§17.83.1μετὰ δὲ ταῦτα παρελθὼν πλησίον τοῦ Καυκάσου κατεστρατοπέδευσεν, ὅ τινες Παροπάνισον ὄρος προσαγορεύουσι.
此后，他向前进军并在高加索山附近安营扎寨，有些人称该山为巴罗帕尼苏斯山。
τὸ δʼ ὄρος τοῦτο κατὰ πλάτος διελθὼν ἐν ἡμέραις ἑκκαίδεκα πόλιν ἔκτισε κατὰ τὴν εἰσβολὴν τὴν φέρουσαν εἰς τὴν Ἰνδικήν, ἣν ὠνόμασεν Ἀλεξάνδρειαν.
他在十六天内横越了这座山，并在通往印度境内的隘口处建立了一座城市，将其命名为亚历山大里亚。
κατὰ δὲ μέσον τὸν Καύκασον ἔστι πέτρα δέκα σταδίων ἔχουσα τὴν περίμετρον, τεττάρων δὲ σταδίων τὸ ὕψος, ἐν ᾗ καὶ τὸ Προμηθέως σπήλαιον ἐδείκνυθʼ ὑπὸ τῶν ἐγχωρίων καὶ ἡ τοῦ μυθολογηθέντος ἀετοῦ κοίτη καὶ τὰ τῶν δεσμῶν σημεῖα.
在高加索山的中部，有一块周长十斯塔德、高四斯塔德的巨石，当地人在此指认出普罗米修斯的洞穴、神话中所说的那只鹰的巢穴以及锁链的痕迹。
§17.83.2ὁ δʼ Ἀλέξανδρος καὶ ἄλλας πόλεις ἔκτισεν, ἡμέρας ὁδὸν ἀπέχουσας τῆς Ἀλεξανδρείας.
亚历山大还在距离亚历山大里亚一日路程的地方建立了其他城市。
κατῴκισε δʼ εἰς ταύτας τῶν μὲν βαρβάρων ἑπτακισχιλίους, τῶν δʼ ἐκτὸς τάξεως συνακολουθούντων τρισχιλίους καὶ τῶν μισθοφόρων τοὺς βουλομένους.
他在这些城市中安置了七千名蛮族人、三千名随同在队列之外的人，以及愿意在此定居的雇佣兵。
§17.83.3αὐτὸς δὲ ἀναλαβὼν τὴν δύναμιν προῆγεν εἰς τὴν Βακτριανήν, ἀκούων τὸν Βῆσσον διάδημά τε ἀνειληφέναι καὶ δυνάμεις ἀθροίζειν.
他自己则率领军队向巴克特里亚纳进军，因为他听说贝苏斯已经戴上了王冠并正在聚集军队。
καὶ τὰ μὲν περὶ Ἀλέξανδρον ἐν τούτοις ἦν.
关于亚历山大的情况便是如此。
§17.83.4οἱ δʼ εἰς τὴν Ἀρίαν ἀπεσταλμένοι στρατηγοὶ καταλαβόντες τοὺς ἀφεστηκότας δυνάμεις ἀξιολόγους ἠθροικότας καὶ στρατηγὸν ἔχοντας Σατιβαρζάνην, ἄνδρα στρατηγικὸν καὶ ἀνδρείᾳ διαφέροντα, κατεστρατοπέδευσαν πλησίον τῶν πολεμίων.
另一方面，被派往阿利亚的将领们发现叛乱分子聚集了相当规模的军队，并由萨蒂巴尔扎内斯担任将领——此人具有军事才能且英勇过人——于是便在敌军附近安营扎寨。
γινομένων δὲ πολλάκις ἀκροβολισμῶν μέχρι μέν τινος μάχαι κατʼ ὀλίγους ἐγίνοντο, §17.83.5μετὰ δὲ ταῦτα παρατάξεως γενομένης καὶ τῶν βαρβάρων ἰσόμαχον ποιούντων τὸν κίνδυνον ὁ τῶν ἀποστατῶν στρατηγὸς Σατιβαρζάνης, ἀφελὼν ταῖς χερσὶ τὸ περὶ τὴν κεφαλὴν κράνος καὶ δείξας αὑτὸν ὃς ἦν, προεκαλέσατο τὸν βουλόμενον τῶν στρατηγῶν μονομαχῆσαι.
