§2.1τὸ δὲ ἀπὸ τούτου μηκέτι φέρων ἐγὼ τὴν ἐν τῷ κήτει δίαιταν ἀχθόμενός τε τῇ μονῇ μηχανήν τινα ἐζήτουν, διʼ ἧς ἂν ἐξελθεῖν γένοιτο·
自此以后，我再也无法忍受在怪鱼腹中的生活，因留在此地而感到厌烦，于是便寻找某种可以逃脱的办法。
καὶ τὸ μὲν πρῶτον ἔδοξεν ἡμῖν διορύξασι κατὰ τὸν δεξιὸν τοῖχον ἀποδρᾶναι, καὶ ἀρξάμενοι διεκόπτομεν· ἐπειδὴ δὲ προελθόντες ὅσον πέντε σταδίους οὐδὲν ἠνύομεν, τοῦ μὲν ὀρύγματος ἐπαυσάμεθα, τὴν δὲ ὕλην καῦσαι διέγνωμεν·
起初，我们决定挖通右侧的墙壁逃跑，并开始动工挖掘；但是当我们向前挖了大约五个斯塔狄翁而一无所获时，便停止了挖掘，并决定烧毁森林。
οὕτω γὰρ ἂν τὸ κῆτος ἀποθανεῖν· εἰ δὲ τοῦτο γένοιτο, ῥᾳδία ἔμελλεν ἡμῖν ἔσεσθαι ἡ ἔξοδος.
因为我们认为这样一来怪鱼就会死掉；如果发生这种情况，我们的逃生之路对我们来说就会变得容易。
ἀρξάμενοι οὖν ἀπὸ τῶν οὐραίων ἐκαίομεν, καὶ ἡμέρας μὲν ἑπτὰ καὶ ἴσας νύκτας ἀναισθήτως εἶχε τοῦ καύματος, ὀγδόῃ δὲ καὶ ἐνάτῃ συνίεμεν αὐτοῦ νοσοῦντος·
于是我们从尾部开始烧起。 在七天七夜里，它对灼烧毫无感觉，但到了第八天和第九天，我们意识到它生病了。
ἀργότερον γοῦν ἀνέχασκεν, καὶ εἴ ποτε ἀναχάνοι, ταχὺ συνέμυεν.
总之，它张口变得越来越缓慢，而且只要一朝张开，就会迅速闭上。
δεκάτῃ δὲ καὶ ἑνδεκάτῃ τέλεον ἀπενεκροῦτο καὶ δυσῶδες ἦν·
到了第十天和第十一天，它已完全死坏并发出恶臭。
τῇ δωδεκάτῃ δὲ μόλις ἐνενοήσαμεν ὡς, εἰ μή τις χανόντος αὐτοῦ ὑποστηρίξειεν τοὺς γομφίους, ὥστε μηκέτι συγκλεῖσαι, κινδυνεύσομεν κατακλεισθέντες ἐν νεκρῷ αὐτῷ ἀπολέσθαι.
到了第十二天，我们才勉强意识到，如果不在它张口时用东西撑住它的臼齿，使其无法再闭合，我们就会面临被关在它的尸体里死去的危险。
οὕτω δὴ μεγάλοις δοκοῖς τὸ στόμα διερείσαντες τὴν ναῦν ἐπεσκευάζομεν ὕδωρ τε ὡς ἔνι πλεῖστον ἐμβαλλόμενοι καὶ τἆλλα ἐπιτήδεια· κυβερνήσειν δὲ ἔμελλεν ὁ Σκίνθαρος.
因此，我们用巨大的木梁把它的口撑开，然后整修船只，装入尽可能多的水和其他生活必需品；斯金萨罗斯将负责掌舵。
§2.2τῇ δὲ ἐπιούσῃ τὸ μὲν ἤδη ἐτεθνήκει.
第二天，怪鱼已经死了。
ἡμεῖς δὲ ἀνελκύσαντες τὸ πλοῖον καὶ διὰ τῶν ἀραιωμάτων διαγαγόντες καὶ ἐκ τῶν ὀδόντων ἐξάψαντες ἠρέμα καθήκαμεν ἐς τὴν θάλατταν·
我们把船拉上来，穿过牙齿的缝隙，用绳子系在牙齿上，慢慢地把它放进海里。
ἐπαναβάντες δὲ ἐπὶ τὰ νῶτα καὶ θύσαντες τῷ Ποσειδῶνι αὐτοῦ παρὰ τὸ τρόπαιον ἡμέρας τε τρεῖς ἐπαυλισάμενοι — νηνεμία γὰρ ἦν — τῇ τετάρτῃ ἀπεπλεύσαμεν.
然后我们爬上它的脊背，在凯旋碑旁向波塞冬献祭，并露营了三天——因为当时无风——在第四天，我们开航了。
ἔνθα δὴ πολλοῖς τῶν ἐκ τῆς ναυμαχίας νεκροῖς ἀπηντῶμεν καὶ προσωκέλλομεν, καὶ τὰ σώματα καταμετροῦντες ἐθαυμάζομεν.
在那里，我们确实遇到了许多因海战而死的尸体并撞了上去，我们测量了它们的身躯，感到十分惊奇。
καὶ ἡμέρας μέν τινας ἐπλέομεν εὐκράτῳ ἀέρι χρώμενοι, ἔπειτα βορέου σφοδροῦ πνεύσαντος μέγα κρύος ἐγένετο, καὶ ὑπʼ αὐτοῦ πᾶν ἐπάγη τὸ πέλαγος, οὐκ ἐπιπολῆς μόνον, ἀλλὰ καὶ ἐς βάθος ὅσον ἐς ἓξ ὀργυιάς, ὥστε καὶ ἀποβάντας διαθεῖν ἐπὶ τοῦ κρυστάλλου.
