§7.6.1ὁ δʼ Ἀριστόδημος τοσοῦτον εἰπὼν μόνον, ὡς οὐ λέληθεν αὐτὸν ἡ διάνοια τῶν ἐχθρῶν, ὅτι λόγῳ μὲν ἐπὶ συμμαχίαν αὐτὸν ἀποστέλλουσιν, ἔργῳ δʼ εἰς προὖπτον ὄλεθρον, δέχεται μὲν τὴν στρατηγίαν, ἀναχθεὶς δʼ ἅμα τοῖς πρέσβεσι τῶν Ἀρικηνῶν διὰ ταχέων καὶ τὸ μεταξὺ πέλαγος ἐπιπόνως καὶ κινδυνωδῶς διανύσας ὁρμίζεται κατὰ τοὺς ἔγγιστα τῆς Ἀρικείας αἰγιαλούς· καὶ καταλιπὼν ἐν ταῖς ναυσὶ φυλακὴν ἀποχρῶσαν ἐν τῇ πρώτῃ νυκτὶ τὴν ἀπὸ θαλάσσης ὁδὸν οὐ πολλὴν οὖσαν διανύσας ἐπιφαίνεται τοῖς Ἀρικηνοῖς περὶ τὸν ὄρθρον ἀπροσδόκητος.
阿里斯托德莫斯仅说了这么多，即敌人的意图对他而言并非隐秘，也就是说，名义上他们是派他前去援助，实际上则是送他去送死，他接受了将领之职，与阿里基亚人的使者一同迅速启航，在艰难与危险中渡过了其间的海域，在最靠近阿里基亚的海岸边抛锚；他在船上留下了足够的守备兵力，在第一天夜里走完了那条从海边出发、路程并不算长的路，在黎明时分出人意料地出现在阿里基亚人面前。
§7.6.2θέμενος δὲ πλησίον αὐτῶν τὸν χάρακα καὶ τοὺς καταπεφευγότας εἰς τὰ τείχη πείσας προελθεῖν εἰς ὕπαιθρον προὐκαλεῖτο τοὺς Τυρρηνοὺς εὐθὺς εἰς μάχην.
他在他们附近安下营寨，并说服那些逃入城墙的人来到户外平原，随即向伊特鲁里亚人挑战交战。
γενομένου δʼ ἐκ παρατάξεως ἀγῶνος καρτεροῦ οἱ μὲν Ἀρικηνοὶ βραχὺν πάνυ διαμείναντες χρόνον ἐνέκλιναν ἀθρόοι, καὶ γίνεται πάλιν εἰς τὸ τεῖχος αὐτῶν φυγή· ὁ δʼ Ἀριστόδημος σὺν τοῖς περὶ αὐτὸν λογάσι Κυμαίων ὀλίγοις οὖσι πᾶν τὸ τοῦ πολέμου βάρος ὑποστὰς καὶ τὸν ἡγεμόνα τῶν Τυρρηνῶν αὐτοχειρίᾳ κτείνας τρέπει τοὺς ἄλλους εἰς φυγὴν καὶ §7.6.3νίκην ἀναιρεῖται πασῶν λαμπροτάτην.
当阵列交锋的激烈战斗发生时，阿里基亚人仅支撑了极短的时间便成群退却，再次败逃回城墙内；但阿里斯托德莫斯与他身边的少数库迈精兵一起，承受了这场战争的全部重压，并亲手杀死了伊特鲁里亚人的指挥官，使其他敌人败逃，并且赢得了所有人中最辉煌的胜利。
διαπραξάμενος δὲ ταῦτα καὶ τιμηθεὶς ὑπὸ τῶν Ἀρικηνῶν πολλαῖς δωρεαῖς ἀπέπλει διὰ ταχέων αὐτὸς ἄγγελος τοῖς Κυμαίοις τῆς αὑτοῦ νίκης βουλόμενος γενέσθαι· εἵποντο δʼ αὐτῷ πολλαὶ πάνυ τῶν Ἀρικηνῶν ὁλκάδες τὰ λάφυρα καὶ τοὺς αἰχμαλώτους τῶν Τυρρηνῶν ἄγουσαι.
在完成这些功绩并受到阿里基亚人诸多礼物的褒奖后，他迅速启航，希望自己能成为向库迈人传达自身胜利的信使；极其多的阿里基亚商船跟随着他，运载着战利品和伊特鲁里亚人的俘虏。
§7.6.4ὡς δὲ πλησίον ἐγένοντο τῆς Κύμης, ὁρμίσας τὰς ναῦς ἐκκλησίαν τοῦ στρατοῦ ποιεῖται, καὶ πολλὰ μὲν τῶν προεστηκότων τῆς πόλεως κατηγορήσας, πολλοὺς δὲ τῶν ἀνδραγαθησάντων κατὰ τὴν μάχην ἐπαίνους διελθὼν ἀργύριόν τε διαδοὺς αὐτοῖς κατʼ ἄνδρα καὶ τὰς παρὰ τῶν Ἀρικηνῶν δωρεὰς εἰς κοινὸν ἅπασι καταθεὶς ἠξίου μεμνῆσθαι τῶν εὐεργεσιῶν, ἂν καταπλεύσωσιν εἰς τὴν πατρίδα, καὶ ἄν τις αὐτῷ ποτε συμβαίνῃ κίνδυνος ἐκ τῆς ὀλιγαρχίας ὡς δύναμις ἑκάστῳ βοηθεῖν.
当他们接近库迈时，他停泊了船只，召集了军队的大会，在强烈谴责城中掌权者的同时，对那些在战斗中表现勇敢的人赞美有加，并向他们每人分发了银钱，将来自阿里基亚人的礼物作为大家的公共财产交出，请求他们在驶回祖国后记住这些恩德，并且如果他有朝一日受到来自寡头政府的危险，大家要尽各自的力量来援助他。
§7.6.5ἁπάντων δὲ πολλὰς ὁμολογούντων αὐτῷ χάριτας εἰδέναι τῆς τʼ ἀνελπίστου σωτηρίας, ἣν διʼ ἐκεῖνον ἔσχον, καὶ τῆς ἐπὶ τὰ οἰκεῖα οὐ σὺν κεναῖς χερσὶν ἀφίξεως, καὶ τὰς ἑαυτῶν ψυχὰς θᾶττον ἢ τὴν ἐκείνου προήσεσθαι τοῖς ἐχθροῖς ἐπαγγειλαμένων, ἐπαινέσας αὐτοὺς ἀπέλυσε τὴν ἐκκλησίαν.
当所有人都在向他表示极大的感激，既因为他们因他而获得的意想不到的安全，也因为他们并非空手返回家园，并承诺他们宁可先于他献出自己的生命给敌人时，他称赞了他们并宣布大会解散。
καὶ μετὰ τοῦτο καλῶν εἰς τὴν αὑτοῦ σκηνὴν τοὺς πονηροτάτους ἐξ αὐτῶν καὶ κατὰ χεῖρα γενναιοτάτους δωρεῶν τε δόσει καὶ λόγων φιλανθρωπίᾳ καὶ ταῖς ἅπαντας ἐξαπατώσαις ἐλπίσι διαφθείρας, ἑτοίμους ἔσχε συγκαταλῦσαι τὴν καθεστῶσαν πολιτείαν.
此后，他将他们当中行径最恶劣但在近战中最为勇猛的人召入自己的帐篷，通过赠送礼物、言辞的亲善以及那欺骗所有人的希望来收买他们，使他们做好了共同推翻现行政体的准备。