§16.70.1ἐπʼ ἄρχοντος δʼ Ἀθήνησι Πυθοδότου Ῥωμαῖοι κατέστησαν ὑπάτους Γάιον Πλαύτιον καὶ Τίτον Μάλλιον.
在雅典执政官皮托多托斯任内，罗马人选举盖乌斯·普劳提乌斯和提图斯·马尼乌斯为执政官。
ἐπὶ δὲ τούτων Τιμολέων καταπληξάμενος Διονύσιον τὸν τύραννον ἔπεισεν αὐτὸν παραδοῦναι τὴν ἀκρόπολιν καὶ τὴν ἀρχὴν ἀποθέμενον ἀπελθεῖν εἰς Πελοπόννησον ὑπόσπονδον, ἔχοντα τὰ ἴδια χρήματα.
在他们任期内，提摩莱翁震慑了僭主狄奥尼修斯，说服他交出卫城，放弃统治，并在达成协议的情况下，携带个人财产退往伯罗奔尼撒。
§16.70.2οὗτος μὲν οὖν διʼ ἀνανδρίαν καὶ ταπεινότητα ψυχῆς τήν τε περιβόητον τυραννίδα καὶ δεδεμένην, ὡς ἔφασαν, ἀδάμαντι τὸν εἰρημένον τρόπον ἀπέλιπε καὶ κατεβίωσεν ἀπορούμενος ἐν Κορίνθῳ, τὸν δʼ ἴδιον βίον καὶ τὴν μεταβολὴν ἔσχε παράδειγμα τοῖς καυχωμένοις ἀφρόνως ἐπὶ ταῖς εὐτυχίαις·
因此，这个由于懦弱和精神卑微的人，以上述方式放弃了那曾被称为“用金刚石缚住”的显赫僭主之位，并在科林斯贫困地度过了余生；他的个人生活和转变，成了那些因一时幸运而愚蠢自夸之人的戒镜。
§16.70.3ὁ γὰρ ἔχων τετρακοσίας τριήρεις μετʼ ὀλίγον ἐν μικρῷ στρογγύλῳ πλοίῳ κατέπλευσεν εἰς τὴν Κόρινθον, περίβλεπτον ἔχων τὴν τῆς μεταβολῆς ὑπερβολήν.
因为一个曾拥有四百艘三列桨战船的人，不久后竟乘着一艘狭小的商船驶入科林斯，其转折之剧烈令人侧目。
§16.70.4Τιμολέων δὲ παραλαβὼν τὴν Νῆσον καὶ φρούρια τὰ τῷ Διονυσίῳ πρότερον ὑπακούοντα τὰς μὲν κατὰ τὴν Νῆσον ἀκροπόλεις καὶ τὰ τυραννεῖα κατέσκαψε, τοῖς δὲ φρουρίοις ἀπέδωκε τὴν ἐλευθερίαν.
提摩莱翁接管了“岛屿”和先前效忠于狄奥尼修斯的各处城堡，他拆毁了岛上的卫城和僭主的宫殿，并恢复了各城堡的自由。
§16.70.5εὐθὺς δὲ καὶ νομογραφεῖν ἤρξατο, τιθεὶς δημοκρατικοὺς νόμους καὶ τὰ περὶ τῶν ἰδιωτικῶν συμβολαίων δίκαια καὶ τἄλλα πάντα ἀκριβῶς διέταξε, πλείστην φροντίδα τῆς ἰσότητος ποιούμενος.
他随即也开始着手制定法律，确立了民主法律，并对有关私人契约的法权以及所有其他事务作出了精确的规划，对平等给予了最大的关注。
§16.70.6κατέστησε δὲ καὶ τὴν κατʼ ἐνιαυτὸν ἐντιμοτάτην ἀρχήν, ἣν ἀμφιπολίαν Διὸς Ὀλυμπίου καλοῦσιν Συρακόσιοι·
他还设立了年度最受尊崇的官职，叙拉古人称之为“奥林匹亚宙斯的侍神官职”。
καὶ ᾑρέθη πρῶτος ἀμφίπολος Διὸς Ὀλυμπίου Καλλιμένης Ἀλκάδα καὶ τὸ λοιπὸν διετέλεσαν οἱ Συρακόσιοι τοὺς ἐνιαυτοὺς ἐπιγράφοντες τούτοις τοῖς ἄρχουσι μέχρι τῶνδε τῶν ἱστοριῶν γραφομένων καὶ τῆς κατὰ τὴν πολιτείαν ἀλλαγῆς· τῶν γὰρ Ῥωμαίων μεταδόντων τοῖς Σικελιώταις τῆς πολιτείας ἡ τῶν ἀμφιπόλων ἀρχὴ ἐταπεινώθη, διαμείνασα ἔτη πλείω τῶν τριακοσίων.
阿尔卡达斯之子卡利梅内斯被选为第一任奥林匹亚宙斯侍神官，此后叙拉古人一直以这些执政者的名字来纪年，直到本历史撰写之时以及政体发生变革为止；因为在罗马人赋予西西里人公民权后，侍神官的官职便衰落了，但它仍延续了三百年以上。
καὶ τὰ μὲν κατὰ τὴν Σικελίαν ἐν τούτοις ἦν.
西西里的局势便是如此。