§1.33.1περιείληφε δʼ ὁ ποταμὸς καὶ νήσους ἐν αὑτῷ, κατὰ μὲν τὴν Αἰθιοπίαν ἄλλας τε πλείους καὶ μίαν εὐμεγέθη, τὴν ὀνομαζομένην Μερόην, ἐν ᾗ καὶ πόλις ἐστὶν ἀξιόλογος ὁμώνυμος τῇ νήσῳ, κτίσαντος αὐτὴν Καμβύσου καὶ θεμένου τὴν προσηγορίαν ἀπὸ τῆς μητρὸς αὐτοῦ Μερόης.
此外，河流也在自身之中包围了一些岛屿，在埃塞俄比亚境内除了其他许多岛屿之外，还有一座名为美罗埃的巨大岛屿，岛上还有一座与该岛同名、值得注意的城市，它是由于坎比西斯创建，并以其母亲美罗埃的名字命名的。
§1.33.2ταύτην δὲ τῷ μὲν σχήματί φασιν ὑπάρχειν θυρεῷ παραπλησίαν, τῷ δὲ μεγέθει πολὺ προέχειν τῶν ἄλλων νήσων τῶν ἐν τούτοις τοῖς τόποις· τὸ μὲν γὰρ μῆκος αὐτῆς εἶναι λέγουσι σταδίων τρισχιλίων, τὸ δὲ πλάτος χιλίων.
据说这座岛在形状上与长盾相似，在面积上远超这些地区内的其他岛屿；因为据说其长度为三千斯塔德，宽度为一千斯塔德。
ἔχειν δʼ αὐτὴν καὶ πόλεις οὐκ ὀλίγας, ὧν ἐπιφανεστάτην ὑπάρχειν τὴν Μερόην.
并且它还拥有不少城市，其中最著名的是美罗埃。
§1.33.3παρήκειν δὲ τῆς νήσου τὸν περικλυζόμενον πάντα τόπον ἀπὸ μὲν τῆς Λιβύης θῖνας ἔχοντας ἅμμου μέγεθος ἀέριον, ἀπὸ δὲ τῆς Ἀραβίας κρημνοὺς κατερρωγότας. ὑπάρχειν δʼ ἐν αὐτῇ καὶ μέταλλα χρυσοῦ τε καὶ ἀργύρου καὶ σιδήρου καὶ χαλκοῦ· πρὸς δὲ τούτοις ἔχειν πλῆθος ἐβένου, λίθων τε πολυτελῶν γένη παντοδαπά.
据称，该岛被水环绕的所有区域，从利比亚一侧看，有着高达云际的沙丘，从阿拉伯一侧看，则有开裂的悬崖；岛上还存在金、银、铁、铜的矿藏，此外还拥有大量的乌木以及各种名贵的宝石。
§1.33.4καθόλου δὲ τοσαύτας νήσους ποιεῖν τὸν ποταμὸν ὥστε τοὺς ἀκούοντας μὴ ῥᾳδίως πιστεῦσαι· χωρὶς γὰρ τῶν περικλυζομένων τόπων ἐν τῷ καλουμένῳ Δέλτα τὰς ἄλλας εἶναι νήσους πλείους τῶν ἑπτακοσίων, ὧν τὰς μὲν ὑπὸ Αἰθιόπων ἐπαντλουμένας γεωργεῖσθαι κέγχρῳ, τὰς δὲ πλήρεις ὑπάρχειν ὄφεων καὶ κυνοκεφάλων καὶ ἄλλων θηρίων παντοδαπῶν, καὶ διὰ τοῦτο ἀπροσίτους εἶναι τοῖς ἀνθρώποις.
总之，该河制造了如此多的岛屿，以至于听闻此事的人不易相信；因为除了在所谓的三角洲被水包围的地方之外，其他岛屿多达七百余座，其中一些由埃塞俄比亚人灌溉，种植小米，另一些则充满了蛇、狗头狒狒以及各种其他野兽，因此人类无法接近。
§1.33.5ὁ δʼ οὖν Νεῖλος κατὰ τὴν Αἴγυπτον εἰς πλείω μέρη σχιζόμενος ποιεῖ τὸ καλούμενον ἀπὸ τοῦ σχήματος Δέλτα.
总之，尼罗河在埃及境内分裂成数个部分，因其形状而形成了所谓的“三角洲”。
§1.33.6τούτου δὲ τὰς μὲν πλευρὰς καταγράφει τὰ τελευταῖα τῶν ῥευμάτων, τὴν δὲ βάσιν ἀναπληροῖ τὸ δεχόμενον πέλαγος τὰς ἐκβολὰς τοῦ ποταμοῦ.
