§14.3.1μετὰ δὲ τὴν Ῥοδίων περαίαν ἧς ὅριον τὰ Δαίδαλα ἐφεξῆς πλέουσι πρὸς ἀνίσχοντα ἥλιον ἡ Λυκία κεῖται μέχρι Παμφυλίας, εἶθʼ ἡ Παμφυλία μέχρι Κιλίκων τῶν τραχέων, εἶθʼ ἡ τούτων μέχρι τῶν ἄλλων Κιλίκων τῶν περὶ τὸν Ἰσσικὸν κόλπον·
在罗得岛对岸领地（以戴达拉为界）之后，对于向东航行的人来说，吕基亚紧接其后，一直延伸到旁非利亚，然后旁非利亚延伸到崎岖基利家，再后是后者的领土延伸到伊苏斯湾周围的其他基利家。
ταῦτα δʼ ἐστὶ μέρη μὲν τῆς χερρονήσου, ἧς τὸν ἰσθμὸν ἔφαμεν τὴν ἀπὸ Ἰσσοῦ ὁδὸν μέχρι Ἀμισοῦ ἢ Σινώπης, ὥς τινες, ἐκτὸς δὲ τοῦ Ταύρου ἐν στενῇ παραλίᾳ τῇ ἀπὸ Λυκίας μέχρι τῶν περὶ Σόλους τόπων, τὴν νῦν Πομπηιόπολιν·
这些都是半岛的一部分，我们曾说该半岛的地峡是自伊苏斯到阿米苏斯（或如某些人所说，到锡诺普）的道路；但它们位于托罗斯山脉之外，处于从吕基亚延伸到索里（即今庞贝波利斯）附近的狭窄海岸地带。
ἔπειτα ἤδη εἰς πεδία ἀναπέπταται ἡ κατὰ τὸν Ἰσσικὸν κόλπον παραλία ἀπὸ Σόλων καὶ Ταρσοῦ ἀρξαμένη.
随后，自索里和大数开始，沿伊苏斯湾的海岸地区已向平原敞开。
ταύτην οὖν ἐπελθοῦσιν ὁ πᾶς περὶ τῆς χερρονήσου λόγος ἔσται περιωδευμένος· εἶτα μεταβησόμεθα ἐπὶ τὰ ἄλλα μέρη τῆς Ἀσίας τὰ ἐκτὸς τοῦ Ταύρου. τελευταῖα δʼ ἐκθήσομεν τὰ περὶ τὴν Λιβύην.
因此，对于巡行了这一地带的人来说，关于该半岛的全部记述就已告完成；接着我们将过渡到托罗斯山脉以外亚洲的其他部分，最后我们将阐述关于利比亚的事务。
§14.3.2μετὰ τοίνυν Δαίδαλα τὰ τῶν Ῥοδίων ὄρος ἐστὶ τῆς Λυκίας ὁμώνυμον αὐτοῖς Δαίδαλα, ἀφʼ οὗ λαμβάνει τὴν ἀρχὴν ὁ παράπλους ἅπας ὁ Λυκιακός, σταδίων μὲν ὢν χιλίων ἑπτακοσίων εἴκοσι, τραχὺς δὲ καὶ χαλεπός, ἀλλʼ εὐλίμενος σφόδρα καὶ ὑπὸ ἀνθρώπων συνοικούμενος σωφρόνων·
那么，在属于罗得岛人的戴达拉之后，便是吕基亚境内同名的戴达拉山，整个吕基亚沿海航路即从此开始。 该航路全长一千七百二十斯塔德，崎岖而艰难，但港口极多，且居住着品格庄重的人民。
ἐπεὶ ἥ γε τῆς χώρας φύσις παραπλησία καὶ τοῖς Παμφύλοις ἐστὶ καὶ τοῖς Τραχειώταις Κίλιξιν· ἀλλʼ ἐκεῖνοι μὲν ὁρμητηρίοις ἐχρήσαντο τοῖς τόποις πρὸς τὰ λῃστήρια, αὐτοὶ πειρατεύοντες ἢ τοῖς πειραταῖς λαφυροπώλια καὶ ναύσταθμα παρέχοντες· ἐν Σίδῃ γοῦν πόλει τῆς Παμφυλίας τὰ ναυπήγια συνίστατο τοῖς Κίλιξιν, ὑπὸ κήρυκά τε ἐπώλουν ἐκεῖ τοὺς ἁλόντας ἐλευθέρους ὁμολογοῦντες· Λύκιοι δʼ οὕτω πολιτικῶς καὶ σωφρόνως ζῶντες διετέλεσαν ὥστʼ ἐκείνων διὰ τὰς εὐτυχίας θαλαττοκρατησάντων μέχρι τῆς Ἰταλίας ὅμως ὑπʼ οὐδενὸς ἐξήρθησαν αἰσχροῦ κέρδους, ἀλλʼ ἔμειναν ἐν τῇ πατρίῳ διοικήσει τοῦ Λυκιακοῦ συστήματος.
