§17.83.1μετὰ δὲ ταῦτα παρελθὼν πλησίον τοῦ Καυκάσου κατεστρατοπέδευσεν, ὅ τινες Παροπάνισον ὄρος προσαγορεύουσι.
그 뒤에 그는 코카서스 산 근처로 나아가 진을 쳤는데, 이 산을 어떤 이들은 파로파니소스 산이라 부른다.
τὸ δʼ ὄρος τοῦτο κατὰ πλάτος διελθὼν ἐν ἡμέραις ἑκκαίδεκα πόλιν ἔκτισε κατὰ τὴν εἰσβολὴν τὴν φέρουσαν εἰς τὴν Ἰνδικήν, ἣν ὠνόμασεν Ἀλεξάνδρειαν.
그는 이 산을 폭으로 가로질러 16일 만에 통과하여, 인도로 통하는 길목의 입구에 도시를 세우고 그 이름을 알렉산드리아라고 불렀다.
κατὰ δὲ μέσον τὸν Καύκασον ἔστι πέτρα δέκα σταδίων ἔχουσα τὴν περίμετρον, τεττάρων δὲ σταδίων τὸ ὕψος, ἐν ᾗ καὶ τὸ Προμηθέως σπήλαιον ἐδείκνυθʼ ὑπὸ τῶν ἐγχωρίων καὶ ἡ τοῦ μυθολογηθέντος ἀετοῦ κοίτη καὶ τὰ τῶν δεσμῶν σημεῖα.
코카서스 산 한가운데에는 둘레가 10스타디온이고 높이가 4스타디온인 바위가 있는데, 그곳에는 현지인들에 의해 프로메테우스의 동굴과 신화 속에 나오는 독수리의 둥지, 그리고 사슬의 흔적이 제시되어 있었다.
§17.83.2ὁ δʼ Ἀλέξανδρος καὶ ἄλλας πόλεις ἔκτισεν, ἡμέρας ὁδὸν ἀπέχουσας τῆς Ἀλεξανδρείας.
알렉산드로스는 또한 알렉산드리아에서 하루 길 만큼 떨어진 거리에 다른 도시들도 세웠다.
κατῴκισε δʼ εἰς ταύτας τῶν μὲν βαρβάρων ἑπτακισχιλίους, τῶν δʼ ἐκτὸς τάξεως συνακολουθούντων τρισχιλίους καὶ τῶν μισθοφόρων τοὺς βουλομένους.
그리고 이 도시들에 이민족 7,000명과 대열 밖에서 따라오던 자 3,000명, 그리고 용병들 중 원하는 자들을 이주시켜 살게 했다.
§17.83.3αὐτὸς δὲ ἀναλαβὼν τὴν δύναμιν προῆγεν εἰς τὴν Βακτριανήν, ἀκούων τὸν Βῆσσον διάδημά τε ἀνειληφέναι καὶ δυνάμεις ἀθροίζειν.
그 자신은 군대를 이끌고 박트리아나로 진군했는데, 베소스가 왕관을 쓰고 군대를 모으고 있다는 소식을 들었기 때문이다.
καὶ τὰ μὲν περὶ Ἀλέξανδρον ἐν τούτοις ἦν.
알렉산드로스에 관한 상황은 이러했다.
§17.83.4οἱ δʼ εἰς τὴν Ἀρίαν ἀπεσταλμένοι στρατηγοὶ καταλαβόντες τοὺς ἀφεστηκότας δυνάμεις ἀξιολόγους ἠθροικότας καὶ στρατηγὸν ἔχοντας Σατιβαρζάνην, ἄνδρα στρατηγικὸν καὶ ἀνδρείᾳ διαφέροντα, κατεστρατοπέδευσαν πλησίον τῶν πολεμίων.
한편 아리아로 파견된 장군들은 반란군들이 상당한 규모의 군대를 모았고, 군사적 재능이 있고 용맹함에서 뛰어난 사티바르자네스를 장군으로 삼고 있는 것을 발견하고는, 적들 근처에 진을 쳤다.
γινομένων δὲ πολλάκις ἀκροβολισμῶν μέχρι μέν τινος μάχαι κατʼ ὀλίγους ἐγίνοντο, §17.83.5μετὰ δὲ ταῦτα παρατάξεως γενομένης καὶ τῶν βαρβάρων ἰσόμαχον ποιούντων τὸν κίνδυνον ὁ τῶν ἀποστατῶν στρατηγὸς Σατιβαρζάνης, ἀφελὼν ταῖς χερσὶ τὸ περὶ τὴν κεφαλὴν κράνος καὶ δείξας αὑτὸν ὃς ἦν, προεκαλέσατο τὸν βουλόμενον τῶν στρατηγῶν μονομαχῆσαι.
