§18.52.1Ἀντίγονος δὲ πυθόμενος τὴν τῶν Κυζικηνῶν πόλιν πολιορκουμένην ἔτυχε μὲν ἐν Κελαιναῖς διατρίβων, κρίνας δὲ τὴν κινδυνεύουσαν πόλιν ἰδίαν κατασκευάσασθαι πρὸς τὰς μελλούσας ἐπιβολὰς ἀπέλεξεν ἐξ ἁπάσης τῆς δυνάμεως τοὺς ἀρίστους, πεζοὺς μὲν δισμυρίους, §18.52.2ἱππεῖς δὲ τρισχιλίους.
安提柯得知基齐库斯人的城市被围攻时，正巧逗留在凯莱奈；但他决心将这座处于危险中的城市变成他自己未来企图的基地，便从全军中挑选出最优秀的士兵，包括两万名步兵和三千名骑兵。
τούτους δὲ ἀναλαβὼν ἐν τάχει προῆγε βοηθήσων τοῖς Κυζικηνοῖς.
他带着这些人迅速行军，前去救援基齐库斯人。
βραχὺ δὲ τῶν καιρῶν ὑστερήσας φανερὰν μὲν ἔσχε τὴν εἰς τὴν πόλιν εὔνοιαν, τῆς δὲ ὅλης ἐπιβολῆς ἀπέτυχε.
然而，他由于稍微错过了良机，虽然向该城表明了自己的好意，却在整个企图上落了空。
§18.52.3πρὸς δὲ Ἀρριδαῖον ἐξέπεμψε πρεσβευτάς, ἐγκαλῶν ὅτι πρῶτον μὲν Ἑλληνίδα πόλιν σύμμαχον οὖσαν καὶ μηδὲν ἀδικοῦσαν ἐτόλμησε πολιορκεῖν, ἔπειθʼ ὅτι φανερός ἐστιν ἀποστατήσων καὶ τὴν σατραπείαν ἑαυτῷ δυναστείαν κατασκευαζόμενος· τὸ δὲ τελευταῖον προσέταττε τῆς σατραπείας παραχωρεῖν καὶ μίαν λαβόντα πόλιν εἰς καταβίωσιν τὴν ἡσυχίαν ἄγειν.
于是他派使者去见阿里戴乌斯，指责他：首先，他竟敢围攻一座身为同盟且并无过错的希腊城市；其次，他显然企图叛乱，并将行省据为己有作为自己的独立王国；最后，他命令他让出行省，只接受一座城市作为养老之用，安分度日。
§18.52.4ὁ δʼ Ἀρριδαῖος διακούσας τῶν πρέσβεων καὶ τὸ τῶν λόγων ὑπερήφανον καταμεμψάμενος οὐκ ἔφη παραχωρήσειν τῆς σατραπείας, τὰς δὲ πόλεις φρουραῖς διαλαμβάνων πειράσεσθαι τοῖς ὅπλοις διαγωνίζεσθαι πρὸς αὐτόν.
阿里戴乌斯听完使者的话，谴责了他们言辞中的傲慢，表示他绝不让出行省，而是将用守军控制各城市，并尝试用武力与安提柯对抗。
ἀκολούθως δὲ ταῖς ἀποκρίσεσι τὰς πόλεις ἀσφαλισάμενος μέρος τῆς δυνάμεως ἐξέπεμψε καὶ στρατηγὸν ἐπʼ αὐτῆς.
与他的回答相一致，他在确保各城市安全之后，派出了部分军队和一名将领统率之。
τούτῳ δὲ προσέταξε συνάπτειν τοῖς περὶ τὸν Εὐμενῆ καὶ λύειν τὴν πολιορκίαν τοῦ φρουρίου καὶ τὸν Εὐμενῆ τῶν κινδύνων ἀπαλλάξαντα ποιήσασθαι σύμμαχον.
他命令这名将领与尤门尼斯及其部属会合，解除对要塞的围攻，并在将尤门尼斯从危险中营救出来后，与其结为同盟。
§18.52.5Ἀντίγονος δὲ σπεύδων ἀμύνασθαι τὸν Ἀρριδαῖον ἐξέπεμψεν ἐπʼ αὐτὸν δύναμιν τὴν διαπολεμήσουσαν, αὐτὸς δὲ τὴν ἱκανὴν στρατιὰν ἀναλαβὼν προῆγεν ἐπὶ Λυδίας, βουλόμενος ἐκβαλεῖν τὸν ἐν αὐτῇ σατράπην Κλεῖτον.
安提柯急于报复阿里戴乌斯，向其派去了一支负责交战的军队，而他自己则率领充足的兵力向吕底亚进军，企图驱逐那里的行省总督克莱图斯。
§18.52.6ὁ δὲ προϊδόμενος τὴν ἔφοδον αὐτοῦ τὰς μὲν ἀξιολογωτάτας πόλεις φρουραῖς ἠσφαλίσατο, αὐτὸς δὲ εἰς Μακεδονίαν ἐξέπλευσε, δηλώσων τοῖς τε βασιλεῦσι καὶ Πολυπέρχοντι τὴν Ἀντιγόνου τόλμαν καὶ ἀπόστασιν καὶ ἀξιώσων ἑαυτῷ βοηθεῖν.
克莱图斯预见到了他的来袭，用守军确保了最重要城市的安全，而他自己则乘船前往马其顿，以便向国王们和波利伯孔报告安提柯的胆大妄为和叛乱企图，并请求他们援助自己。
§18.52.7ὁ δʼ Ἀντίγονος τὴν μὲν Ἔφεσον ἐξ ἐφόδου παρέλαβε συνεργησάντων αὐτῷ τινων ἐκ τῆς πόλεως· μετὰ δὲ ταῦτα καταπλεύσαντος εἰς Ἔφεσον Αἰσχύλου τοῦ Ῥοδίου καὶ κομίζοντος ἐκ Κιλικίας ἐν τέσσαρσι ναυσὶν ἀργυρίου τάλαντα ἑξακόσια ἀπεσταλμένα εἰς Μακεδονίαν πρὸς τοὺς βασιλεῖς παρείλετο, φάσκων ἑαυτῷ χρείαν ἔχειν πρὸς τὰς τῶν ξένων μισθοφορίας.
然而，安提柯由于城内一些人的协助，在首轮进攻中就占领了以弗所；在此之后，当罗德岛人埃斯库罗斯率领四艘船驶入以弗所，运载着从基利家送往马其顿给国王们的六百塔兰同白银时，安提柯强行夺取了这笔钱，声称自己需要用它来支付外国雇佣军的军饷。
§18.52.8τοῦτο δὲ πράξας φανερὸς ἐγένετο πρὸς ἰδιοπραγίαν ὡρμημένος καὶ τοῖς βασιλεῦσιν ἐναντιούμενος.
这一行动表明，他显然是出于个人的野心而行动，并且与国王们相对抗。
μετὰ δὲ ταῦτα συμπολιορκήσας ἐπῄει τὰς ἑξῆς πόλεις, ἃς μὲν βίᾳ χειρούμενος, ἃς δὲ πειθοῖ προσαγόμενος.
此后，他继续攻打接下来的城市，或以武力征服，或以说服拉拢。