§18.53.1ἡμεῖς δὲ διεληλυθότες τὰ περὶ Ἀντίγονον μεταβιβάσομεν τὴν ἀναγραφὴν ἐπὶ τὰ συμβάντα περὶ Εὐμενῆ.
而我们，在叙述完关于安提柯的事迹后，将把记载转向关于尤门尼斯所发生的事情。
οὗτος γὰρ μεγάλαις καὶ παραδόξοις μεταβολαῖς χρώμενος διετέλεσεν ἀεὶ παρʼ ἐλπίδας ἀγαθῶν τε καὶ κακῶν μεταλαμβάνων.
因为他终生经历着巨大而意想不到的转变，总是出乎意料地交替分享着幸与不幸。
§18.53.2πρὸ μὲν γὰρ τούτων τῶν καιρῶν συναγωνιζόμενος Περδίκκᾳ τε καὶ τοῖς βασιλεῦσιν ἔλαβε σατραπείαν Καππαδοκίαν καὶ τοὺς συνορίζοντας ταύτῃ τόπους, ἐν οἷς μεγάλων δυνάμεων καὶ πολλῶν χρημάτων κυριεύσας περιβόητον ἔσχε τὴν εὐτυχίαν.
因为在此之前，他与培尔迪卡斯及国王们并肩作战，获得了卡帕多西亚行省以及与其接壤的地区，在这些地方，他控制了强大的军队和巨额的财富，享有着名声显赫的幸运。
§18.53.3κρατερὸν μὲν γὰρ καὶ Νεοπτόλεμον, διωνομασμένους ἡγεμόνας καὶ τὰς ἀνικήτους τῶν Μακεδόνων ἔχοντας δυνάμεις, ἐνίκησε παρατάξει καὶ αὐτοὺς κατὰ τὴν μάχην ἀνεῖλεν.
因为克拉特鲁斯和尼奥普托勒莫斯，这两位享有盛名的将领且统率着不可战胜的马其顿军队，他在会战中击败了他们，并在战斗中亲自斩杀了他们。
§18.53.4δόξας δὲ ἀνυπόστατος εἶναι τηλικαύτης ἐπειράθη μεταβολῆς ὥστε ὑπʼ Ἀντιγόνου μεγάλῃ παρατάξει λειφθῆναι καὶ μετʼ ὀλίγων φίλων ἀναγκασθῆναι καταφυγεῖν εἴς τι χωρίον παντελῶς μικρόν.
尽管他曾被认为无可匹敌，却经历了如此巨大的转变，以至于在一次大战中被安提柯击败，被迫与少数朋友一起逃往一个极其微小的要塞。
εἰς τοῦτο δʼ ἐγκλεισθεὶς καὶ περιληφθεὶς ὑπὸ τῶν πολεμίων διπλοῖς τείχεσιν οὐδένα βοηθὸν ἔσχε τῆς ἰδίας συμφορᾶς.
他被困在此处，被敌军用双重围墙包围，对于自己的不幸，他没有得到任何援助者。
§18.53.5ἐνιαυσίου δʼ οὔσης τῆς πολιορκίας καὶ τῆς σωτηρίας ἀπογινωσκομένης ἄφνω παράδοξος λύσις ἐφάνη τῶν ἀτυχημάτων.
当包围持续了一年，生还的希望已被放弃时，突然间，一个意想不到的解救不幸的转机出现了。
ὁ γὰρ πολιορκῶν τὸν Εὐμενῆ καὶ σπεύδων ἀνελεῖν Ἀντίγονος ἐκ μεταβολῆς παρεκάλεσεν αὐτὸν πρὸς κοινοπραγίαν καὶ λαβὼν διὰ τῶν ὅρκων τὰς πίστεις τῆς πολιορκίας ἀπελύθη.
因为包围尤门尼斯并急于消灭他的安提柯，态度发生转变，邀请他进行合作，并在通过誓言获得保证后，他（尤门尼斯）被解除了包围。
§18.53.6μετὰ δέ τινα χρόνον ἀνελπίστως διασωθεὶς τότε μὲν περὶ τὴν Καππαδοκίαν διέτριβεν ἀναλαμβάνων τοὺς προγεγονότας φίλους καὶ τοὺς κατὰ τὴν χώραν πλανωμένους τῶν συνεστρατευκότων αὐτῷ πρότερον.
此后，在出乎意料地获救后，当时他在卡帕多西亚一带逗留，重新招聚以前的朋友以及过去曾随他共同出征、此时在该地区流浪的士兵。
ἀγαπώμενος δὲ διαφερόντως ταχὺ πολλοὺς ἔσχε κοινωνοὺς τῶν αὐτῶν ἐλπίδων καὶ πρὸς τὴν μετʼ αὐτοῦ στρατείαν ὑπακούοντας.
由于他极受欢迎，很快就有了许多共享相同希望的同伴，以及响应与他一同出征的士兵。
§18.53.7τέλος δὲ ἐν ὀλίγαις ἡμέραις χωρὶς τῶν ἐν τῷ φρουρίῳ συμπεπολιορκημένων φίλων πεντακοσίων ἔσχε στρατιώτας ἐθελοντὶ ὑπακούοντας πλείους τῶν δισχιλίων.
最终，在短短几天之内，除了在要塞中与他一同被围困的五百名朋友之外，他拥有了超过两千名志愿服从他的士兵。
τῆς τύχης δʼ αὐτῷ συνεργούσης τηλικαύτην ἔλαβεν αὔξησιν ὥστε παραλαβεῖν τὰς βασιλικὰς δυνάμεις καὶ προστῆναι τῶν βασιλέων πρὸς τοὺς καταλύειν αὐτῶν τὴν ἀρχὴν τετολμηκότας.
在命运的协助下，他的势力急剧壮大，以至于接管了王室军队，并成为国王们的保护者，对抗那些企图颠覆他们统治的人。
ἀλλὰ ταῦτα μὲν μικρὸν ὕστερον ἀκριβέστερον διέξιμεν ἐν τοῖς οἰκείοις καιροῖς.
然而，关于这些事情，我们将在稍后适当的时候进行更详尽的叙述。