§16.2.34τῆς δʼ Ἰουδαίας τὰ μὲν ἑσπέρια ἄκρα τὰ πρὸς τῷ Κασίῳ κατέχουσιν Ἰδουμαῖοί τε καὶ ἡ λίμνη.
至于犹太地区，靠近卡西翁山的西部边缘由以东人和湖泊占领。
Ναβαταῖοι δʼ εἰσὶν οἱ Ἰδουμαῖοι, κατὰ στάσιν δʼ ἐκπεσόντες ἐκεῖθεν προσεχώρησαν τοῖς Ἰουδαίοις καὶ τῶν νομίμων τῶν αὐτῶν ἐκείνοις ἐκοινώνησαν·
以东人本是纳巴泰人，但因内讧被驱逐出那里后，便加入了犹太人，并与他们共享相同的习俗。
πρὸς θαλάττῃ δὲ ἡ Σιρβωνὶς τὰ πολλὰ κατέχει καὶ ἡ συνεχὴς μέχρι καὶ Ἱεροσολύμων· καὶ γὰρ ταῦτα πρὸς θαλάττῃ ἐστίν· ἀπὸ γὰρ τοῦ ἐπινείου τῆς Ἰόπης εἴρηται ὅτι ἐστὶν ἐν ὄψει·
靠近海边的地方，塞博尼斯湖占领了大部分区域，而与其相连的地区甚至一直延伸到耶路撒冷；因为这座城市也靠近海边，正如前文所说，从约帕的港口可以望见它。
ταῦτα μὲν προσάρκτια· τὰ πολλὰ δʼ ὡς ἕκαστα ἐστὶν ὑπὸ φύλων οἰκούμενα μικτῶν ἔκ τε Αἰγυπτίων ἐθνῶν καὶ Ἀραβίων καὶ Φοινίκων·
这些是北部的部分；但大部分地区，实际上是由来自埃及、阿拉伯和腓尼基民族的混杂部落所居住的。
τοιοῦτοι γὰρ οἱ τὴν Γαλιλαίαν ἔχοντες καὶ τὸν Ἱερικοῦντα καὶ τὴν Φιλαδέλφειαν καὶ Σαμάρειαν, ἣν Ἡρώδης Σεβαστὴν ἐπωνόμασεν.
因为占领加利利、耶利哥、费拉德尔菲亚以及被希律命名为塞巴斯特的撒玛利亚的人，就是这样的人。
οὕτω δʼ ὄντων μιγάδων ἡ κρατοῦσα μάλιστα φήμη τῶν περὶ τὸ ἱερὸν τὸ ἐν τοῖς Ἱεροσολύμοις πιστευομένων Αἰγυπτίους ἀποφαίνει τοὺς προγόνους τῶν νῦν Ἰουδαίων λεγομένων.
尽管他们如此混杂，但在关于耶路撒冷神庙所信奉的传说中，最盛行的说法表明现在被称为犹太人的人的祖先是埃及人。
§16.2.35μωσῆς γάρ τις τῶν Αἰγυπτίων ἱερέων ἔχων τι μέρος τῆς καλουμένης χώρας, ἀπῆρεν ἐκεῖσε ἐνθένδε δυσχεράνας τὰ καθεστῶτα, καὶ συνεξῆραν αὐτῷ πολλοὶ τιμῶντες τὸ θεῖον.
因为有一位名叫摩西的埃及祭司，占领了被称为下埃及地区的一部分，因厌恶现存的制度而从那里迁移到此地，许多敬畏神性的人也与他一同迁移。
ἔφη γὰρ ἐκεῖνος καὶ ἐδίδασκεν, ὡς οὐκ ὀρθῶς φρονοῖεν οἱ Αἰγύπτιοι θηρίοις εἰκάζοντες καὶ βοσκήμασι τὸ θεῖον, οὐδʼ οἱ Λίβυες· οὐκ εὖ δὲ οὐδʼ οἱ Ἕλληνες ἀνθρωπομόρφους τυποῦντες· εἴη γὰρ ἓν τοῦτο μόνον θεὸς τὸ περιέχον ἡμᾶς ἅπαντας καὶ γῆν καὶ θάλατταν, ὃ καλοῦμεν οὐρανὸν καὶ κόσμον καὶ τὴν τῶν ὄντων φύσιν.
因为他说并教导人们，埃及人用野兽和家畜来比拟神性是不正确的，利比亚人也是如此；而希腊人将神塑造为人类的形象也是不对的；因为唯有这个包容我们所有人以及陆地和海洋的实体才是神，我们称之为天、宇宙和万物的本性。
τούτου δὴ τίς ἂν εἰκόνα πλάττειν θαρρήσειε νοῦν ἔχων ὁμοίαν τινὶ τῶν παρʼ ἡμῖν;
那么，凡是有理性的人，谁敢冒险为这个神塑造一个类似于我们身边任何事物的像呢？
ἀλλʼ ἐᾶν δεῖν πᾶσαν ξοανοποιίαν, τέμενος ἀφορίσαντας καὶ σηκὸν ἀξιόλογον τιμᾶν ἕδους χωρίς.
相反，应当放弃一切神像制作，划定一个圣域并建造一座相称的神殿，在没有神像的情况下进行崇拜。
ἐγκοιμᾶσθαι δὲ καὶ αὐτοὺς ὑπὲρ ἑαυτῶν καὶ ὑπὲρ τῶν ἄλλων ἄλλους τοὺς εὐονείρους· καὶ προσδοκᾶν δεῖν ἀγαθὸν παρὰ τοῦ θεοῦ καὶ δῶρον ἀεί τι καὶ σημεῖον τοὺς σωφρόνως ζῶντας καὶ μετὰ δικαιοσύνης, τοὺς δʼ ἄλλους μὴ προσδοκᾶν.
