§7.6.1ὁ δʼ Ἀριστόδημος τοσοῦτον εἰπὼν μόνον, ὡς οὐ λέληθεν αὐτὸν ἡ διάνοια τῶν ἐχθρῶν, ὅτι λόγῳ μὲν ἐπὶ συμμαχίαν αὐτὸν ἀποστέλλουσιν, ἔργῳ δʼ εἰς προὖπτον ὄλεθρον, δέχεται μὲν τὴν στρατηγίαν, ἀναχθεὶς δʼ ἅμα τοῖς πρέσβεσι τῶν Ἀρικηνῶν διὰ ταχέων καὶ τὸ μεταξὺ πέλαγος ἐπιπόνως καὶ κινδυνωδῶς διανύσας ὁρμίζεται κατὰ τοὺς ἔγγιστα τῆς Ἀρικείας αἰγιαλούς·
아리스토데모스는 말로는 자신을 동맹군 파견에 보내지만 실제로는 확실한 파멸로 보내고 있다는 원수들의 의도가 자신에게 숨겨져 있지 않다는 것만을 단지 말하고서, 장군직을 수락하고 아리키아인의 사절들과 함께 신속히 출항하여 그 사이의 바다를 고난과 위험 속에 건너 아리키아에서 가장 가까운 해안에 닻을 내렸다.
καὶ καταλιπὼν ἐν ταῖς ναυσὶ φυλακὴν ἀποχρῶσαν ἐν τῇ πρώτῃ νυκτὶ τὴν ἀπὸ θαλάσσης ὁδὸν οὐ πολλὴν οὖσαν διανύσας ἐπιφαίνεται τοῖς Ἀρικηνοῖς περὶ τὸν ὄρθρον ἀπροσδόκητος.
그리고 배에 충분한 수비대를 남겨두고, 첫날 밤에 바다로부터 그리 길지 않은 길을 걸어 통과하여 여명 무렵 아리키아인들 앞에 예기치 않게 나타났다.
§7.6.2θέμενος δὲ πλησίον αὐτῶν τὸν χάρακα καὶ τοὺς καταπεφευγότας εἰς τὰ τείχη πείσας προελθεῖν εἰς ὕπαιθρον προὐκαλεῖτο τοὺς Τυρρηνοὺς εὐθὺς εἰς μάχην.
그는 그들 근처에 진영을 치고, 성벽 안으로 피신했던 자들을 설득하여 야외 평원으로 나오게 한 뒤 즉시 에트루리아인들에게 전투를 도전했다.
γενομένου δʼ ἐκ παρατάξεως ἀγῶνος καρτεροῦ οἱ μὲν Ἀρικηνοὶ βραχὺν πάνυ διαμείναντες χρόνον ἐνέκλιναν ἀθρόοι, καὶ γίνεται πάλιν εἰς τὸ τεῖχος αὐτῶν φυγή·
대형을 갖춘 전투의 격렬한 격돌이 벌어지자, 아리키아인들은 아주 짧은 시간만을 버틴 채 일제히 퇴각하여 다시 그들의 성벽 안으로 패주하는 일이 일어났다.
ὁ δʼ Ἀριστόδημος σὺν τοῖς περὶ αὐτὸν λογάσι Κυμαίων ὀλίγοις οὖσι πᾶν τὸ τοῦ πολέμου βάρος ὑποστὰς καὶ τὸν ἡγεμόνα τῶν Τυρρηνῶν αὐτοχειρίᾳ κτείνας τρέπει τοὺς ἄλλους εἰς φυγὴν καὶ §7.6.3νίκην ἀναιρεῖται πασῶν λαμπροτάτην.
그러나 아리스토데모스는 자신의 주위에 있던 소수의 쿠마에인 정예병들과 함께 전투의 모든 중압을 견뎌내고 에트루리아인의 지휘관을 손수 죽여 다른 이들을 패주시키고, 가장 눈부신 승리를 거두었다.
διαπραξάμενος δὲ ταῦτα καὶ τιμηθεὶς ὑπὸ τῶν Ἀρικηνῶν πολλαῖς δωρεαῖς ἀπέπλει διὰ ταχέων αὐτὸς ἄγγελος τοῖς Κυμαίοις τῆς αὑτοῦ νίκης βουλόμενος γενέσθαι·
이를 완수하고 아리키아인들로부터 많은 선물로 치하를 받은 뒤, 스스로 자신의 승리를 쿠마에인들에게 전하는 전령이 되기를 바라며 신속히 출항했다.
