§5.6.1ταῦτα δὲ τῶν ὑπάτων λεγόντων καὶ πολλῶν συναγορευόντων ἀμφοτέροις ἀποροῦσα, ὅ τι χρὴ πράττειν, ἡ βουλὴ καὶ ἐφʼ ἡμέρας συχνὰς σκοποῦσα, ἐπεὶ συμφορώτερα μὲν ὁ Βροῦτος ἐδόκει λέγειν, δικαιότερα δʼ ὁ Κολλατῖνος παρῄνει, τελευτῶσα διέγνω τὸν δῆμον ποιῆσαι τοῦ τε συμφέροντος καὶ τοῦ δικαίου κριτήν.
当执政官们如此申辩，且有许多人各自支持双方时，元老院对该如何行事感到无所适从，并一连数日进行考量。 由于布鲁图斯的话显得更为有利，而科拉汀的建议显得更为公正，元老院最终决定让民众来担任有利与公正的裁判者。
§5.6.2πολλῶν δὲ λεχθέντων ὑφʼ ἑκατέρου τῶν ὑπάτων ἀναλαβοῦσαι ψῆφον αἱ φρᾶτραι τριάκοντα οὖσαι τὸν ἀριθμὸν οὕτω μικρὰν ἐποιήσαντο τὴν ἐπὶ θάτερα ῥοπήν, ὥστε μιᾷ ψήφῳ πλείους γενέσθαι τῶν κατέχειν τὰ χρήματα βουλομένων τὰς ἀποδιδόναι κελευούσας.
在两位执政官各自发表了许多意见后，三十个库里亚区进行了投票。 它们使倾向于其中一侧的偏差变得如此之小，以至于命令归还财产的库里亚，仅比希望留置财产的库里亚多出一票。
λαβόντες δὲ παρὰ τῶν ὑπάτων τὰς ἀποκρίσεις οἱ Τυρρηνοὶ καὶ πολλὰ τὴν πόλιν ἐπαινέσαντες, ὅτι τὰ δίκαια πρὸ τῶν συμφερόντων εἵλοντο, Ταρκυνίῳ μὲν ἐπέστειλαν τοὺς ἀποληψομένους τὰ χρήματα πέμπειν, αὐτοὶ δʼ ἐπέμειναν ἐν τῇ πόλει συναγωγήν τε τῶν ἐπίπλων καὶ διάθεσιν τῶν μὴ δυναμένων ἄγεσθαί τε καὶ φέρεσθαι σκηπτόμενοι· ὡς δὲ τἀληθὲς εἶχε ταράττοντες καὶ σκευωρούμενοι τὰ κατὰ τὴν πόλιν, ὡς ὁ τύραννος αὐτοῖς ἐπέστειλε.
第勒尼安人在从执政官那里获得答复后，对该城选择公正而非利益予以高度赞扬，他们致信给塔克文，让他派遣接收财产的人来，而他们自己则滞留在城里，借口是收集动产并处置那些无法带走或搬运的东西；但实际上，他们正按照僭主的指示，扰乱并暗中图谋城内的事务。
§5.6.3τάς τε γὰρ ἐπιστολὰς τὰς παρὰ τῶν φυγάδων τοῖς ἐπιτηδείοις αὐτῶν ἀπεδίδοσαν καὶ παρʼ ἐκείνων ἑτέρας πρὸς τοὺς φυγάδας ἐλάμβανον· συνιόντες δὲ πολλοῖς εἰς ὁμιλίαν καὶ διάπειραν αὐτῶν τῆς προαιρέσεως λαμβάνοντες, οὓς εὑρίσκοιεν εὐαλώτους δι’ ἀσθένειαν γνώμης ἢ βίου σπάνιν ἢ πόθον τῶν ἐν τῇ τυραννίδι πλεονεξιῶν, ἐλπίδας τε χρηστὰς ὑποτείνοντες αὐτοῖς καὶ χρήματα διδόντες ἐπεχείρουν §5.6.4διαφθείρειν.
因为他们不仅将流亡者的信件交予他们的亲信，还从那些人那里接收寄往流亡者的其他信件；他们通过与许多人交往并试探其意向，一旦发现有人因意志薄弱、生计匮乏或向往僭主统治下的特权而易受诱惑，便向他们许以美好的前景并给予金钱，企图以此来收买腐蚀他们。
ἔμελλον δʼ ὥσπερ εἰκὸς ἐν πόλει μεγάλῃ καὶ πολυοχλούσῃ φανήσεσθαί τινες οἱ τὴν χείρω πολιτείαν αἱρησόμενοι πρὸ τῆς κρείττονος οὐ τῶν ἀσήμων μόνον, ἀλλὰ καὶ τῶν ἐπιφανῶν, ἐν οἷς ἦσαν Ἰούνιοί τε δύο Τίτος καὶ Τιβέριος Βρούτου παῖδες τοῦ ὑπατεύοντος ἀρτίως ἀρχόμενοι γενειᾶν καὶ σὺν αὐτοῖς Οὐιτέλλιοί τε δύο Μάρκος καὶ Μάνιος, ἀδελφοὶ τῆς Βρούτου γυναικός, ἱκανοὶ τὰ κοινὰ πράττειν, καὶ Κολλατίνου θατέρου τῶν ὑπάτων ἀδελφῆς υἱοὶ δύο Λεύκιος καὶ Μάρκος Ἀκύλλιοι τὴν αὐτὴν ἔχοντες τοῖς Βρούτου παισὶν ἡλικίαν, παρʼ οἷς αἱ σύνοδοι τὰ πολλὰ ἐγίνοντο πατρὸς οὐκέτι περιόντος αὐτοῖς καὶ τὰ περὶ τῆς καθόδου τῶν τυράννων βουλεύματα συνετίθετο.
正如在人口众多的大城市中自然会发生的那样，注定会出现一些人，他们宁愿选择较差的政体而非较好的政体，这不仅存在于无名之辈中，也存在于显贵之中。 在这些人当中，包括现任执政官布鲁图斯的两个儿子，即刚刚开始长胡须的尤尼乌斯家族的提图斯和提比略；还有与他们在一起的维特里乌斯家族的两个儿子，马可和马尼乌斯，他们是布鲁图斯妻子的兄弟，有能力参与公共事务；以及另一位执政官科拉汀的姐妹的两个儿子，阿库里乌斯家族的卢基乌斯和马尔库斯，他们与布鲁图斯的儿子们同岁，由于他们的父亲已不在人世，集会大多在他们的寓所举行，并且迎回僭主的阴谋也在那里密谋策划。