§6.1320aοἳ περιλήψονται μάλιστα τὰ σῴζοντα τὰς πολιτείας, καὶ μὴ νομίζειν τοῦτʼ εἶναι δημοτικὸν μηδʼ ὀλιγαρχικὸν ὃ ποιήσει τὴν πόλιν ὅτι μάλιστα δημοκρατεῖσθαι ἢ ὀλιγαρχεῖσθαι, ἀλλʼ ὃ πλεῖστον χρόνον.
这些法律将最有效地包揽那些维护国体的措施。 此外，不应把那些使城邦尽可能实行民主或寡头的措施视为民主或寡头的特征，而应把那些使城邦能维持最长时间的措施视为其特征。
οἱ δὲ νῦν δημαγωγοὶ χαριζόμενοι τοῖς δήμοις πολλὰ δημεύουσι διὰ τῶν δικαστηρίων.
然而，现在的煽动家们为了讨好平民，通过法庭没收许多财产。
διὸ δεῖ πρὸς ταῦτα ἀντιπράττειν τοὺς κηδομένους τῆς πολιτείας, νομοθετοῦντας μηδὲν εἶναι δημόσιον τῶν καταδικαζομένων καὶ φερόμενον πρὸς τὸ κοινόν, ἀλλʼ ἱερόν·
因此，那些关心国体的人必须对此采取反向行动，立法规定任何被判罪者的财产都不得充公，也不得运往公共金库，而必须归为神圣之物。
οἱ μὲν γὰρ ἀδικοῦντες οὐθὲν ἧττον εὐλαβεῖς ἔσονται (ζημιώσονται γὰρ ὁμοίως), ὁ δʼ ὄχλος ἧττον καταψηφιεῖται τῶν κρινομένων, λήψεσθαι μηδὲν μέλλων.
因为这样一来，作恶者不仅不会减少戒备（因为他们将受到同样的惩罚），而且大众也不会轻易对受审者投赞成有罪票，因为他们无法从中获得任何好处。
ἔτι δὲ τὰς γινομένας δημοσίας δίκας ὡς ὀλιγίστας αἰεὶ ποιεῖν, μεγάλοις ἐπιτιμίοις τοὺς εἰκῇ γραφομένους κωλύοντας·
此外，应当使发生的公诉案件始终保持在最少的数量，通过重罚来阻止那些轻率起诉的人。
οὐ γὰρ τοὺς δημοτικοὺς ἀλλὰ τοὺς γνωρίμους εἰώθασιν εἰσάγειν, δεῖ δὲ καὶ ταύτῃ τῇ πολιτείᾳ πάντας μάλιστα μὲν εὔνους εἶναι τοὺς πολίτας, εἰ δὲ μή, μή τοί γε ὡς πολεμίους νομίζειν τοὺς κυρίους.
因为他们通常起诉的不是平民，而是显贵者。 而且，即使在这种国体中，也必须使所有公民尽可能对政体抱有善意，如果做不到这一点，至少不要把统治者视为敌人。
ἐπεὶ δʼ αἱ τελευταῖαι δημοκρατίαι πολυάνθρωποί τέ εἰσι καὶ χαλεπὸν ἐκκλησιάζειν ἀμίσθους, τοῦτο δʼ ὅπου πρόσοδοι μὴ τυγχάνουσιν οὖσαι πολέμιον τοῖς γνωρίμοις (ἁπό τε γὰρ εἰσφορᾶς καὶ δημεύσεως ἀναγκαῖον γίνεσθαι καὶ δικαστηρίων φαύλων, ἃ πολλὰς ἤδη δημοκρατίας ἀνέτρεψεν), ὅπου μὲν οὖν πρόσοδοι μὴ τυγχάνουσιν οὖσαι, δεῖ ποιεῖν ὀλίγας ἐκκλησίας, καὶ δικαστήρια πολλῶν μὲν ὀλίγας δʼ ἡμέρας (τοῦτο γὰρ φέρει μὲν καὶ πρὸς τὸ μὴ φοβεῖσθαι τοὺς πλουσίους τὰς δαπάνας κἂν οἱ μὲν εὔποροι μὴ λαμβάνωσι δικαστικόν, οἱ δʼ ἄποροι, φέρει δὲ καὶ πρὸς τὸ κρίνεσθαι τὰς δίκας πολὺ βέλτιον·
由于最后一种民主政体人口众多，而且不给津贴就很难召开民会，但若在没有岁入的地方，这就会对显贵者构成敌意（因为津贴必然来自于直接税、财产没收以及恶劣的法庭，而这些已经颠覆了许多民主政体），所以在没有岁入的地方，应当少召开民会，并且设立人数众多但仅审理几天的法庭。 （因为这不仅有助于富人不害怕开支——即使富人不领取法庭津贴而穷人领取——而且也有助于案件得到更好的审理。
οἱ γὰρ εὔποροι πολλὰς μὲν ἡμέρας οὐκ ἐθέλουσιν ἀπὸ τῶν ἰδίων ἀπεῖναι, βραχὺν δὲ χρόνον ἐθέλουσιν), ὅπου δʼ εἰσὶ πρόσοδοι, μὴ ποιεῖν ὃ νῦν οἱ δημαγωγοὶ ποιοῦσιν (τὰ γὰρ περιόντα νέμουσιν· λαμβάνουσι δὲ ἅμα καὶ πάλιν δέονται τῶν αὐτῶν· ὁ τετρημένος γάρ ἐστι πίθος ἡ τοιαύτη βοήθεια τοῖς ἀπόροις).
