§16.58.1κατὰ δὲ τὴν Βοιωτίαν οἱ μὲν Φωκεῖς τρεῖς πόλεις ἔχοντες ὠχυρωμένας, Ὀρχομενὸν καὶ Κορώνειαν καὶ Κορσίας, ἐκ τούτων ἐποιοῦντο τὴν ἐπὶ τοὺς Βοιωτοὺς στρατείαν.
在波奥蒂亚，福基斯人占领了三座防御稳固的城市，即奥尔霍迈诺斯、科罗尼亚和科尔西亚，并以这些城市为基地，展开对波奥蒂亚人的军事行动。
εὐπορούμενοι δὲ μισθοφόρων τήν τε χώραν ἐδῄουν καὶ κατὰ τὰς ἐπιθέσεις καὶ συμπλοκὰς περιεγίνοντο τῶν ἐγχωρίων.
他们因拥有充足的雇佣军而蹂躏该地领土，并在袭击和交战中压倒当地居民。
§16.58.2διόπερ οἱ Βοιωτοὶ θλιβόμενοι μὲν τῷ πολέμῳ καὶ πολλοὺς τῶν στρατιωτῶν ἀπολωλεκότες, χρημάτων δὲ ἀπορούμενοι πρέσβεις ἐξέπεμψαν πρὸς τὸν Φίλιππον ἀξιοῦντες βοηθῆσαι.
因此，波奥蒂亚人因战争而备受折磨，不仅失去了许多士兵，而且缺乏资金，于是向菲力派遣使节，请求他予以援助。
§16.58.3ὁ δὲ βασιλεὺς ἡδέως ὁρῶν τὴν ταπείνωσιν αὐτῶν καὶ βουλόμενος τὰ Λευκτρικὰ φρονήματα συστεῖλαι τῶν Βοιωτῶν ὀλίγους ἀπέστειλε στρατιώτας, αὐτὸ μόνον φυλαττόμενος τὸ μὴ δοκεῖν περιορᾶν τὸ μαντεῖον σεσυλημένον.
而这位国王乐于看到他们的衰落，并希望削弱波奥蒂亚人自留克特拉战役以来产生的傲慢气焰，因此他仅派出了少数士兵，只是小心提防，不让自己显得对神谕所被掠夺一事坐视不管。
§16.58.4τῶν δὲ Φωκέων οἰκοδομούντων φρούριον περὶ τὰς ὀνομαζομένας Ἄβας, καθʼ ἅς ἐστιν Ἀπόλλωνος ἅγιον ἱερόν, ἐστράτευσαν ἐπʼ αὐτοὺς οἱ Βοιωτοί.
当福基斯人在被称为阿拜的周围建造堡垒时（该地有一座阿波罗的神圣神庙），波奥蒂亚人对他们发动了进攻。
εὐθὺ δʼ αὐτῶν οἱ μὲν εἰς τὰς ἔγγιστα πόλεις φυγόντες διεσπάρησαν, οἱ δʼ εἰς τὸν νεὼ τοῦ Ἀπόλλωνος καταφυγόντες εἰς πεντακοσίους ἀπώλοντο.
他们中的一部分人立刻逃往最近的城市，四处散开，而逃入阿波罗神庙避难的另一部分人，约有五百人丧生。
§16.58.5πολλὰ μὲν οὖν καὶ ἄλλα θεῖα περὶ τοὺς Φωκεῖς συνέβη γενέσθαι περὶ τούτους τοὺς χρόνους, μάλιστα δὲ τὸ μέλλον λέγεσθαι.
在这一时期，福基斯人身上还发生了许多其他带有神意色彩的事件，但最为显著的莫过于下文所要叙述的一幕。
οἱ γὰρ εἰς τὸν νεὼ καταφυγόντες ὑπέλαβον διὰ τῆς τῶν θεῶν ἐπικουρίας σωθήσεσθαι, τοὐναντίον δὲ θείᾳ τινὶ προνοίᾳ τῆς προσηκούσης τοῖς ἱεροσύλοις τιμωρίας ἔτυχον·
因为那些逃入神庙避难的人本以为会通过神明的帮助而得救，相反，由于某种神圣的旨意，他们遭遇了降临于神庙掠夺者身上的应有惩罚。
§16.58.6πολλῆς γὰρ οὔσης στιβάδος περὶ τὸν νεὼ καὶ πυρὸς ἐν ταῖς σκηναῖς τῶν πεφευγότων ἀπολελειμμένου συνέβη τῆς στιβάδος ἐκκαυθείσης τοσαύτην ἐξαφθῆναι φλόγα παραδόξως ὥστε τὸν ναὸν καὶ τοὺς καταπεφευγότας εἰς αὐτὸν Φωκεῖς ζῶντας καταφλεχθῆναι.
因为神殿周围堆放着许多草料，而逃亡者的帐篷里又残留着火种，结果草料被引燃，出人意料地燃起了冲天大火，以至于神殿和逃入其中的福基斯人全都被活活烧死。
τοῖς γὰρ ἱεροσύλοις ἔδοξε τὸ θεῖον μὴ διδόναι τὴν ἐκ τῆς ἱκεσίας συγχωρουμένην ἀσφάλειαν.
因为神明似乎决定，不向神庙掠夺者提供因寻求庇护而获得的通常安全。