소규모 교전이 빈번하게 일어나 한동안은 소수의 인원들 사이에 전투가 벌어졌으나, 그 뒤에 전열을 갖춘 전투가 벌어지고 이민족들이 호각세의 위험을 만들어냈을 때, 반란군의 장군 사티바르자네스는 머리에 쓴 투구를 손으로 벗고 자신이 누구인지를 보여주며, 장군들 중 한판 승부를 벌이고자 하는 자에게 일대일 결투를 신청했다.
§17.83.6ὑπακούσαντος δὲ τοῦ Ἐριγυιοῦ καὶ γενομένης μάχης ἡρωικῆς συνέβη νικῆσαι τὸν Ἐριγυιόν.
이에 에리귀이오스가 응하여 영웅적인 전투가 벌어졌고, 에리귀이오스가 승리하게 되었다.
οἱ δὲ βάρβαροι διὰ τὸν τοῦ στρατηγοῦ θάνατον καταπλαγέντες καὶ λαβόντες τὴν ἀσφάλειαν παρέδωκαν ἑαυτοὺς τῷ βασιλεῖ.
이민족들은 자신들의 장군의 죽음에 경악하고 신변 안전의 보장을 받은 뒤 왕에게 항복했다.
§17.83.7Βῆσσος δʼ ἑαυτὸν ἀναδεδειχὼς βασιλέα τοῖς θεοῖς ἔθυσε καὶ τοὺς φίλους παραλαβὼν εἰς τὴν εὐωχίαν κατὰ τὸν πότον διηνέχθη πρός τινα τῶν ἑταίρων, ὄνομα Βαγωδάραν.
한편 베소스는 스스로 왕임을 선포하고 신들에게 제사를 올린 뒤 친구들을 잔치에 초대했으나, 술자리에서 동료 중 바고다라스라는 이름을 가진 자와 다툼을 벌였다.
τῆς δὲ φιλοτιμίας ἐπὶ πλέον προελθούσης ὁ μὲν Βῆσσος παροξυνθεὶς ἐπεβάλετο τὸν Βαγωδάραν ἀνελεῖν καὶ ὑπὸ τῶν φίλων πεισθεὶς μετενόησεν.
논쟁이 더욱 깊어지자 격분한 베소스는 바고다라스를 죽이려 시도했으나, 친구들의 설득에 마음을 돌렸다.
§17.83.8ὁ δὲ τὸν κίνδυνον ἐκφυγὼν νυκτὸς ἔφυγε πρὸς τὸν Ἀλέξανδρον.
위험을 모면한 바고다라스는 밤중에 알렉산드로스에게로 도망쳤다.
τῇ δὲ τούτου σωτηρίᾳ καὶ ταῖς δοθησομέναις ὑπʼ Ἀλεξάνδρου δωρεαῖς προκληθέντες οἱ μέγιστοι τῶν ἡγεμόνων συνεφρόνησαν καὶ συλλαβόντες τὸν Βῆσσον ἀπήγαγον πρὸς τὸν Ἀλέξανδρον.
그의 무사함과 알렉산드로스에 의해 주어질 포상에 매료되어, 가장 유력한 지도자들이 동맹하여 합의를 이룬 뒤 베소스를 체포하여 알렉산드로스에게 압송했다.
§17.83.9ὁ δὲ βασιλεὺς τούτους μὲν ἐτίμησεν ἀξιολόγοις δωρεαῖς, τὸν δὲ Βῆσσον παρέδωκε τῷ ἀδελφῷ τοῦ Δαρείου καὶ τοῖς ἄλλοις συγγενέσιν εἰς τιμωρίαν.
왕은 이들에게 상당한 포상으로 보답하는 한편, 베소스를 처벌을 위해 다레이오스의 형제와 다른 친척들에게 넘겨주었다.
οἱ δὲ πᾶσαν ὕβριν καὶ αἰκίαν προσενεγκάμενοι καὶ τὸ σῶμα κατὰ λεπτὸν συγκόψαντες τὰ μέλη διεσφενδόνησαν.
이들은 온갖 모욕과 고문을 가하고 그의 몸을 잘게 난도질한 뒤, 사지를 사방으로 내던졌다.