因为该地区的自然状况与旁非利亚人和崎岖基利家人的土地非常相似；但那些人将这些地方用作海盗活动的基地，他们自己进行劫掠，或者为海盗提供赃物交易场所和停泊港口——例如在旁非利亚的城市西德，曾为基利家人建造造船厂，他们还在那里通过竞卖人出售被俘者，尽管承认他们是自由人——而吕基亚人则一直过着如此守法和庄重的生活，以至于尽管那些人因其好运而将制海权扩张至意大利，但吕基亚人从未被任何可耻的利益所动摇，而是保持着吕基亚联邦这一祖传的行政体制。
§14.3.3εἰσὶ δὲ τρεῖς καὶ εἴκοσι πόλεις αἱ τῆς ψήφου μετέχουσαι·
共有二十三个城市拥有投票权。
συνέρχονται δὲ ἐξ ἑκάστης πόλεως εἰς κοινὸν συνέδριον, ἣν ἂν δοκιμάσωσι πόλιν ἑλόμενοι·
他们从每个城市出发，聚集在他们选择并批准的某个城市，召开共同的议会。
τῶν δὲ πόλεων αἱ μέγισται μὲν τριῶν ψήφων ἐστὶν ἑκάστη κυρία, αἱ δὲ μέσαι δυεῖν, αἱ δʼ ἄλλαι μιᾶς· ἀνὰ λόγον δὲ καὶ τὰς εἰσφορὰς εἰσφέρουσι καὶ τὰς ἄλλας λειτουργίας.
在这些城市中，最大的城市各拥有三票，中等城市拥有两票，其他城市拥有一票；他们也按相同比例缴纳税款并承担其他公共义务。
ἓξ δὲ τὰς μεγίστας ἔφη ὁ Ἀρτεμίδωρος, Ξάνθον Πάταρα Πίναρα Ὄλυμπον Μύρα Τλῶν κατὰ τὴν θεσιν τὴν εἰς Κιβύραν κειμένην.
阿耳特弥多罗斯说，六个最大的城市是克桑托斯、帕塔拉、皮纳拉、奥林波斯、米拉以及位于通往基比拉通道上的特洛斯。
ἐν δὲ τῷ συνεδρίῳ πρῶτον μὲν Λυκιάρχης αἱρεῖται, εἶτʼ ἄλλαι ἀρχαὶ αἱ τοῦ συστήματος· δικαστήριά τε ἀποδείκνυται κοινῇ·
在议会中，首先选出吕基亚长官，然后选出联邦的其他官职；并且共同指定法庭。
καὶ περὶ πολέμου δὲ καὶ εἰρήνης καὶ συμμαχίας ἐβουλεύοντο πρότερον, νῦν δʼ οὐκ εἰκός, ἀλλʼ ἐπὶ τοῖς Ῥωμαίοις ταῦτʼ ἀνάγκη κεῖσθαι, πλὴν εἰ ἐκείνων ἐπιτρεψάντων, ἢ ὑπὲρ αὐτῶν εἴη χρήσιμον·
以前他们还商议战争、和平与同盟事宜，但现在不能这样了，这些事情必然取决于罗马人，除非经他们许可，或者对他们自身有用。
ὁμοίως δὲ καὶ δικασταὶ καὶ ἄρχοντες ἀνὰ λόγον ταῖς ψήφοις ἐξ ἑκάστης προχειρίζονται πόλεως.
