§17.7.1Δαρεῖος γὰρ παραλαβὼν τὴν βασιλείαν πρὸ μὲν τῆς Φιλίππου τελευτῆς ἐφιλοτιμεῖτο τὸν μέλλοντα πόλεμον εἰς τὴν Μακεδονίαν ἀποστρέψαι·
大流士继承王位之初，在腓力去世之前，曾极力企图将即将到来的战争转移到马其顿。
ἐκείνου δὲ τελευτήσαντος ἀπελύθη τῆς ἀγωνίας, καταφρονήσας τῆς Ἀλεξάνδρου νεότητος.
但在腓力去世后，他因轻视亚历山大的年轻，而从焦虑中解脱出来。
§17.7.2ἐπεὶ δʼ ἡ διὰ τῶν πράξεων ἐνέργεια καὶ ὀξύτης ἐποίησε μὲν τὴν τῶν Ἑλλήνων ἡγεμονίαν πᾶσαν ἀναλαβεῖν καὶ τὴν ἀρετὴν τοῦ νεανίσκου γενέσθαι περιβόητον, τότε δὴ νουθετηθεὶς τοῖς ἔργοις ὁ Δαρεῖος ἐπιμέλειαν μεγάλην ἐποιεῖτο τῶν δυνάμεων, τριήρεις τε πολλὰς κατασκευαζόμενος καὶ δυνάμεις ἀξιολόγους συνιστάμενος, ἡγεμόνας τε τοὺς ἀρίστους προκρίνων, ἐν οἷς ὑπῆρχε καὶ Μέμνων ὁ Ῥόδιος, διαφέρων ἀνδρείᾳ καὶ συνέσει στρατηγικῇ.
然而，当亚历山大通过实际行动展现出的精力与迅速，使他得以掌控整个希腊人的霸权，并让这位年轻人的卓越才能名扬天下时，大流士这才受到事实的警醒，开始高度重视自己的军队，建造了大量三段铎船，组织起相当规模的军势，并选拔最优秀的将领，其中就包括在勇气和将帅谋略上出类拔萃的罗德岛人门农。
§17.7.3τούτῳ δὲ δοὺς ὁ βασιλεὺς μισθοφόρους πεντακισχιλίους προσέταξε παρελθεῖν ἐπὶ πόλιν Κύζικον καὶ πειρᾶσθαι ταύτην χειρώσασθαι.
国王给门农派了五千名雇佣兵，命令他进军奇齐库斯城并设法将其攻占。
οὗτος μὲν οὖν μετὰ τοσούτων στρατιωτῶν προῆγε διὰ τῆς Ἴδης.
于是，门农率领着这些士兵穿过伊达山前进。
§17.7.4τὸ δʼ ὄρος τοῦτο μυθολογοῦσί τινες τυχεῖν ταύτης τῆς προσηγορίας ἀπὸ τῆς Μελισσέως Ἴδης.
有人在神话中传说，这座山是得名于梅利瑟斯的女儿伊达。
μέγιστον δʼ ὑπάρχον τῶν κατὰ τὸν Ἑλλήσποντον ἔχει κατὰ τὸ μέσον ἄντρον θεοπρεπές, ἐν ᾧ φασι κριθῆναι τὰς θεὰς ὑπʼ Ἀλεξάνδρου.
它是赫勒斯滂地区最大的一座山，其中部有一个适合神明的洞穴，据说女神们曾在此处接受亚历山大的裁判。
§17.7.5γενέσθαι δʼ ἐν τούτῳ λέγεται καὶ τοὺς Ἰδαίους Δακτύλους, οὓς σίδηρον ἐργάσασθαι πρώτους, μαθόντας τὴν ἐργασίαν παρὰ τῆς τῶν θεῶν μητρός.
据说伊达山的达克特里们也诞生于此，他们是最初加工铁的人，是从众神之母那里学到这一手艺的。
ἴδιον δέ τι καὶ παράδοξον συμβαίνει γίνεσθαι περὶ τοῦτο τὸ ὄρος.
