§1.31.1ἡμεῖς δʼ ἐπεὶ τὰ περὶ τῶν ἀπὸ τῆς χέρσου τριῶν μερῶν τῶν ὀχυρούντων τὴν Αἴγυπτον διήλθομεν, προσθήσομεν τοῖς εἰρημένοις τὸ λειπόμενον.
由于我们已经叙述了从陆路防御埃及的三面之情况，我们将在已述内容的基础上补充其剩余的部分。
§1.31.2ἡ τετάρτη τοίνυν πλευρὰ πᾶσα σχεδὸν ἀλιμένῳ θαλάττῃ προσκλυζομένη προβέβληται τὸ Αἰγύπτιον πέλαγος, ὃ τὸν μὲν παράπλουν ἔχει μακρότατον, τὴν δʼ ἀπόβασιν τὴν ἐπὶ τὴν χώραν δυσπροσόρμιστον·
至于第四面，几乎整条边界都受到无港湾之海的冲刷，其前方有埃及海作为屏障。 该海的沿岸航线极长，而登陆该国则难以靠泊。
ἀπὸ γὰρ Παραιτονίου τῆς Λιβύης ἕως Ἰόπης τῆς ἐν τῇ Κοίλῃ Συρίᾳ, ὄντος τοῦ παράπλου σταδίων σχεδὸν πεντακισχιλίων, οὐκ ἔστιν εὑρεῖν ἀσφαλῆ λιμένα πλὴν τοῦ Φάρου.
因为从利比亚的帕赖托尼乌姆直到柯里叙利亚的约帕，沿岸航程几近五千斯塔德，除法罗斯以外，根本无法找到一个安全的港口。
§1.31.3χωρὶς δὲ τούτων ταινία παρʼ ὅλην σχεδὸν τὴν Αἴγυπτον παρήκει τοῖς ἀπείροις τῶν προσπλεόντων ἀθεώρητος·
除此以外，有一条几乎沿着整个埃及延伸的沙洲，对于不熟悉此处而驶来的航行者而言是看不见的。
§1.31.4διόπερ οἱ τὸν ἐκ πελάγους κίνδυνον ἐκπεφευγέναι νομίζοντες, καὶ διὰ τὴν ἄγνοιαν ἄσμενοι πρὸς τὴν γῆν καταπλέοντες, ἐξαίφνης ἐποκελλόντων τῶν σκαφῶν ἀνελπίστως ναυαγοῦσιν·
因此，那些以为自己已经逃离了外海危险的人，因无知而欣然驶向陆地，却在船只突然搁浅时，出乎意料地遭遇船毁人亡。
§1.31.5ἔνιοι δὲ διὰ τὴν ταπεινότητα τῆς χώρας οὐ δυνάμενοι προϊδέσθαι τὴν γῆν λανθάνουσιν ἑαυτοὺς ἐκπίπτοντες οἱ μὲν εἰς ἑλώδεις καὶ λιμνάζοντας τόπους, οἱ δʼ εἰς χώραν ἔρημον.
还有一些人，由于该地地势低平，无法预先看见陆地，在不知不觉中便搁浅搁下，有的落入湿地和沼泽地带，有的则落入荒凉之地。
§1.31.6ἡ μὲν οὖν Αἴγυπτος πανταχόθεν φυσικῶς ὠχύρωται τὸν εἰρημένον τρόπον, τῷ δὲ σχήματι παραμήκης οὖσα δισχιλίων μὲν σταδίων ἔχει τὴν παραθαλάττιον πλευράν, εἰς μεσόγειον δʼ ἀνήκει σχεδὸν ἐπὶ σταδίους ἑξακισχιλίους.
因此，埃及四周都以所述的方式得到了天然防卫。 其形状狭长，海岸线一侧长达二千斯塔德，向内陆延伸几近六千斯塔德。
πολυανθρωπίᾳ δὲ τὸ μὲν παλαιὸν πολὺ προέσχε πάντων τῶν γνωριζομένων τόπων κατὰ τὴν οἰκουμένην, καὶ καθʼ ἡμᾶς δὲ οὐδενὸς τῶν ἄλλων δοκεῖ λείπεσθαι·
在人口众多方面，古代它远超人居世界所有为人所知的地区，而在我们这个时代，它似乎也不逊色于其他任何地方。
§1.31.7ἐπὶ μὲν γὰρ τῶν ἀρχαίων χρόνων ἔσχε κώμας ἀξιολόγους καὶ πόλεις πλείους τῶν μυρίων καὶ ὀκτακισχιλίων, ὡς ἐν ταῖς ἱεραῖς ἀναγραφαῖς ὁρᾶν ἔστι κατακεχωρισμένον, ἐπὶ δὲ Πτολεμαίου τοῦ Λάγου πλείους τῶν τρισμυρίων ἠριθμήθησαν, ὧν τὸ πλῆθος διαμεμένηκεν ἕως τῶν καθʼ ἡμᾶς χρόνων.
因为在古时候，它拥有值得瞩目的村落和城市达一万八千个以上，这在神圣的档案中可以见到登记。 而在拉戈斯之子托勒密时代，其数量被统计为三万个以上，这一庞大规模一直维持到我们这个时代。
§1.31.8τοῦ δὲ σύμπαντος λαοῦ τὸ μὲν παλαιόν φασι γεγονέναι περὶ ἑπτακοσίας μυριάδας, καὶ καθʼ ἡμᾶς δὲ οὐκ ἐλάττους εἶναι.
至于总人口，据说在古代约为七百万，而在我们这个时代，也不少于此数。
§1.31.9διὸ καὶ τοὺς ἀρχαίους βασιλεῖς ἱστοροῦσι κατὰ τὴν Αἴγυπτον ἔργα μεγάλα καὶ θαυμαστὰ διὰ τῆς πολυχειρίας κατασκευάσαντας ἀθάνατα τῆς ἑαυτῶν δόξης ἀπολιπεῖν ὑπομνήματα.
因此，据记载，古代的埃及国王们通过动用海量人力，建造了伟大而惊人的工程，留下了他们自身荣耀的不朽纪念。
ἀλλὰ περὶ μὲν τούτων τὰ κατὰ μέρος μικρὸν ὕστερον ἀναγράψομεν, περὶ δὲ τῆς τοῦ ποταμοῦ φύσεως καὶ τῶν κατὰ τὴν χώραν ἰδιωμάτων νῦν διέξιμεν.
不过，关于这些事情，我们稍后将逐一详细记述，而现在我们将详细阐述这条河流的性质以及该地区的特异之处。