而且，他们自己应当为了自己，而其他善于做梦的人则为了他人而在神殿中留宿；那些克己守礼、行事公正的人应当期待来自神的善意以及随时给予的礼物和启示，而其他人则不应当有此期待。
§16.2.36Ἐκεῖνος μὲν οὖν τοιαῦτα λέγων ἔπεισεν εὐγνώμονας ἄνδρας οὐκ ὀλίγους καὶ ἀπήγαγεν ἐπὶ τὸν τόπον τοῦτον, ὅπου νῦν ἐστι τὸ ἐν τοῖς Ἱεροσολύμοις κτίσμα.
因此，他通过宣讲这些道理，说服了不仅少数的通情达理之人，并将他们带到了现在耶路撒冷建筑所在的这个地方。
κατέσχε δὲ ῥᾳδίως οὐκ ἐπίφθονον ὂν τὸ χωρίον οὐδʼ ὑπὲρ οὗ ἄν τις ἐσπουδασμένως μαχέσαιτο· ἔστι γὰρ πετρῶδες, αὐτὸ μὲν εὔυδρον τὴν δὲ κύκλῳ χώραν ἔχον λυπρὰν καὶ ἄνυδρον, τὴν δʼ ἐντὸς ἑξήκοντα σταδίων καὶ ὑπόπετρον.
他轻而易举地占领了这片土地，因为该地并不令人艳羡，也不是任何人会为之拼死争夺的地方；因为这里多石，它本身虽然水源充足，但周围的土地却贫瘠且无水，而方圆六十斯塔德以内的土地，其下层也是多石的。
ἅμα δʼ ἀντὶ τῶν ὅπλων τὰ ἱερὰ προὐβάλλετο καὶ τὸ θεῖον, ἵδρυσιν τούτου ζητεῖν ἀξιῶν, καὶ παραδώσειν ὑπισχνούμενος τοιοῦτον σεβασμὸν καὶ τοιαύτην ἱεροποιίαν ἥτις οὔτε δαπάναις ὀχλήσει τοὺς χρωμένους οὔτε θεοφορίαις οὔτε ἄλλαις πραγματείαις ἀτόποις.
同时，他没有使用武器，而是将神圣的祭仪和神性推向前台，认为应当为其寻找一个定居之所，并承诺将传授一种既不会因费用而困扰信徒，也不会因神灵附身或其他怪异琐事而烦扰他们的崇拜和祭祀方式。
οὗτος μὲν οὖν εὐδοκιμήσας τούτοις συνεστήσατο ἀρχὴν οὐ τὴν τυχοῦσαν, ἁπάντων προσχωρησάντων ῥᾳδίως τῶν κύκλῳ διὰ τὴν ὁμιλίαν καὶ τὰ προτεινόμενα.
于是，他因这些举措赢得了极高的声誉，建立了一个非同寻常的统治，周围的所有人都因他的交往和所提出的倡议而轻易归顺。
§16.2.37οἱ δὲ διαδεξάμενοι χρόνους μέν τινας ἐν τοῖς αὐτοῖς διέμενον δικαιοπραγοῦντες καὶ θεοσεβεῖς ὡς ἀληθῶς ὄντες, ἔπειτʼ ἐφισταμένων ἐπὶ τὴν ἱερωσύνην τὸ μὲν πρῶτον δεισιδαιμόνων, ἔπειτα τυραννικῶν ἀνθρώπων, ἐκ μὲν τῆς δεισιδαιμονίας αἱ τῶν βρωμάτων ἀποσχέσεις, ὧνπερ καὶ νῦν ἔθος ἐστὶν αὐτοῖς ἀπέχεσθαι, καὶ περιτομαὶ καὶ αἱ ἐκτομαὶ καὶ εἴ τινα τοιαῦτα ἐνομίσθη, ἐκ δὲ τῶν τυραννίδων τὰ λῃστήρια.
他的继承者们在一段时间内仍保持着相同的行事方式，行事公正且真正敬虔；但在此后，随着最初是迷信之人、继而是僭主般的人相继执掌祭司职权，从迷信中产生对某些食物的禁忌（他们至今仍习惯于不吃这些食物）、割礼、切除以及诸如此类被定为法律的习俗，而从僭主统治中则产生了掠夺行径。
οἱ μὲν γὰρ ἀφιστάμενοι τὴν χώραν ἐκάκουν καὶ αὐτὴν καὶ τὴν γειτνιῶσαν, οἱ δὲ συμπράττοντες τοῖς ἄρχουσι καθήρπαζον τὰ ἀλλότρια καὶ τῆς Συρίας κατεστρέφοντο καὶ τῆς Φοινίκης πολλήν.
因为那些叛乱者既蹂躏了该地本身，也蹂躏了邻近的土地，而那些与统治者勾结的人则强夺他人的财产，并征服了叙利亚和腓尼基的大部分地区。
ἦν δʼ ὅμως εὐπρέπειά τις περὶ τὴν ἀκρόπολιν αὐτῶν, οὐχ ὡς τυραννεῖον βδελυττομένων, ἀλλʼ ὡς ἱερὸν σεμνυνόντων καὶ σεβομένων.
然而，在他们的城堡周围仍然保持着某种庄严，人们并不是像对僭主的巢穴那样对其感到厌恶，而是将其作为圣所来尊崇和敬拜。