§20.66.1τῶν μὲν γὰρ Ἀγαθοκλεῖ συντεταγμένων Λιβύων εἰς πεντακισχιλίους ἀποστάντες τῶν Ἑλλήνων νυκτὸς ηὐτομόλουν πρὸς τοὺς βαρβάρους.
というのも、アガトクレスの下に配備されていたリビア人のうち、五千人ほどがギリシア人たちから離反し、夜間にバルバロイのもとへと投降しようとしていたからである。
τούτους δὲ οἱ πρὸς τὴν κατασκοπὴν ἐκπεμφθέντες ὡς ἴδον ἐπὶ τὴν παρεμβολὴν τῶν Καρχηδονίων προσάγοντας, νομίσαντες τὴν τῶν Ἑλλήνων δύναμιν ἅπασαν διεσκευασμένην ἐπιέναι, ταχὺ τοῖς στρατιώταις ἐδήλωσαν τὴν προσιοῦσαν δύναμιν.
斥候として送り出されていた者たちは、彼らがカルタゴ人の陣営に向かって進軍してくるのを目にすると、ギリシア人の全軍が武装して攻撃してくるのだと思い込み、接近してくる軍勢の存在を素早く兵士たちに伝えた。
§20.66.2διαδοθέντος οὖν πρὸς ἅπαντας τοῦ λόγου θόρυβος ἐνέπιπτε καὶ προσδοκία τῆς τῶν πολεμίων ἐφόδου.
こうしてこの噂が全員に広まると、騒乱が生じ、敵の襲撃に対する不安が襲いかかった。
ἑκάστου δὲ τὴν σωτηρίαν ἐν τῇ φυγῇ τιθεμένου καὶ μήτε παραγγέλματος δοθέντος ὑπὸ τῶν στρατηγῶν μήτε τάξεως οὔσης μηδεμιᾶς οἱ φεύγοντες ἐνέπιπτον ἀλλήλοις·
誰もが自らの生存を逃亡に委ね、将軍たちから何の命令も下されず、隊列もまったく整っていない中で、逃げ惑う者たちは互いに衝突し合った。
ὧν οἱ μὲν διὰ τὸ σκότος, οἱ δὲ διὰ τὴν ἔκπληξιν ἀγνοοῦντες τοὺς οἰκείους ὡς πολεμίους ἠμύνοντο.
彼らのうち、ある者は暗闇のために、またある者は驚愕のために味方を識別できず、敵であるかのように応戦した。
§20.66.3πολλοῦ δὲ φόνου γινομένου καὶ τῆς ἀγνοίας ἐπικρατούσης οἱ μὲν ἐν χειρῶν νόμῳ διεφθάρησαν, οἱ δʼ ἐκπεπηδηκότες ἄνοπλοι καὶ τὴν φυγὴν ποιούμενοι διὰ τῶν δυσχωριῶν κατεκρημνίζοντο, τῆς ψυχῆς ἐπτοημένης διὰ τὸν ἀπροσδόκητον φόβον.
多くの殺戮が生じ、敵味方の識別がつかない状態が支配する中で、ある者たちは肉弾戦で命を落とし、他の者たちは武器も持たずに飛び出して険しい地形を逃げ惑ううちに崖から転落した。 不意の恐怖によって彼らの心は激しく動転していたのである。
τὸ δὲ τέλος πλειόνων ἢ πεντακισχιλίων ἀπολομένων τὸ λοιπὸν πλῆθος διεσώθη πρὸς τὴν Καρχηδόνα.
結局、五千人以上が命を落とし、残りの群衆はカルタゴへと逃れて一命を取り留めた。
§20.66.4οἱ δʼ ἐν τῇ πόλει τότε μὲν συνεξαπατηθέντες τῇ φήμῃ τῶν ἰδίων ὑπέλαβον ἡττῆσθαι μάχῃ καὶ τῆς δυνάμεως τὸ πλεῖστον διεφθάρθαι.
一方、市の中にいた者たちは、その時は同様にその噂に惑わされ、味方が戦いに敗れ、軍勢の大部分が滅ぼされたのだと思い込んだ。
διόπερ ἀγωνιῶντες ἀνέῳξαν τὰς πύλας καὶ μετὰ θορύβου καὶ πτοήσεως ἐδέχοντο τοὺς στρατιώτας, φοβούμενοι μὴ τοῖς ἐσχάτοις οἱ πολέμιοι συνεισπέσωσιν·
それゆえ彼らは極度に不安にかられながら門を開け、騒乱と動転のうちに兵士たちを迎え入れた。 最後尾の者たちと同時に敵が乱入してくるのではないかと恐れたからである。
ἡμέρας δὲ γενομένης μαθόντες τἀληθὲς μόλις ἀπελύθησαν τῆς τῶν δεινῶν προσδοκίας.
しかし、夜が明けると、真実を知ってようやく恐ろしい災難への不安から解放された。