§16.58.1κατὰ δὲ τὴν Βοιωτίαν οἱ μὲν Φωκεῖς τρεῖς πόλεις ἔχοντες ὠχυρωμένας, Ὀρχομενὸν καὶ Κορώνειαν καὶ Κορσίας, ἐκ τούτων ἐποιοῦντο τὴν ἐπὶ τοὺς Βοιωτοὺς στρατείαν.
ボイオティアにおいては、フォキス人がオルコメノス、コロネイア、コルシアイという三つの要塞化された都市を領有しており、これらを拠点としてボイオティア人に対する遠征を行っていた。
εὐπορούμενοι δὲ μισθοφόρων τήν τε χώραν ἐδῄουν καὶ κατὰ τὰς ἐπιθέσεις καὶ συμπλοκὰς περιεγίνοντο τῶν ἐγχωρίων.
彼らは傭兵を十分に抱えていたため、その土地を荒らし回り、急襲や交戦において現地の住民を圧倒していた。
§16.58.2διόπερ οἱ Βοιωτοὶ θλιβόμενοι μὲν τῷ πολέμῳ καὶ πολλοὺς τῶν στρατιωτῶν ἀπολωλεκότες, χρημάτων δὲ ἀπορούμενοι πρέσβεις ἐξέπεμψαν πρὸς τὸν Φίλιππον ἀξιοῦντες βοηθῆσαι.
このため、ボイオティア人は戦争によって苦しめられ、多くの兵士を失い、また資金にも事欠いていたので、フィリッポスのもとへ使節を派遣し、援助を求めた。
§16.58.3ὁ δὲ βασιλεὺς ἡδέως ὁρῶν τὴν ταπείνωσιν αὐτῶν καὶ βουλόμενος τὰ Λευκτρικὰ φρονήματα συστεῖλαι τῶν Βοιωτῶν ὀλίγους ἀπέστειλε στρατιώτας, αὐτὸ μόνον φυλαττόμενος τὸ μὴ δοκεῖν περιορᾶν τὸ μαντεῖον σεσυλημένον.
しかし王は、彼らの没落を喜ばしく思い、ボイオティア人のレウクトラにおける思い上がったプライドをへし折りたいと望んでいたため、略奪された神託所を見過ごしていると思われないようにすることだけを警戒しつつ、わずかな兵士を派遣するにとどめた。
§16.58.4τῶν δὲ Φωκέων οἰκοδομούντων φρούριον περὶ τὰς ὀνομαζομένας Ἄβας, καθʼ ἅς ἐστιν Ἀπόλλωνος ἅγιον ἱερόν, ἐστράτευσαν ἐπʼ αὐτοὺς οἱ Βοιωτοί.
フォキス人がアバイと呼ばれる場所の周辺に砦を築いていたところ、そこにはアポロンの聖なる神殿があったが、ボイオティア人は彼らに対して遠征を行った。
εὐθὺ δʼ αὐτῶν οἱ μὲν εἰς τὰς ἔγγιστα πόλεις φυγόντες διεσπάρησαν, οἱ δʼ εἰς τὸν νεὼ τοῦ Ἀπόλλωνος καταφυγόντες εἰς πεντακοσίους ἀπώλοντο.
直ちに彼らのうちのある者は最も近い諸都市へ逃れて四散し、他方でアポロンの神殿に逃げ込んだ者たちは、約五百人が滅びることとなった。
§16.58.5πολλὰ μὲν οὖν καὶ ἄλλα θεῖα περὶ τοὺς Φωκεῖς συνέβη γενέσθαι περὶ τούτους τοὺς χρόνους, μάλιστα δὲ τὸ μέλλον λέγεσθαι.
この時期、フォキス人の身には他にも多くの神罰とも言える出来事が起こったが、何よりも顕著であったのは、これから語られることである。
οἱ γὰρ εἰς τὸν νεὼ καταφυγόντες ὑπέλαβον διὰ τῆς τῶν θεῶν ἐπικουρίας σωθήσεσθαι, τοὐναντίον δὲ θείᾳ τινὶ προνοίᾳ τῆς προσηκούσης τοῖς ἱεροσύλοις τιμωρίας ἔτυχον·
というのも、神殿に逃げ込んだ者たちは神々の助けによって救われるだろうと考えていたが、反対に、ある神的な摂理によって、神殿略奪者にふさわしい報いを受けることになったからである。
§16.58.6πολλῆς γὰρ οὔσης στιβάδος περὶ τὸν νεὼ καὶ πυρὸς ἐν ταῖς σκηναῖς τῶν πεφευγότων ἀπολελειμμένου συνέβη τῆς στιβάδος ἐκκαυθείσης τοσαύτην ἐξαφθῆναι φλόγα παραδόξως ὥστε τὸν ναὸν καὶ τοὺς καταπεφευγότας εἰς αὐτὸν Φωκεῖς ζῶντας καταφλεχθῆναι.
というのも、神殿の周囲には多くの藁が積み重なっており、避難した者たちの天幕に火が残されていたため、その藁に引火して、不思議なことに、神殿とそこに逃げ込んでいたフォキス人たちが生きたまま焼き尽くされるほどの凄まじい炎が燃え広がったからである。
τοῖς γὰρ ἱεροσύλοις ἔδοξε τὸ θεῖον μὴ διδόναι τὴν ἐκ τῆς ἱκεσίας συγχωρουμένην ἀσφάλειαν.
神的な力は、神殿略奪者たちに対しては、嘆願によって許容される安全を与えないと決めたようであった。