§3.57.1Σαβῖνοι μὲν οὖν ἐγνωσιμάχησαν ὑπὸ τῆς τότε συμφορᾶς βιασθέντες καὶ πρεσβευτὰς ἀποστείλαντες ἀνοχὰς ἐποιήσαντο τοῦ πολέμου ἑξαετεῖς, Τυρρηνοὶ δὲ ὀργῇ φέροντες ὅτι ἥττηντό τε ὑπὸ Ῥωμαίων πολλάκις καὶ ὅτι τοὺς αἰχμαλώτους αὐτοῖς ὁ Ταρκύνιος οὐκ ἀπεδίδου πρεσβευσαμένοις, ἀλλʼ ἐν ὁμήρων κατεῖχε λόγῳ, ψήφισμα ποιοῦνται πάσας τὰς τῶν Τυρρηνῶν πόλεις κοινῇ τὸν κατὰ Ῥωμαίων πόλεμον ἐκφέρειν, τὴν δὲ μὴ μετέχουσαν τῆς στρατείας ἔκσπονδον εἶναι.
于是，萨宾人被迫于当时惨败的灾祸而承认失败，派遣使节并达成了六年的停战协定。 然而，埃特鲁里亚人因多次被罗马人击败，且在他们派遣使节后，塔克文仍不归还俘虏，反而将其视作人质扣留而感到愤怒。 他们通过了一项决议，规定所有埃特鲁里亚城邦应当共同对罗马人宣战，而不参与此次出征的城邦将被排除在条约之外。
§3.57.2ταῦτʼ ἐπικυρώσαντες ἐξῆγον τὰς δυνάμεις καὶ διαβάντες τὸν Τέβεριν ἀγχοῦ Φιδήνης τίθενται τὰ ὅπλα.
批准了这些决议后，他们便率军出发，渡过台伯河，在斐迪奈附近安营扎寨。
γενόμενοι δὲ τῆς πόλεως ταύτης ἐγκρατεῖς διὰ προδοσίας στασιασάντων πρὸς ἀλλήλους τῶν ἐν αὐτῇ καὶ πολλὰ μὲν σώματα λαβόντες, πολλὴν δὲ λείαν ἐκ τῆς Ῥωμαίων χώρας ἐλαύνοντες ἀπῆλθον ἐπʼ οἴκου, φρουρὰν ἐν τῇ Φιδήνῃ καταλιπόντες ἀποχρῶσαν.
由于城内的人发生内讧，他们通过背叛手段占领了这座城市，俘获了许多人口，并从罗马领土上驱赶着大批战利品返回家园，但在斐迪奈留下了充足的守备队。
αὕτη γὰρ ἡ πόλις ὁρμητήριον αὐτοῖς ἔσεσθαι κράτιστον ἐδόκει τοῦ κατὰ Ῥωμαίων πολέμου.
因为在他们看来，这座城市将是对罗马人作战的最佳基地。
§3.57.3βασιλεὺς δὲ Ταρκύνιος εἰς τοὐπιὸν ἔτος Ῥωμαίους τε σύμπαντας καθοπλίσας καὶ παρὰ τῶν συμμάχων ὅσους ἐδύνατο πλείστους παραλαβὼν ἐξῆγεν ἐπὶ τοὺς πολεμίους ἔαρος ἀρχομένου, πρὶν ἐκείνους συναχθέντας ἐξ ἁπασῶν τῶν πόλεων ἐπʼ αὐτὸν ὡς πρότερον ἐλθεῖν·
到了第二年，塔克文国王武装了全体罗马人，并从同盟者中征集了尽可能多的军队，在春季开始时向敌人进军，以免他们在联合所有城邦后像以前那样向他袭来。
καὶ διελὼν εἰς δύο μοίρας ἅπασαν τὴν δύναμιν τῆς μὲν Ῥωμαῖκῆς στρατιᾶς αὐτὸς ἡγούμενος ἐπὶ τὰς πόλεις τῶν Τυρρηνῶν ἐστράτευσε, τῆς δὲ συμμαχικῆς, ἐν ᾗ τὸ πλεῖστον μέρος ἦν τῶν Λατίνων, Ἠγέριον τὸν ἑαυτοῦ συγγενῆ στρατηγὸν ἀποδείξας ἐπὶ τοὺς ἐν Φιδήνῃ πολεμίους ἐκέλευσε χωρεῖν.
他将全部兵力分为两部分，自己亲自率领罗马军队攻打埃特鲁里亚人的各个城邦；而对于同盟军（其中大部分是拉丁人），他任命自己的亲戚埃格里乌斯为将军，命令他向斐迪奈的敌人进军。
§3.57.4ἡ μὲν οὖν συμμαχικὴ πλησίον τῆς Φιδήνης τὸν χάρακα οὐκ ἐν ἀσφαλεῖ χωρίῳ θεμένη διὰ τὸ καταφρονεῖν τῶν πολεμίων ὀλίγου τινὸς ἐδέησεν πᾶσα διαφθαρῆναι·
结果，同盟军因轻视敌人，在斐迪奈附近一个不安全的地方安营扎寨，几乎全军覆没。
οἱ γὰρ ἐν τῇ πόλει φρουροὶ βοήθειαν ἑτέραν παρὰ Τυρρηνῶν κρύφα μεταπεμψάμενοι καὶ φυλάξαντες καιρὸν ἐπιτήδειον ἐξελθόντες ἐκ τῆς πόλεως τόν τε χάρακα τῶν πολεμίων ἔλαβον ἐξ ἐφόδου φαύλως φυλαττόμενον καὶ τῶν ἐξεληλυθότων ἐπὶ §3.57.5τὰς προνομὰς πολὺν εἰργάσαντο φόνον.
因为城内的守备队暗中从埃特鲁里亚人那里召来了另一支援军，并伺机出击，不仅一举夺取了防守松懈的同盟军营地，还对那些外出搜寻粮草的人进行了大肆屠杀。
ἡ δὲ Ῥωμαίων δύναμις ἧς Ταρκύνιος ἡγεῖτο τὴν Οὐιεντανῶν κείρουσα καὶ λεηλατοῦσα χώραν καὶ πολλὰς ὠφελείας ἐξενεγκαμένη συνελθούσης ἐξ ἁπασῶν τῶν Τυρρηνίδων πόλεων μεγάλης τοῖς Οὐιεντανοῖς ἐπικουρίας εἰς μάχην καταστᾶσα νίκην ἀναμφίλογον ἀναιρεῖται·
而塔克文所率领的罗马军队在蹂躏和掠夺维哀人的领土、并运走大量战利品时，遭遇了从所有埃特鲁里亚城邦聚集来援助维哀人的大批援军，双方展开激战，罗马人赢得了一场毫无争议的胜利。
καὶ μετὰ τοῦτο διεξιοῦσα τὴν χώραν τῶν πολεμίων ἀδεῶς ἐπόρθει γενομένη τε πολλῶν μὲν σωμάτων ἐγκρατής, πολλῶν δὲ χρημάτων οἷα ἐξ εὐδαίμονος χώρας, τελευτῶντος ἤδη τοῦ θέρους οἴκαδε ἀπῄει.
在此之后，他们毫无畏惧地穿过敌人的领地进行掠夺，俘获了许多人口，夺取了丰饶之地特有的大量财物，并在夏季即将结束时返回家园。