因为富人不愿意连续多日离开自己的私产，但他们愿意离开很短的时间。 ）但是在有岁入的地方，不应做现在煽动家们所做的事（因为他们分配剩余的款项，而穷人们在领取的同时又再次需要同样的帮助，因为这种对穷人的援助就像是一个漏水的木桶）。
ἀλλὰ δεῖ τὸν ἀληθινῶς δημοτικὸν ὁρᾶν ὅπως τὸ πλῆθος μὴ λίαν ἄπορον ᾖ·
相反，真正的民主主义者应当设法使大众不至于过度贫困，因为这是导致民主政体腐败的原因。
τοῦτο γὰρ αἴτιον τοῦ μοχθηρὰν εἶναι τὴν δημοκρατίαν. τεχναστέον οὖν ὅπως ἂν εὐπορία γένοιτο χρόνιος.
因此，必须设法产生持久的富裕。
ἐπεὶ δὲ συμφέρει τοῦτο καὶ τοῖς εὐπόροις, τὰ μὲν ἀπὸ τῶν προσόδων γινόμενα συναθροίζοντας ἀθρόα χρὴ διανέμειν τοῖς ἀπόροις, μάλιστα μὲν εἴ τις δύναται τοσοῦτον ἀθροίζων ὅσον εἰς γηδίου κτῆσιν, εἰ δὲ μή, πρὸς ἀφορμὴν ἐμπορίας καὶ γεωργίας,
既然这同样对富人有利，就应当把来自岁入的款项累积起来，一次性地分配给穷人，特别是如果有人能够累积到足够购买一小块土地的数额，如果做不到，则分配用作经商或务农的资本。
§6.1320bκαί, εἰ μὴ πᾶσι δυνατόν, ἀλλὰ κατὰ φυλὰς ἤ τι μέρος ἕτερον ἐν μέρει διανέμειν, ἐν δὲ τούτῳ πρὸς τὰς ἀναγκαίας συνόδους τοὺς εὐπόρους εἰσφέρειν τὸν μισθόν, ἀφειμένους τῶν ματαίων λειτουργιῶν.
并且，如果无法对所有人分配，至少也要按部落或其他划分依次轮流分配。 在此期间，富人应当为必要的集会提供出席津贴，而免除那些无益的公益奉仕。
τοιοῦτον δέ τινα τρόπον Καρχηδόνιοι πολιτευόμενοι φίλον κέκτηνται τὸν δῆμον·
迦太基人就是以某种类似的方式治理国家并获得平民好感的。
ἀεὶ γάρ τινας ἐκπέμποντες τοῦ δήμου πρὸς τὰς περιοικίδας ποιοῦσιν εὐπόρους.
因为他们总是把平民中的一部分人派遣到周边的城镇，使他们变得富裕。
χαριέντων δʼ ἐστὶ καὶ νοῦν ἐχόντων γνωρίμων καὶ διαλαμβάνοντας τοὺς ἀπόρους ἀφορμὰς διδόντας τρέπειν ἐπʼ ἐργασίας.
而温雅且有头脑的显贵者也应当分担照顾穷人，给他们提供资本并引导他们从事工作。
καλῶς δʼ ἔχει μιμεῖσθαι καὶ τὰ Ταραντίνων.
效法塔拉斯人的做法也是很好的。
ἐκεῖνοι γὰρ κοινὰ ποιοῦντες τὰ κτήματα τοῖς ἀπόροις ἐπὶ τὴν χρῆσιν εὔνουν παρασκευάζουσι τὸ πλῆθος·
因为他们通过将所有物向穷人开放使用，从而争取了大众的好感。
ἔτι δὲ τὰς ἀρχὰς πάσας ἐποίησαν διττάς, τὰς μὲν αἱρετὰς τὰς δὲ κληρωτάς, τὰς μὲν κληρωτὰς ὅπως ὁ δῆμος αὐτῶν μετέχῃ, τὰς δʼ αἱρετὰς ἵνα πολιτεύωνται βέλτιον.
