§19.69.1Ἀντίγονος δʼ ὁρῶν τὸν Κάσανδρον ἀντεχόμενον τῆς Ἀσίας Δημήτριον μὲν τὸν υἱὸν ἀπέλιπεν ἐν τῇ Συρίᾳ, προστάξας ἐνεδρεύειν τοὺς περὶ Πτολεμαῖον, οὓς ὑπώπτευεν ἐκ τῆς Αἰγύπτου προάξειν μετὰ δυνάμεως ἐπὶ Συρίας, συναπέλιπε δʼ αὐτῷ πεζοὺς μὲν ξένους μυρίους, Μακεδόνας δὲ δισχιλίους, Λυκίους δὲ καὶ Παμφυλίους πεντακοσίους, Πέρσας δὲ τοξότας καὶ σφενδονήτας τετρακοσίους, ἱππεῖς δὲ πεντακισχιλίους, ἐλέφαντας δὲ πλείους τῶν τεσσαράκοντα.
安提柯看到卡山德仍在争夺亚洲，便将儿子德米特里留在叙利亚，命令他伏击托勒密的军队，他怀疑他们会率军从埃及向叙利亚进军。 他给德米特里留下了佣兵步兵一万人、马其顿人二千人、吕基亚和潘菲利亚人五百人、波斯弓兵和投石兵四百人、骑兵五千人，以及四十多头战象。
παρακατέστησε δʼ αὐτῷ καὶ συμβούλους τέσσαρας, Νέαρχόν τε τὸν Κρῆτα καὶ Πίθωνα τὸν Ἀγήνορος, ὃς καταβεβήκει πρότερον ὀλίγαις ἡμέραις ἐκ Βαβυλῶνος, πρὸς δὲ τούτοις Ἀνδρόνικόν τε τὸν Ὀλύνθιον καὶ Φίλιππον, ἄνδρας πρεσβυτέρους καὶ συνεστρατευκότας Ἀλεξάνδρῳ πᾶσαν τὴν στρατείαν·
他还为他配备了四位顾问：尼阿科斯，即克里特人，以及阿革诺耳之子皮同（他几天前刚从巴比伦下来），此外还有奥林索斯人安德罗尼库斯和菲利普，他们是年长者，曾随亚历山大参加了整个远征。
ἦν γὰρ Δημήτριος ἔτι νέος τὴν ἡλικίαν, ὡς ἂν γεγονὼς ἔτη δύο πρὸς τοῖς εἴκοσιν.
因为德米特里当时年纪还轻，只有二十二岁。
§19.69.2αὐτὸς δὲ τὴν ἄλλην δύναμιν ἀνέλαβε καὶ τὸ μὲν πρῶτον ὑπερβάλλων τὸν Ταῦρον καὶ περιπεσὼν χιόνι πολλῇ συχνοὺς ἀπέβαλε τῶν στρατιωτῶν.
他自己则率领其余的军队，起初在翻越托罗斯山脉时遭遇大雪，损失了许多士兵。
διὸ καὶ πάλιν ἀναστρέψας εἰς τὴν Κιλικίαν καὶ μεταλαβὼν ἕτερον καιρὸν διεξῆλθε μὲν ἀσφαλέστερον τὸ προειρημένον ὄρος, παραγενόμενος δʼ εἰς Κελαινὰς τῆς Φρυγίας διεῖλε τὸ στρατόπεδον εἰς χειμασίαν.
因此，他再次返回基利家，选择另一个时机，较安全地通过了上述山脉；抵达弗里吉亚的凯莱奈后，他将全军分散进行冬营。
§19.69.3μετὰ δὲ ταῦτα τὸν στόλον ἐκ Φοινίκης μετεπέμψατο Μηδίου ναυαρχοῦντος, ὃς περιτυχὼν ταῖς Πυδναίων ναυσίν, οὔσαις τριάκοντα ἕξ, καὶ καταναυμαχήσας αὐτάνδρων τῶν σκαφῶν ἐκυρίευσεν.
此后，他召来了由米底乌斯指挥的腓尼基舰队。 米底乌斯遭遇了皮德纳人的三十六艘船只，在战役中击败了它们，连同船员捕获了这些船只。
καὶ τὰ μὲν περὶ τὴν Ἑλλάδα καὶ τὴν Ἀσίαν ἐν τούτοις ἦν.
希腊和亚洲的事情便处于这种状态。