§16.53.1τοῦ δʼ ἔτους τούτου διελθόντος Ἀθήνησι μὲν ἦρχε Θεόφιλος, ἐν Ῥώμῃ δὲ κατεστάθησαν ὕπατοι Γάιος Σουλπίκιος καὶ Γάιος Κοΐντιος, Ὀλυμπιὰς δʼ ἤχθη ὀγδόη πρὸς ταῖς ἑκατόν, καθʼ ἣν ἐνίκα στάδιον Πολυκλῆς Κυρηναῖος.
这一年过去后，塞奥菲洛斯在雅典担任执政官，盖乌斯·苏尔皮基乌斯和盖乌斯·昆蒂乌斯在罗马被任命为执政官，并举行了第一百零八届奥林匹克运动会，库勒涅的波留克勒斯在会上获得了短跑比赛的冠军。
§16.53.2ἐπὶ δὲ τούτων Φίλιππος μὲν σπεύδων τὰς ἐφʼ Ἑλλησπόντῳ πόλεις χειρώσασθαι Μηκύβερναν μὲν καὶ Τορώνην χωρὶς κινδύνων διὰ προδοσίας παρέλαβεν, ἐπὶ δὲ τὴν μεγίστην τῶν περὶ τοὺς τόπους τούτους πόλεων Ὄλυνθον στρατεύσας μετὰ πολλῆς δυνάμεως τὸ μὲν πρῶτον νικήσας τοὺς Ὀλυνθίους δυσὶ μάχαις συνέκλεισεν εἰς πολιορκίαν, προσβολὰς δὲ συνεχεῖς ποιούμενος πολλοὺς τῶν στρατιωτῶν ἀπέβαλεν ἐν ταῖς τειχομαχίαις· τὸ δὲ τελευταῖον φθείρας χρήμασι τοὺς προεστηκότας τῶν Ὀλυνθίων, Εὐθυκράτην τε καὶ Λασθένην, διὰ τούτων προδοθεῖσαν τὴν Ὄλυνθον εἷλεν.
在他们任内，腓力急于将赫勒斯滂沿岸的城市置于自己的控制之下，通过背叛，毫无危险地接管了梅居贝尔纳和托罗内；随后，他率领大军攻打这些地区最大的城市奥林索斯，起初在两次战斗中击败了奥林索斯人，将其围困在城内，但由于连续不断地发起进攻，他在攻墙战中损失了许多士兵；然而最后，他用金钱贿赂了奥林索斯人的首领尤西克拉底和拉斯塞内斯，通过他们出卖，攻陷了奥林索斯。
§16.53.3διαρπάσας δʼ αὐτὴν καὶ τοὺς ἐνοικοῦντας ἐξανδραποδισάμενος ἐλαφυροπώλησε.
他洗劫了该城，将居民贬为奴隶，并作为战利品予以出售。
τοῦτο δὲ πράξας χρημάτων τε πολλῶν εἰς τὸν πόλεμον εὐπόρησε καὶ τὰς ἄλλας πόλεις τὰς ἐναντιουμένας κατεπλήξατο.
这一举动使他获得了充足的战争资金，并震慑了其他敌对的城市。
τοὺς δὲ ἀνδραγαθήσαντας τῶν στρατιωτῶν κατὰ τὴν μάχην ἀξίαις δωρεαῖς τιμήσας καὶ χρημάτων πλῆθος διαδοὺς τοῖς ἐν ταῖς πόλεσιν ἰσχύουσι πολλοὺς ἔσχε προδότας τῶν πατρίδων.
他用相称的奖品赏赐了在战斗中表现勇敢的士兵，并将大量金钱分发给在各城市中拥有权势的人，从而得到了许多背叛祖国的人。
καὶ αὐτὸς δὲ ἀπεφαίνετο διὰ χρυσίου πολὺ μᾶλλον ἢ διὰ τῶν ὅπλων ηὐξηκέναι τὴν ἰδίαν βασιλείαν.
他自己也常声称，他扩大自己的王国，靠黄金远多于靠武器。