此外，他们把所有的官职都设为双重，一部分通过选举，另一部分通过抽签。 通过抽签是为了让平民能够参与，而通过选举是为了让国家治理得更好。
ἔστι δὲ τοῦτο ποιῆσαι. καὶ τῆς αὐτῆς ἀρχῆς μερίζοντας τοὺς μὲν κληρωτοὺς τοὺς δʼ αἱρετούς.
而且，也可以通过将同一官职进行分割，使一部分人通过抽签，另一部分人通过选举产生。
πῶς μὲν οὖν δεῖ τὰς δημοκρατίας κατασκευάζειν, εἴρηται.
关于应该如何构建民主政体，已经说明完毕。
σχεδὸν δὲ καὶ περὶ τὰς ὀλιγαρχίας πῶς δεῖ φανερὸν ἐκ τούτων.
从这些内容中，如何构建寡头政体也几乎是显而易见的。
ἐκ τῶν ἐναντίων γὰρ δεῖ συνάγειν ἑκάστην ὀλιγαρχίαν, πρὸς τὴν ἐναντίαν δημοκρατίαν ἀναλογιζόμενον, τὴν μὲν εὔκρατον μάλιστα τῶν ὀλιγαρχιῶν καὶ πρώτην— αὕτη δʼ ἐστὶν ἡ σύνεγγυς τῇ καλουμένῃ πολιτείᾳ, ἐν ᾗ δεῖ τὰ τιμήματα διαιρεῖν, τὰ μὲν ἐλάττω τὰ δὲ μείζω ποιοῦντας, ἐλάττω μὲν ἀφʼ ὧν τῶν ἀναγκαίων μεθέξουσιν ἀρχῶν, μείζω δʼ ἀφʼ ὧν τῶν κυριωτέρων·
因为必须从相反的角度来组建每一种寡头政体，并对照相反的民主政体来进行考量。 在各种寡头政体中，最温和且第一种的寡头政体——这是一种接近所谓“混合政体”的政体——必须划分资产资格，使一些较低，另一些较高；较低的资格用于参与那些必需的官职，较高的资格用于参与那些拥有更主权权力的官职。
τῷ τε κτωμένῳ τὸ τίμημα μετέχειν ἐξεῖναι τῆς πολιτείας, τοσούτου εἰσαγομένου τοῦ δήμου πλήθους διὰ τοῦ τιμήματος μεθʼ οὗ κρείττονες ἔσονται τῶν μὴ μετεχόντων·
而且应当允许达到资产资格的人参与国体，通过该资产资格引入足够数量的平民，使他们与这些平民结合后，力量能够超过那些不参与国体的人。
ἀεὶ δὲ δεῖ παραλαμβάνειν ἐκ τοῦ βελτίονος δήμου τοὺς κοινωνούς.
而且应当始终从较好的平民阶层中吸收参与者。
ὁμοίως δὲ καὶ τὴν ἐχομένην ὀλιγαρχίαν ἐπιτείνοντας δεῖ μικρὸν κατασκευάζειν.
同样地，对于紧随其后的寡头政体，应当通过稍微收紧限制来进行构建。
τῇ δʼ ἀντικειμένῃ τῇ τελευταίᾳ δημοκρατίᾳ, τῇ δυναστικωτάτῃ καὶ τυραννικωτάτῃ τῶν ὀλιγαρχιῶν, ὅσῳ περ χειρίστη, τοσούτῳ δεῖ πλείονος φυλακῆς.
但对于与最后一种民主政体相对立的、最带有家族专制和僭主色彩的寡头政体，由于它最坏，所以需要最严密的防范。
ὥσπερ γὰρ τὰ μὲν εὖ σώματα διακείμενα πρὸς ὑγίειαν καὶ πλοῖα τὰ πρὸς ναυτιλίαν καλῶς ἔχοντα τοῖς πλωτῆρσιν ἐπιδέχεται πλείους ἁμαρτίας ὥστε μὴ φθείρεσθαι διʼ αὐτάς, τὰ δὲ νοσερῶς ἔχοντα τῶν σωμάτων καὶ τὰ τῶν πλοίων ἐκλελυμένα καὶ πλωτήρων τετυχηκότα φαύλων οὐδὲ τὰς μικρὰς δύναται φέρειν ἁμαρτίας, οὕτω καὶ τῶν πολιτειῶν αἱ χείρισται πλείστης δέονται φυλακῆς.
因为正如健康状况良好的身体和在航海方面准备充分且拥有优秀船员的船只，可以容许更多的错误而不至于因此毁灭，而多病的身体和结构松散、且遇上恶劣船员的船只，连微小的错误也无法承受一样，最坏的国体也需要最严密的防范。