§20.21.1Πτολεμαῖος δὲ τῶν ἐν Κύπρῳ πόλεων κυριεύων, ἐπειδή τινων ἐπύθετο Νικοκλέα τὸν βασιλέα τῶν Παφίων ἐν ἀπορρήτοις ἰδίᾳ πρὸς Ἀντίγονον συντεθεῖσθαι φιλίαν, ἔπεμψε τῶν φίλων Ἀργαῖον καὶ Καλλικράτην, προστάξας αὐτοῖς ἀνελεῖν τὸν Νικοκλέα· πάνυ γὰρ εὐλαβεῖτο μὴ καὶ τῶν ἄλλων τινὲς ὁρμήσωσι πρὸς μεταβολήν, ὁρῶντες ἀθῴους γεγονότας τοὺς πρότερον ἀφεστηκότας.
统治着塞浦路斯各城市的托勒密，当从某些人那里得知帕福斯国王尼科克勒斯已私下秘密与安提柯结盟时，便派遣了他的朋友阿尔盖乌斯和卡利克拉特，命令他们除掉尼科克勒斯；因为他非常担心，在看到之前叛乱的人没有受到惩罚后，其他一些人也会倾向于倒戈。
οὗτοι μὲν οὖν πλεύσαντες εἰς τὴν νῆσον καὶ παρὰ Μενελάου τοῦ στρατηγοῦ στρατιώτας λαβόντες περιέστησαν τὴν οἰκίαν τοῦ Νικοκλέους καὶ τὰ δόξαντα τῷ βασιλεῖ δηλώσαντες προσέταξαν ἑαυτὸν ἀπαλλάξαι τοῦ ζῆν.
于是，这些人乘船来到该岛，从将军梅内劳斯那里领了士兵，包围了尼科克勒斯的住宅，并向他传达了国王的决定，命令他结束自己的生命。
§20.21.2ὁ δὲ τὸ μὲν πρῶτον πρὸς τὴν ἀπολογίαν ἐτρέπετο τῶν ἐγκαλουμένων· ὡς δʼ οὐδεὶς προσεῖχεν, ἑαυτὸν ἀπέκτεινεν.
他起初试图对指控进行辩解；但由于没有人理会，他便自杀了。
Ἀξιοθέα δὲ ἡ γυνὴ τοῦ Νικοκλέους ἀκούσασα τὴν ἀνδρὸς τελευτὴν τὰς μὲν θυγατέρας τὰς ἑαυτῆς παρθένους οὔσας ἀπέσφαξεν, ὅπως μηδεὶς αὐτῶν πολέμιος κυριεύσῃ, τὰς δὲ τῶν ἀδελφῶν τῶν Νικοκλέους γυναῖκας προετρέψατο μεθʼ αὑτῆς ἑλέσθαι τὸν θάνατον, οὐδὲν συντεταχότος Πτολεμαίου περὶ τῶν γυναικῶν, ἀλλὰ συγκεχωρηκότος αὐταῖς τὴν ἀσφάλειαν.
尼科克勒斯的妻子阿克西奥塞娅听到丈夫的死讯后，杀死了自己尚未出阁的女儿们，以免她们落入任何敌人之手，并劝说尼科克勒斯兄弟们的妻子与她一同选择死亡，尽管托勒密对这些妇女没有下达过任何命令，反而保障了她们的安全。
§20.21.3τῶν δὲ βασιλείων πεπληρωμένων φόνων καὶ συμπτωμάτων ἀπροσδοκήτων οἱ τοῦ Νικοκλέους ἀδελφοὶ συγκλείσαντες τὰς θύρας τὴν μὲν οἰκίαν ἐνέπρησαν, ἑαυτοὺς δʼ ἀπέσφαξαν.
随着王宫里充满了杀戮和意想不到的惨剧，尼科克勒斯的兄弟们关上大门，放火烧毁了房屋，并自杀了。
ἡ μὲν οὖν τῶν ἐν Πάφῳ βασιλέων οἰκία τραγικοῖς συγκυρήσασα πάθεσι τὸν εἰρημένον τρόπον κατελύθη.
就这样，帕福斯的王室遭遇了悲剧性的灾难，以上述方式覆灭。
ἡμεῖς δὲ τὴν ἀπαγγελίαν τῶν κατὰ τὴν Κύπρον γεγονότων διελθόντες ἐπὶ τὰς συνεχεῖς πράξεις μεταβιβάσομεν τὸν λόγον.
我们在叙述完塞浦路斯发生的事件后，将把论述转向接下来的行动。