§1.45.1κατὰ δὲ τὸν χρόνον τοῦτον Τρῶες οἱ σὺν Αἰνείᾳ διαφυγόντες ἐξ Ἰλίου τῆς πόλεως ἁλούσης κατέσχον εἰς Λωρεντόν, αἰγιαλὸν Ἀβοριγίνων ἐπὶ τῷ Τυρρηνικῷ πελάγει κείμενον, οὐ πρόσω τῶν ἐκβολῶν τοῦ Τεβέριος·
在这个时候，在伊利翁城被攻陷后随埃涅阿斯逃离的特洛伊人，到达了位于第勒尼安海畔、离台伯河口不远的原住民海岸劳伦图姆。
λαβόντες δὲ παρὰ τῶν Ἀβοριγίνων χωρίον εἰς οἴκησιν καὶ ὅσα ἠξίουν, πολίζονται μικρὸν ἀποσχόντες ἀπὸ θαλάττης ἐπὶ λόφῳ τινὶ Λαουΐνιον ὄνομα τῇ πόλει θέμενοι.
他们从原住民那里获得了一处定居之地和他们所要求的一切，便在距离海洋不远的一个丘陵上建立了一座小城镇，给这座城市起名叫拉维尼乌姆。
§1.45.2ὀλίγῳ δʼ ὕστερον χρόνῳ τὴν ἀρχαίαν ἀλλάξαντες ὀνομασίαν ἅμα τοῖς Ἀβοριγῖσιν ἀπὸ τοῦ βασιλέως τῆς χώρας Λατῖνοι ὠνομάσθησαν· καὶ μεταναστάντες ἐκ τοῦ Λαουϊνίου κοινῇ μετὰ τῶν ἐπιχωρίων μείζονα περιβάλλονται πόλιν, ἣν Ἄλβαν ἐκάλεσαν, ἐξ ἧς ὁρμώμενοι πολλὰς μὲν καὶ ἄλλας πόλεις ἔκτισαν τῶν κληθέντων Πρίσκων Λατίνων, ἐξ ὧν αἱ πλεῖσται ἔτι καὶ εἰς ἐμὲ ἦσαν οἰκούμεναι, §1.45.3γενεαῖς δʼ ὕστερον ἑκκαίδεκα μετὰ τὴν Ἰλίου ἅλωσιν ἐκπέμψαντες ἀποικίαν εἰς τὸ Παλλάντιόν τε καὶ τὴν Σατορνίαν, ἔνθα Πελοποννήσιοί τε καὶ Ἀρκάδες τὴν πρώτην οἴκησιν ἐποιήσαντο καὶ ἦν ἔτι ζώπυρʼ ἄττα περιλειπόμενα τοῦ παλαιοῦ γένους, οἰκίζουσι τοὺς τόπους περιλαβόντες τείχεσι τὸ Παλλάντιον, ὥστε λαβεῖν πόλεως σχῆμα τότε πρῶτον.
不久之后，他们改掉了古老的名称，与原住民一起根据该地区的国王被称为拉提努斯人；他们与当地人共同迁出拉维尼乌姆，围绕着建立了一座更大的城市，称之为阿尔巴，并以此为基地，创建了后来被称为“古拉提努斯人”的许多其他城市，其中大多数在我的时代仍有人居住，在伊利翁陷落十六代之后，他们向帕兰提翁和萨图尔尼亚派遣了殖民队，在那里伯罗奔尼撒人和阿卡迪亚人曾建立最初的定居点，且古老部族的些许余烬仍有存留。 他们在那片地方定居，用城墙将帕兰提翁围起，使其在当时首次呈现出城市的轮廓。
τίθενται δὲ τῷ κτίσματι Ῥώμην ὄνομα ἀπὸ τοῦ στείλαντος τὴν ἀποικίαν Ῥωμύλου, ὃς ἦν ἕβδομος καὶ §1.45.4δέκατος ἀπʼ Αἰνείου γεγονώς.
他们根据派遣殖民队的罗穆卢斯的名字，给这个新建立的城镇起名叫罗马，他是埃涅阿斯之后第十七代子孙。
βούλομαι δὲ καὶ περὶ τῆς Αἰνείου παρουσίας εἰς Ἰταλίαν, ἐπεὶ τῶν συγγραφέων τοῖς μὲν ἠγνόηται, τοῖς δὲ διαπεφώνηται ὁ περὶ αὐτοῦ λόγος, μὴ παρέργως διελθεῖν τάς τε τῶν Ἑλλήνων καὶ τὰς Ῥωμαίων τῶν μάλιστα πιστευομένων ἱστορίας παραβαλών.
我也希望对埃涅阿斯抵达意大利一事进行详尽的阐述，因为在历史学家中，关于他的传闻有的不为人知，有的则众说纷纭，我将对比最可信的希腊人和罗马人的历史记载。
ἔχει δὲ τὰ περὶ αὐτοῦ λεγόμενα ὧδε.
关于他的传闻如下。