§16.58.1κατὰ δὲ τὴν Βοιωτίαν οἱ μὲν Φωκεῖς τρεῖς πόλεις ἔχοντες ὠχυρωμένας, Ὀρχομενὸν καὶ Κορώνειαν καὶ Κορσίας, ἐκ τούτων ἐποιοῦντο τὴν ἐπὶ τοὺς Βοιωτοὺς στρατείαν.
보이오티아에서는 포키스인들이 오르코메노스, 코로네이아, 코르시아이라는 요새화된 세 도시를 보유하고 있었으며, 이곳들을 거점으로 보이오티아인들에 대한 원정을 벌였다.
εὐπορούμενοι δὲ μισθοφόρων τήν τε χώραν ἐδῄουν καὶ κατὰ τὰς ἐπιθέσεις καὶ συμπλοκὰς περιεγίνοντο τῶν ἐγχωρίων.
그들은 용병을 풍부하게 거느리고 있었기에 영토를 약탈하고 습격과 교전에서 현지 주민들을 압도했다.
§16.58.2διόπερ οἱ Βοιωτοὶ θλιβόμενοι μὲν τῷ πολέμῳ καὶ πολλοὺς τῶν στρατιωτῶν ἀπολωλεκότες, χρημάτων δὲ ἀπορούμενοι πρέσβεις ἐξέπεμψαν πρὸς τὸν Φίλιππον ἀξιοῦντες βοηθῆσαι.
이 때문에 보이오티아인들은 전쟁으로 고통받고 많은 군사들을 잃었으며 자금마저 부족했으므로, 필리포스에게 사절을 파견하여 원조를 요청했다.
§16.58.3ὁ δὲ βασιλεὺς ἡδέως ὁρῶν τὴν ταπείνωσιν αὐτῶν καὶ βουλόμενος τὰ Λευκτρικὰ φρονήματα συστεῖλαι τῶν Βοιωτῶν ὀλίγους ἀπέστειλε στρατιώτας, αὐτὸ μόνον φυλαττόμενος τὸ μὴ δοκεῖν περιορᾶν τὸ μαντεῖον σεσυλημένον.
하지만 왕은 그들의 몰락을 기쁘게 바라보고 레우크트라 전투 이래 생긴 보이오티아인들의 오만한 기세를 꺾고 싶었기에, 약탈당한 신탁소를 방치하는 것처럼 보이지 않도록 조심하면서 오직 소수의 군사만을 파견했다.
§16.58.4τῶν δὲ Φωκέων οἰκοδομούντων φρούριον περὶ τὰς ὀνομαζομένας Ἄβας, καθʼ ἅς ἐστιν Ἀπόλλωνος ἅγιον ἱερόν, ἐστράτευσαν ἐπʼ αὐτοὺς οἱ Βοιωτοί.
포키스인들이 아바이로 불리는 곳 근처에 요새를 건설하고 있을 때 (그곳에는 아폴론의 성스러운 신전이 있었는데), 보이오티아인들이 그들을 향해 진군했다.
εὐθὺ δʼ αὐτῶν οἱ μὲν εἰς τὰς ἔγγιστα πόλεις φυγόντες διεσπάρησαν, οἱ δʼ εἰς τὸν νεὼ τοῦ Ἀπόλλωνος καταφυγόντες εἰς πεντακοσίους ἀπώλοντο.
즉시 그들 중 일부는 가장 가까운 도시들로 도망쳐 흩어졌고, 아폴론 신전으로 피신한 다른 이들은 약 500명에 달하는 이들이 목숨을 잃었다.
§16.58.5πολλὰ μὲν οὖν καὶ ἄλλα θεῖα περὶ τοὺς Φωκεῖς συνέβη γενέσθαι περὶ τούτους τοὺς χρόνους, μάλιστα δὲ τὸ μέλλον λέγεσθαι.
이 시기에 포키스인들에게는 그 밖에도 신적인 성격의 많은 일들이 일어났으나, 가장 두드러진 것은 이제 이야기하려는 사건이다.
οἱ γὰρ εἰς τὸν νεὼ καταφυγόντες ὑπέλαβον διὰ τῆς τῶν θεῶν ἐπικουρίας σωθήσεσθαι, τοὐναντίον δὲ θείᾳ τινὶ προνοίᾳ τῆς προσηκούσης τοῖς ἱεροσύλοις τιμωρίας ἔτυχον·
신전으로 피신한 자들은 신들의 도움을 통해 자신들이 구원받을 것이라 생각했으나, 반대로 어떤 신적 섭리에 의해 신전 약탈자들에게 마땅한 벌을 받게 되었기 때문이다.
§16.58.6πολλῆς γὰρ οὔσης στιβάδος περὶ τὸν νεὼ καὶ πυρὸς ἐν ταῖς σκηναῖς τῶν πεφευγότων ἀπολελειμμένου συνέβη τῆς στιβάδος ἐκκαυθείσης τοσαύτην ἐξαφθῆναι φλόγα παραδόξως ὥστε τὸν ναὸν καὶ τοὺς καταπεφευγότας εἰς αὐτὸν Φωκεῖς ζῶντας καταφλεχθῆναι.
신전 주변에는 많은 짚이 쌓여 있었고 피신한 자들의 천막에 불씨가 남겨져 있었기에, 그 짚에 불이 붙어 기이하게도 신전과 그 안으로 피신했던 포키스인들이 산 채로 타 버릴 정도로 엄청난 불길이 치솟았기 때문이다.
τοῖς γὰρ ἱεροσύλοις ἔδοξε τὸ θεῖον μὴ διδόναι τὴν ἐκ τῆς ἱκεσίας συγχωρουμένην ἀσφάλειαν.
신적인 힘은 신전 약탈자들에게는 탄원을 통해 허용되는 안전을 제공하지 않기로 한 듯했다.