由于频繁发生遭遇战，在一段时间内，战斗是由少数人进行的，但在此后，当双方列阵交战、蛮族人使战局陷入势均力敌的危险境地时，叛军将领萨蒂巴尔扎内斯用手摘下头上的头盔，露出了自己的面容，向将领中任何愿意的人挑战单挑。
§17.83.6ὑπακούσαντος δὲ τοῦ Ἐριγυιοῦ καὶ γενομένης μάχης ἡρωικῆς συνέβη νικῆσαι τὸν Ἐριγυιόν.
埃里吉乌斯接受了挑战，在进行了一场英雄般的决斗后，结果是埃里吉乌斯获胜。
οἱ δὲ βάρβαροι διὰ τὸν τοῦ στρατηγοῦ θάνατον καταπλαγέντες καὶ λαβόντες τὴν ἀσφάλειαν παρέδωκαν ἑαυτοὺς τῷ βασιλεῖ.
蛮族人因其将领之死而惊恐万分，在得到了人身安全的保证后，向国王投降。
§17.83.7Βῆσσος δʼ ἑαυτὸν ἀναδεδειχὼς βασιλέα τοῖς θεοῖς ἔθυσε καὶ τοὺς φίλους παραλαβὼν εἰς τὴν εὐωχίαν κατὰ τὸν πότον διηνέχθη πρός τινα τῶν ἑταίρων, ὄνομα Βαγωδάραν.
而贝苏斯自封为王后，向神明献祭，并邀请朋友们参加宴会，在饮酒时他与一位名叫巴戈达拉斯的同伴发生了争吵。
τῆς δὲ φιλοτιμίας ἐπὶ πλέον προελθούσης ὁ μὲν Βῆσσος παροξυνθεὶς ἐπεβάλετο τὸν Βαγωδάραν ἀνελεῖν καὶ ὑπὸ τῶν φίλων πεισθεὶς μετενόησεν.
随着争执的加剧，被激怒的贝苏斯企图杀害巴戈达拉斯，但在朋友们的劝说下，他改变了主意。
§17.83.8ὁ δὲ τὸν κίνδυνον ἐκφυγὼν νυκτὸς ἔφυγε πρὸς τὸν Ἀλέξανδρον.
逃脱了危险的巴戈达拉斯在夜里逃往亚历山大那里。
τῇ δὲ τούτου σωτηρίᾳ καὶ ταῖς δοθησομέναις ὑπʼ Ἀλεξάνδρου δωρεαῖς προκληθέντες οἱ μέγιστοι τῶν ἡγεμόνων συνεφρόνησαν καὶ συλλαβόντες τὸν Βῆσσον ἀπήγαγον πρὸς τὸν Ἀλέξανδρον.
受到他的脱险以及亚历山大将要赐予的赏赐所诱惑，最显赫的几位领袖达成一致，逮捕了贝苏斯并将其押送给亚历山大。
§17.83.9ὁ δὲ βασιλεὺς τούτους μὲν ἐτίμησεν ἀξιολόγοις δωρεαῖς, τὸν δὲ Βῆσσον παρέδωκε τῷ ἀδελφῷ τοῦ Δαρείου καὶ τοῖς ἄλλοις συγγενέσιν εἰς τιμωρίαν.
国王用丰厚的赏赐犒劳了这些人，而将贝苏斯交给了大流士的兄弟和其他亲属进行惩罚。
οἱ δὲ πᾶσαν ὕβριν καὶ αἰκίαν προσενεγκάμενοι καὶ τὸ σῶμα κατὰ λεπτὸν συγκόψαντες τὰ μέλη διεσφενδόνησαν.
他们施加了各种侮辱和酷刑，将他的身体切成碎片，并把肢体四处抛撒。