它的两边是由最边缘的水流勾勒出来的，而底边则由接纳河流出口的海洋所填满。
§1.33.7ἐξίησι δʼ εἰς τὴν θάλατταν ἑπτὰ στόμασιν, ὧν τὸ μὲν πρὸς ἕω κεκλιμένον καὶ πρῶτον καλεῖται Πηλουσιακόν, τὸ δὲ δεύτερον Τανιτικόν, εἶτα Μενδήσιον καὶ Φατνιτικὸν καὶ Σεβεννυτικόν, ἔτι δὲ Βολβίτινον, καὶ τελευταῖον Κανωβικόν, ὅ τινες Ἡρακλεωτικὸν ὀνομάζουσιν.
尼罗河通过七个口子注入海洋，其中偏向东方且最先的一个被称为佩鲁西乌姆口，第二个是塔尼斯口，随后是门德斯口、法特尼斯口和塞贝尼托斯口，此外还有波尔比蒂诺斯口，最后一个是卡诺普斯口，有些人称之为赫拉克勒斯口。
§1.33.8ἔστι δὲ καὶ ἕτερα στόματα χειροποίητα, περὶ ὧν οὐδὲν κατεπείγει γράφειν.
还有其他人工开凿的口子，对此并无紧迫书写的必要。
ἐφʼ ἑκάστῳ δὲ πόλις τετείχισται διαιρουμένη τῷ ποταμῷ καὶ καθʼ ἑκάτερον μέρος τῆς ἐκβολῆς ζεύγμασι καὶ φυλακαῖς εὐκαίροις διειλημμένη.
在每个口子上都建有一座被河流平分的防御工事城池，并在出口的两侧通过桥梁和适宜的哨所进行隔断。
ἀπὸ δὲ τοῦ Πηλουσιακοῦ στόματος διῶρύξ ἐστι χειροποίητος εἰς τὸν Ἀράβιον κόλπον καὶ τὴν Ἐρυθρὰν θάλατταν.
从佩鲁西乌姆口有一条人工开凿的运河通往阿拉伯湾和红海。
§1.33.9ταύτην δʼ ἐπεβάλετο πρῶτος κατασκευάζειν Νεκῶς ὁ Ψαμμητίχου, μετὰ δὲ τοῦτον Δαρεῖος ὁ Πέρσης, καὶ προκόψας τοῖς ἔργοις ἕως τινὸς τὸ τελευταῖον εἴασεν αὐτὴν ἀσυντέλεστον· §1.33.10ἐδιδάχθη γὰρ ὑπό τινων ὅτι διορύξας τὸν ἰσθμὸν αἴτιος ἔσται τοῦ κατακλυσθῆναι τὴν Αἴγυπτον· μετεωροτέραν γὰρ ἀπεδείκνυον ὑπάρχειν τῆς Αἰγύπτου τὴν Ἐρυθρὰν θάλατταν.
这一运河首先由普萨美提科斯之子尼科着手建造，之后是波斯人达利乌斯，他虽然将工程推进到了一定阶段，但最终还是让其保持未完工状态；因为他受到一些人的告诫，称如果挖通地峡，他将成为淹没埃及的罪魁祸首；因为他们向其证明红海的海平面高于埃及。
§1.33.11ὕστερον δὲ ὁ δεύτερος Πτολεμαῖος συνετέλεσεν αὐτήν, καὶ κατὰ τὸν ἐπικαιρότατον τόπον ἐμηχανήσατό τι φιλότεχνον διάφραγμα.
后来，托勒密二世完成了这一工程，并在最合适的位置设计了一座精巧的闸门。
τοῦτο δʼ ἐξήνοιγεν, ὁπότε βούλοιτο διαπλεῦσαι, καὶ ταχέως πάλιν συνέκλειεν, εὐστόχως ἐκλαμβανομένης τῆς χρείας.
每当他想要驶过时就将其打开，随后又迅速关闭，其用途得到了极佳的满足。
§1.33.12ὁ δὲ διὰ τῆς διώρυχος ταύτης ῥέων ποταμὸς ὀνομάζεται μὲν ἀπὸ τοῦ κατασκευάσαντος Πτολεμαῖος, ἐπὶ δὲ τῆς ἐκβολῆς πόλιν ἔχει τὴν προσαγορευομένην Ἀρσινόην.
穿过这条运河的水流因其建造者而被命名为托勒密河，并在其出口处建有被称为阿尔西诺埃的城市。