§5.1ἀρχὴ λέγεται ἡ μὲν ὅθεν ἄν τις τοῦ πράγματος κινηθείη πρῶτον, οἷον τοῦ μήκους καὶ ὁδοῦ ἐντεῦθεν μὲν αὕτη ἀρχή, ἐξ ἐναντίας δὲ ἑτέρα· ἡ δὲ ὅθεν ἂν κάλλιστα ἕκαστον γένοιτο, οἷον καὶ μαθήσεως οὐκ ἀπὸ τοῦ πρώτου καὶ τῆς τοῦ πράγματος ἀρχῆς ἐνίοτε ἀρκτέον ἀλλʼ ὅθεν ῥᾷστʼ ἂν μάθοι· ἡ δὲ ὅθεν πρῶτον γίγνεται ἐνυπάρχοντος, οἷον ὡς πλοίου τρόπις καὶ οἰκίας θεμέλιος, καὶ τῶν ζῴων οἱ μὲν καρδίαν οἱ δὲ ἐγκέφαλον οἱ δʼ ὅ τι ἂν τύχωσι τοιοῦτον ὑπολαμβάνουσιν· ἡ δὲ ὅθεν γίγνεται πρῶτον μὴ ἐνυπάρχοντος καὶ ὅθεν πρῶτον ἡ κίνησις πέφυκεν ἄρχεσθαι καὶ ἡ μεταβολή, οἷον τὸ τέκνον ἐκ τοῦ πατρὸς καὶ τῆς μητρὸς καὶ ἡ μάχη ἐκ τῆς λοιδορίας· ἡ δὲ οὗ κατὰ προαίρεσιν κινεῖται τὰ κινούμενα καὶ μεταβάλλει τὰ μεταβάλλοντα, ὥσπερ αἵ τε κατὰ πόλεις ἀρχαὶ καὶ αἱ δυναστεῖαι καὶ αἱ βασιλεῖαι καὶ τυραννίδες ἀρχαὶ λέγονται καὶ αἱ τέχναι, καὶ τούτων αἱ ἀρχιτεκτονικαὶ μάλιστα.
“始基”（或“原理”、“支配”）是指：（1）事物中人们最先开始移动的起点，例如线段和道路，从这一端开始这是起点，而从相反的一端则是另一个起点；（2）各事物由此能最好地产生的起点，例如在学习中，有时我们不应当从该事物的最初原理开始，而应当从最容易学起的地方开始；（3）作为事物内在的东西，事物最先由此产生的起点，例如船的龙骨和房屋的地基，在动物中，有人认为是心脏，有人认为是脑，也有人认为是其他任何偶然相合的此类器官；（4）作为非内在的东西，事物最先由此产生的起点，以及运动和变化自然地最先开始的起点，例如孩子来自父亲和母亲，战斗来自辱骂；（5）在它的抉择下，运动者开始运动、变化者开始变化的起点，正如城邦中的官职、权势、王权和僭主统治被称为“权力”（或“始基”），技术也是如此，而在技术中，尤以统领性的技术为最。
ἔτι ὅθεν γνωστὸν τὸ πρᾶγμα πρῶτον, καὶ αὕτη ἀρχὴ λέγεται τοῦ πράγματος, οἷον τῶν ἀποδείξεων αἱ ὑποθέσεις.
此外，（6）事物最先被认识的起点，这也称为该事物的“始基”，例如证明中的假设。
ἰσαχῶς δὲ καὶ τὰ αἴτια λέγεται· πάντα γὰρ τὰ αἴτια ἀρχαί.
而“原因”也有同样多种含义，因为一切原因都是始基。
πασῶν μὲν οὖν κοινὸν τῶν ἀρχῶν τὸ πρῶτον εἶναι ὅθεν ἢ ἔστιν ἢ γίγνεται ἢ γιγνώσκεται· τούτων δὲ αἱ μὲν ἐνυπάρχουσαί εἰσιν αἱ δὲ ἐκτός.
因此，所有始基的共同点在于，它们是事物得以存在、产生或被认识的最先起点；在这些始基中，有些是内在的，有些是外在的。
διὸ ἥ τε φύσις ἀρχὴ καὶ τὸ στοιχεῖον καὶ ἡ διάνοια καὶ ἡ προαίρεσις καὶ οὐσία καὶ τὸ οὗ ἕνεκα· πολλῶν γὰρ καὶ τοῦ γνῶναι καὶ τῆς κινήσεως ἀρχὴ τἀγαθὸν καὶ τὸ καλόν.
因此，自然、元素、思想、抉择、实体以及“为了什么”（目的）都是始基；因为对于许多事物来说，善和美既是认识的始基，也是运动的始基。