同样，法官和官吏也根据票数比例从各个城市选拔。
οὕτω δʼ εὐνομουμένοις αὐτοῖς συνέβη παρὰ Ῥωμαίοις ἐλευθέροις διατελέσαι τὰ πάτρια νέμουσι, τοὺς δὲ λῃστὰς ἐπιδεῖν ἄρδην ἠφανισμένους, πρότερον μὲν ὑπὸ Σερουιλίου τοῦ Ἰσαυρικοῦ, καθʼ ὃν χρόνον καὶ τὰ Ἴσαυρα ἐκεῖνος καθεῖλεν, ὕστερον δὲ Πομπηίου τοῦ Μάγνου, πλείω τῶν χιλίων καὶ τριακοσίων σκαφῶν ἐμπρήσαντος τὰς δὲ κατοικίας ἐκκόψαντος, τῶν δὲ περιγενομένων ἀνθρώπων ἐν ταῖς μάχαις τοὺς μὲν καταγαγόντος εἰς Σόλους, ἣν ἐκεῖνος Πομπηιόπολιν ὠνόμασε, τοὺς δʼ εἰς Δύμην λιπανδρήσασαν, ἣν νυνὶ Ῥωμαίων ἀποικία νέμεται.
由于治理得如此良好，他们得以在罗马人治下保持自由，遵循祖传体制，并目睹海盗被彻底消灭；先是被塞维利乌斯· 伊萨乌里库斯消灭（在其摧毁伊萨乌拉的同一时期），后是被大庞培消灭，他烧毁了一千三百多艘船只并摧毁了他们的定居点，在战斗中幸存的人中，他将一部分安置在索里（他将其命名为庞贝波利斯），另一部分安置在人口流失的迪美（如今该地作为罗马殖民地被领有）。
οἱ ποιηταὶ δὲ μάλιστα οἱ τραγικοὶ συγχέοντες τὰ ἔθνη, καθάπερ τοὺς Τρῶας καὶ τοὺς Μυσοὺς καὶ τοὺς Λυδοὺς Φρύγας προσαγορεύουσιν, οὕτω καὶ τοὺς Λυκίους Κᾶρας.
诗人们，特别是悲剧诗人，常常混淆各民族，正如他们将特洛伊人、 mysia人和吕底亚人称为“弗里吉亚人”一样，他们也将吕基亚人称为“卡里亚人”。
§14.3.4μετὰ δʼ οὖν τὰ Δαίδαλα τὸ τῶν Λυκίων ὄρος πλησίον ἐστὶ Τελεμησσὸς πολίχνη Λυκίων, καὶ Τελεμησσὶς ἄκρα λιμένα ἔχουσα.
在戴达拉之后，有吕基亚人的山，其附近是吕基亚人的小城镇特尔梅索斯，以及拥有港口的特尔梅西斯岬。
ἔλαβε δὲ τὸ χωρίον τοῦτο παρὰ Ῥωμαίων Εὐμένης ἐν τῷ Ἀντιοχικῷ πολέμῳ, καταλυθείσης δὲ τῆς βασιλείας ἀπέλαβον πάλιν οἱ Λύκιοι.
在安条克战争中，欧墨尼斯从罗马人手中获得了这个地方，但在其王国崩溃后，吕基亚人重新夺回了它。