εἵποντο δʼ αὐτῷ πολλαὶ πάνυ τῶν Ἀρικηνῶν ὁλκάδες τὰ λάφυρα καὶ τοὺς αἰχμαλώτους τῶν Τυρρηνῶν ἄγουσαι.
전리품과 에트루리아인 포로들을 실은 아주 많은 아리키아인의 상선들이 그를 뒤따랐다.
§7.6.4ὡς δὲ πλησίον ἐγένοντο τῆς Κύμης, ὁρμίσας τὰς ναῦς ἐκκλησίαν τοῦ στρατοῦ ποιεῖται, καὶ πολλὰ μὲν τῶν προεστηκότων τῆς πόλεως κατηγορήσας, πολλοὺς δὲ τῶν ἀνδραγαθησάντων κατὰ τὴν μάχην ἐπαίνους διελθὼν ἀργύριόν τε διαδοὺς αὐτοῖς κατʼ ἄνδρα καὶ τὰς παρὰ τῶν Ἀρικηνῶν δωρεὰς εἰς κοινὸν ἅπασι καταθεὶς ἠξίου μεμνῆσθαι τῶν εὐεργεσιῶν, ἂν καταπλεύσωσιν εἰς τὴν πατρίδα, καὶ ἄν τις αὐτῷ ποτε συμβαίνῃ κίνδυνος ἐκ τῆς ὀλιγαρχίας ὡς δύναμις ἑκάστῳ βοηθεῖν.
그들이 쿠마에 근처에 이르렀을 때, 그는 배를 정박시키고 군대 집회를 소집하여, 도시의 지도자들을 강하게 비난하는 한편 전투에서 용맹하게 싸운 자들에게 많은 찬사를 보내고 그들에게 한 사람당 은전을 나누어 주었으며 아리키아인들에게 받은 선물을 모두를 위한 공동의 것으로 내놓은 뒤, 조국으로 귀항하게 되면 이러한 은혜들을 기억해 줄 것과, 만약 과두정으로부터 자신에게 위험이 닥치는 일이 생긴다면 각자 힘닿는 대로 도와줄 것을 요구했다.
§7.6.5ἁπάντων δὲ πολλὰς ὁμολογούντων αὐτῷ χάριτας εἰδέναι τῆς τʼ ἀνελπίστου σωτηρίας, ἣν διʼ ἐκεῖνον ἔσχον, καὶ τῆς ἐπὶ τὰ οἰκεῖα οὐ σὺν κεναῖς χερσὶν ἀφίξεως, καὶ τὰς ἑαυτῶν ψυχὰς θᾶττον ἢ τὴν ἐκείνου προήσεσθαι τοῖς ἐχθροῖς ἐπαγγειλαμένων, ἐπαινέσας αὐτοὺς ἀπέλυσε τὴν ἐκκλησίαν.
모든 이들이 그 덕분에 얻게 된 예상치 못한 안전과, 빈손이 아닌 채로 고향에 돌아가게 된 것에 대해 그에게 큰 감사를 표하며 그의 목숨보다 자신들의 목숨을 먼저 원수들에게 내놓을 것이라 약속하자, 그는 그들을 칭찬하고 집회를 해산했다.
καὶ μετὰ τοῦτο καλῶν εἰς τὴν αὑτοῦ σκηνὴν τοὺς πονηροτάτους ἐξ αὐτῶν καὶ κατὰ χεῖρα γενναιοτάτους δωρεῶν τε δόσει καὶ λόγων φιλανθρωπίᾳ καὶ ταῖς ἅπαντας ἐξαπατώσαις ἐλπίσι διαφθείρας, ἑτοίμους ἔσχε συγκαταλῦσαι τὴν καθεστῶσαν πολιτείαν.
그 후 그는 그들 중에서 가장 행실이 나쁘나 백병전에서는 가장 용맹한 자들을 자신의 천막으로 불러 선물의 수여, 친절한 대화, 그리고 모든 이를 속이는 희망으로 그들을 매수하여, 기존의 체제를 함께 타도할 준비를 갖추게 했다.