此外，在这座山周围还发生着一件独特而奇妙的事。
§17.7.6κατὰ γὰρ τὴν τοῦ κυνὸς ἐπιτολὴν ἐπʼ ἄκρας τῆς κορυφῆς διὰ τὴν νηνεμίαν τοῦ περιέχοντος ἀέρος ὑπερπετῆ γίνεσθαι τὴν ἄκραν τῆς τῶν ἀνέμων πνοῆς, ὁρᾶσθαι δὲ τὸν ἥλιον ἔτι νυκτὸς οὔσης ἀνατέλλοντα, τὰς ἀκτῖνας οὐκ ἐν κυκλοτερεῖ σχήματι γεγραμμένον, ἀλλὰ τὴν φλόγα κατὰ πολλοὺς τόπους ἔχοντα διεσπαρμένην, ὥστε δοκεῖν πυρὰ πλείω θιγγάνειν τοῦ τῆς γῆς ὁρίζοντος.
因为在天狼星升起的时候，在山顶的最上端，由于周围空气的无风状态，风息的边缘会在山顶更高处吹过，而且在夜色尚未退去时就能看到太阳升起，其光芒并非呈圆形分布，而是将火焰分散在许多地方，以至于看起来像是有许多篝火接触到了大地的地平线。
§17.7.7μετʼ ὀλίγον δὲ συνάγεται ταῦτα πρὸς ἓν μέγεθος, ἕως ἂν γένηται τρίπλεθρον διάστημα· καὶ τότʼ ἤδη τῆς ἡμέρας ἐπιλαβούσης τὸ φαινόμενον τοῦ ἡλίου μέγεθος πληρωθὲν τὴν τῆς ἡμέρας διάθεσιν κατασκευάζει.
不久之后，这些火焰聚合成一个整体，直到达到三普勒特隆的宽度；此时，随着白昼已经开始，显现出的太阳大小变得完整，从而呈现出白昼的常规状态。
§17.7.8ὁ δʼ οὖν Μέμνων διελθὼν τὴν ὀρεινὴν ἄφνω τῇ πόλει τῶν Κυζικηνῶν προσέπεσεν καὶ παρʼ ὀλίγον αὐτῆς ἐκυρίευσεν·
且说门农穿过山区，突然袭击了奇齐库斯人的城市，几乎将其占领。
ἀποπεσὼν δὲ τῆς ἐπιβολῆς τὴν χώραν αὐτῶν ἐπόρθησε καὶ πολλῶν λαφύρων ἐκυρίευσεν.
但在企图失败后，他蹂躏了他们的土地，夺取了许多战利品。
§17.7.9ἅμα δὲ τούτοις πραττομένοις Παρμενίων Γρύνιον μὲν πόλιν ἑλὼν κατὰ κράτος ἐξηνδραποδίσατο, Πιτάνην δὲ πολιορκοῦντος αὐτοῦ Μέμνων ἐπιφανεὶς καὶ καταπληξάμενος τοὺς Μακεδόνας ἔλυσε τὴν πολιορκίαν.
在这些事情发生的同时，帕曼纽强攻夺取了格里尼乌姆城，并将居民卖为奴隶。 但在他围攻皮塔内时，门农突然出现，使马其顿人陷入恐慌，从而解了围。
§17.7.10μετὰ δὲ ταῦτα Κάλλας μὲν ἔχων Μακεδόνας καὶ μισθοφόρους στρατιώτας ἐν τῇ Τρῳάδι συνῆψε μάχην πρὸς τοὺς Πέρσας, ὄντας πολλαπλασίους, καὶ λειφθεὶς ἀπεχώρησεν εἰς τὸ Ῥοίτειον.
此后，卡拉斯率领马其顿兵和雇佣兵在特罗阿德与数量多其数倍的波斯军交战，战败后撤退到罗伊特伊翁。
καὶ τὰ μὲν κατὰ τὴν Ἀσίαν ἐν τούτοις ἦν.
亚洲的局势当时便是如此。