῖλον.
그리고 메로에 부근에서 아스타보라스 강과 아스타푸스 강, 그리고 아스타소바스 강이 나일강과 합류한다.
§16.4.9παροικοῦσι δὲ τούτοις οἱ ῥιζοφάγοι καὶ ἕλειοι προσαγορευόμενοι διὰ τὸ ἐκ τοῦ παρακειμένου ῥιζοτομοῦντας ἕλους κόπτειν λίθοις καὶ ἀναπλάττειν μάζας, ἡλιάσαντας δὲ σιτεῖσθαι·
이들 근처에는 식근족과 습지민이라 불리는 이들이 살고 있는데, 그렇게 불리는 이유는 인접한 습지에서 뿌리를 캐내어 돌로 찧고 덩어리로 빚어 햇볕에 말린 후 먹기 때문이다.
λεοντοβότα δʼ ἐστὶ τὰ χωρία·
이 지역은 사자의 서식지이다.
ταῖς δʼ ὑπὸ κυνὸς ἐπιτολὴν ἡμέραις ὑπὸ κωνώπων μεγάλων ἐξελαύνεται τὰ θηρία ἐκ τῶν τόπων·
개자리가 떠오르는 시기에는 거대한 모기들에 의해 야수들이 그 지역에서 쫓겨난다.
εἰσὶ δὲ καὶ σπερμοφάγοι πλησίον, οἳ τῶν σπερμάτων ἐπιλιπόντων ὑπὸ τῶν ἀκροδρύων τρέφονται, σκευάζοντες παραπλησίως ὥσπερ τὰς ῥίζας οἱ ῥιζοφάγοι.
근처에는 식자족도 있는데, 이들은 씨앗이 떨어지면 나무 열매를 먹고 살며, 식근족이 뿌리를 준비하는 것과 유사한 방식으로 준비한다.
μετὰ δὲ τὴν Ἐλαίαν αἱ Δημητρίου σκοπιαὶ καὶ βωμοὶ Κόνωνος·
엘라이아 다음에는 데메트리오스의 망루와 코논의 제단이 있다.
ἐν δὲ τῇ μεσογαίᾳ καλάμων Ἰνδικῶν φύεται πλῆθος·
내륙에는 인도 갈대가 다수 자생한다.
καλεῖται δὲ ἡ χώρα Κορακίου·
그 지방은 코라키온이라고 불린다.
ἦν δέ τις ἐν βάθει Ἐνδέρα γυμνητῶν ἀνθρώπων κατοικία, τόξοις χρωμένων καλαμίνοις καὶ πεπυρακτωμένοις οἰστοῖς·
깊은 곳에는 엔데라라는 벌거숭이 사람들의 거주지가 있었다. 이들은 갈대 활과 불에 달군 화살을 사용했다.
ἀπὸ δένδρων δὲ τοξεύουσι τὰ θηρία τὸ πλέον, ἔστι δʼ ὅτε καὶ ἀπὸ γῆς·
이들은 대부분 나무 위에서 야수를 쏘지만 때로는 땅 위에서 쏘기도 한다.
πολὺ δʼ ἐστὶ παρʼ αὐτοῖς πλῆθος τῶν ἀγρίων βοῶν·
이들 사이에는 야생 소가 아주 많다.
ἀπὸ δὲ τῆς τούτων καὶ τῶν ἄλλων θηρίων κρεοφαγίας ζῶσιν, ἐπὰν δὲ μηδὲν θηρεύσωσι, τὰ ξηρὰ δέρματα ἐπʼ ἀνθρακιᾶς ὀπτῶντες ἀρκοῦνται τῇ τοιαύτῃ τροφῇ.
이들은 이 소들과 다른 야수들의 고기를 먹고 살며, 아무것도 사냥하지 못했을 때는 마른 가죽을 숯불에 구워 그런 음식으로 만족한다.
ἔθος δʼ ἐστὶν αὐτοῖς ἀγῶνα τοξείας προτιθέναι τοῖς ἀνήβοις παισί.
이들에게는 성인 이전의 소년들을 위해 궁술 대회를 개최하는 관습이 있다.
μετὰ δὲ τοὺς Κόνωνος βωμοὺς ὁ Μήλινος λιμήν·
코논의 제단 다음에는 멜리누스 항구가 있다.
ὑπέρκειται δʼ αὐτοῦ φρούριον Κοράου καλούμενον καὶ κυνήγιον τοῦ Κοράου καὶ ἄλλο φρούριον καὶ κυνήγια πλείω·
그 위쪽에는 코라오스라고 불리는 요새와 코라오스의 사냥터, 그리고 또 다른 요새와 여러 사냥터가 있다.
εἶτα ὁ Ἀντιφίλου λιμὴν καὶ οἱ ὑπὲρ τούτου κρεοφάγοι, κολοβοὶ τὰς βαλάνους καὶ αἱ γυναῖκες ἰουδαϊκῶς ἐκτετμημέναι.
이어서 안티필로스의 항구와 그 위쪽의 식육족이 있는데, 이들은 포피를 잘라내었으며 여자들도 유대인 식으로 절제되어 있다.