有几天我们乘着温和的风航行，接着刮起了猛烈的北风，天气变得极度寒冷，整片大海不仅表面结了冰，而且深达大约六寻，以至于我们甚至可以下船在冰上跑来跑去。
ἐπιμένοντος δὲ τοῦ πνεύματος φέρειν οὐ δυνάμενοι τοιόνδε τι ἐπενοήσαμεν — ὁ δὲ τὴν γνώμην ἀποφηνάμενος ἦν ὁ Σκίνθαρος — σκάψαντες γὰρ ἐν τῷ ὕδατι σπήλαιον μέγιστον ἐν τούτῳ ἐμείναμεν ἡμέρας τριάκοντα, πῦρ ἀνακαίοντες καὶ σιτούμενοι τοὺς ἰχθῦς· εὑρίσκομεν δὲ αὐτοὺς ἀνορύττοντες.
由于风一直不停，我们无法忍受，便想出了一个这样的办法——提出这个主意的是斯金萨罗斯——我们在冰水里挖了一个极大的洞穴，在里面呆了三十天，生火并以鱼为食；这些鱼是我们挖开冰面找到的。
ἐπειδὴ δὲ ἤδη ἐπέλειπε τὰ ἐπιτήδεια, προελθόντες καὶ τὴν ναῦν πεπηγυῖαν ἀνασπάσαντες καὶ πετάσαντες τὴν ὀθόνην ἐσυρόμεθα ὥσπερ πλέοντες λείως καὶ προσηνῶς ἐπὶ τοῦ πάγου διολισθάνοντες.
当粮食快要用尽时，我们向前走去，把冻结在冰里的船拉上来，张开风帆，就像在航行一样被拖着走，在冰面上平稳而温和地滑行。
ἡμέρᾳ δὲ πέμπτῃ ἀλέα τε ἦν ἤδη καὶ ὁ πάγος ἐλύετο καὶ ὕδωρ πάντα αὖθις ἐγίνετο.
到了第五天，天气已经变暖，冰雪消融，一切又都变成了水。
§2.3πλεύσαντες οὖν ὅσον τριακοσίους σταδίους νήσῳ μικρᾷ καὶ ἐρήμῃ προσηνέχθημεν, ἀφʼ ἧς ὕδωρ λαβόντες — ἐπελελοίπει γὰρ ἤδη — καὶ δύο ταύρους ἀγρίους κατατοξεύσαντες ἀπεπλεύσαμεν.
我们航行了大约三百个斯塔狄翁，漂流到一座荒凉的小岛上。 我们从岛上取了水——因为我们的水已经用完了——并用弓箭射死了两头野牛，然后就开航了。
οἱ δὲ ταῦροι οὗτοι τὰ κέρατα οὐκ ἐπὶ τῆς κεφαλῆς εἶχον, ἀλλʼ ὑπὸ τοῖς ὀφθαλμοῖς, ὥσπερ ὁ Μῶμος ἠξίου.
这些野牛的角不是长在头上，而是长在眼睛下面，正如莫摩斯所要求的那样。
μετʼ οὐ πολὺ δὲ εἰς πέλαγος ἐμβαίνομεν, οὐχ ὕδατος, ἀλλὰ γάλακτος· καὶ νῆσος ἐν αὐτῷ ἐφαίνετο λευκὴ πλήρης ἀμπέλων.
没过多久，我们进入了一片不是水而是牛奶的海域；海中显现出一座白色的岛屿，上面长满了葡萄藤。
ἦν δὲ ἡ νῆσος τυρὸς μέγιστος συμπεπηγώς, ὡς ὕστερον ἐμφαγόντες ἐμάθομεν, σταδίων εἴκοσι πέντε τὸ περίμετρον· αἱ δὲ ἄμπελοι βοτρύων πλήρεις, οὐ μέντοι οἶνον, ἀλλὰ γάλα ἐξ αὐτῶν ἀποθλίβοντες ἐπίνομεν.
这座岛屿是一块凝固的巨大奶酪，正如我们后来尝了尝才知道的那样，它的周长有二十五个斯塔狄翁；葡萄藤上结满了成串的葡萄，然而我们榨出来的不是葡萄酒，而是牛奶，并以此为饮料。
ἱερὸν δὲ ἐν μέσῃ τῇ νήσῳ ἀνῳκοδόμητο Γαλατείας τῆς Νηρηίδος, ὡς ἐδήλου τὸ ἐπίγραμμα.
岛中央建有一座供奉涅瑞伊得斯仙女伽拉忒亚的神庙，正如碑文所标明的那样。
ὅσον δʼ οὖν χρόνον ἐκεῖ ἐμείναμεν, ὄψον μὲν ἡμῖν καὶ σιτίον ἡ γῆ ὑπῆρχεν, ποτὸν δὲ τὸ γάλα τὸ ἐκ τῶν βοτρύων.
我们在那里停留了多久，土地就为我们提供多久的小菜和食物，而饮料则是从葡萄藤上榨出来的牛奶。
βασιλεύειν δὲ τῶν χωρίων τούτων ἐλέγετο Τυρὼ ἡ Σαλμωνέως, μετὰ τὴν ἐντεῦθεν ἀπαλλαγὴν ταύτην παρὰ τοῦ Ποσειδῶνος λαβοῦσα τὴν τιμήν.
据说统治这些地方的是萨尔摩纽斯之女堤萝，她在离开此地后，从波塞冬那里获得了这一荣誉。