§15.66.1Ἐπαμεινώνδας δὲ φύσει μεγαλεπίβολος ὢν καὶ δόξης ὀρεγόμενος αἰωνίου, συνεβούλευε τοῖς τε Ἀρκάσι καὶ τοῖς ἄλλοις συμμάχοις οἰκίσαι τὴν Μεσσήνην, πολλὰ μὲν ἔτη γεγενημένην ἀνάστατον ὑπὸ Λακεδαιμονίων, τόπον δʼ εὔθετον ἔχουσαν κατὰ τῆς Σπάρτης.
伊帕米农达天性志向远大，渴求永恒的名声，建议阿卡迪亚人和其他盟友重建美塞尼亚。 该地许多年来一直被拉刻代蒙人摧毁，却占有着针对斯巴达的有利位置。
συγκατατιθεμένων δὲ πάντων ἀνεζήτησε τοὺς ἀπολελειμμένους τῶν Μεσσηνίων, καὶ τῶν ἄλλων τοὺς βουλομένους καταλέξας εἰς τὴν πολιτείαν ἀνέκτισε τὴν Μεσσήνην, πολλοὺς ποιήσας αὐτῆς οἰκήτορας.
在众人一致同意下，他寻访了残留的美塞尼亚人，并将其他希望加入公民团体的人登记在册，重建了美塞尼亚，使其有了众多的居民。
τούτοις δὲ κατακληρουχήσας τὴν χώραν καὶ ἀνοικοδομήσας ἀνέσωσε πόλιν ἐπίσημον Ἑλληνίδα, καὶ μεγάλης ἀποδοχῆς ἔτυχε παρὰ πᾶσιν ἀνθρώποις.
他为这些人分配了土地并重建了房屋，恢复了这座著名的希腊城市，赢得了所有人极大的赞赏。
§15.66.2οὐκ ἀνοίκειον δʼ εἶναι νομίζω, πολλάκις τῆς Μεσσήνης ἁλούσης καὶ κατασκαφείσης, τὰ περὶ αὐτὴν ἀπʼ ἀρχῆς ὡς ἐν κεφαλαίοις παραδραμεῖν.
我认为，既然美塞尼亚曾多次被攻占和夷为平地，那么从头开始扼要概述其历史并非不合时宜。
τὸ μὲν οὖν παλαιὸν οἱ ἀπὸ Νηλέως καὶ Νέστορος κατέσχον αὐτὴν μέχρι τῶν Τρωικῶν χρόνων, μετὰ δὲ ταῦθʼ ὁ Ἀγαμέμνονος Ὀρέστης καὶ οἱ ἀπὸ τούτου μέχρι τῆς καθόδου τῶν Ἡρακλειδῶν, ἀπὸ δὲ ταύτης Κρεσφόντης ἔλαχε τὴν Μεσσηνίαν μερίδα, καὶ οἱ ἀπὸ τούτου μέχρι τινὸς ἐβασίλευσαν αὐτῆς· ὕστερον δὲ τῶν ἀπὸ Κρεσφόντου τὴν βασιλείαν ἀποβαλόντων Λακεδαιμόνιοι κύριοι κατέστησαν αὐτῆς.
远古时期，尼琉斯和涅斯托尔的后代占领该地，一直到特洛伊战争时期；此后，阿伽门农之子奥雷斯特斯及其后代统治该地，直到赫拉克勒斯后裔的回归；自此之后，克雷斯丰特斯抽签分得美塞尼亚，他的后代在一段时期内统治该地；后来，由于克雷斯丰特斯的后代失去了王权，拉刻代蒙人成为了该地的主人。
§15.66.3μετὰ δὲ ταῦτα Τηλέκλου τοῦ βασιλέως τῶν Λακεδαιμονίων ἀποθανόντος ἐν ἀγῶνι κατεπολεμήθησαν ὑπὸ Λακεδαιμονίων οἱ Μεσσήνιοι.
此后，在拉刻代蒙国王帖勒克洛斯死于冲突之后，美塞尼亚人被拉刻代蒙人彻底征服。
τοῦτον δὲ τὸν πόλεμον εἰκοσαετῆ φασι γενέσθαι, κατομοσαμένων τῶν Λακεδαιμονίων μὴ ἀνακάμψειν εἰς τὴν Σπάρτην, ἐὰν μὴ Μεσσήνην ἕλωσιν.
据说这场战争持续了二十年，因为拉刻代蒙人曾宣誓，若不攻克美塞尼亚，决不返回斯巴达。
τότε δὲ συνέβη τοὺς παρθενίας ὀνομασθέντας γεννηθῆναι καὶ κτίσαι τὴν τῶν Ταραντίνων πόλιν.
就在那时，被称为“帕提尼亚”的一代人出生，并创建了塔兰托人的城市。
ὕστερον δὲ δουλευόντων Μεσσηνίων τοῖς Λακεδαιμονίοις, Ἀριστομένης ἔπεισε τοὺς Μεσσηνίους ἀποστῆναι τῶν Σπαρτιατῶν, καὶ πολλὰ κακὰ διειργάσατο τοὺς Σπαρτιάτας, ὅτε καὶ Τυρταῖος ὁ ποιητὴς ὑπὸ Ἀθηναίων ἡγεμὼν ἐδόθη τοῖς Σπαρτιάταις.
后来，在美塞尼亚人臣服于拉刻代蒙人期间，阿里斯托美涅斯说服美塞尼亚人背叛斯巴达人，并给斯巴达人造成了许多灾难，当时雅典人将诗人泰尔泰乌斯作为领袖送给了斯巴达人。
§15.66.4ἔνιοι δὲ τὸν Ἀριστομένη γεγονέναι φασὶ κατὰ τὸν εἰκοσαετῆ πόλεμον.
但也有一些人说，阿里斯托美涅斯活跃于那场二十年战争期间。
ὁ δʼ ὕστατος ἐγένετο πόλεμος αὐτοῖς σεισμοῦ μεγάλου γενομένου· καὶ τῆς μὲν Σπάρτης ὅλης σχεδὸν συγχυθείσης, ἀνδρῶν δʼ ἐρήμου γενομένης, οἱ Μεσσηνίων περιλειφθέντες ᾤκισαν τὴν Ἰθώμην μετὰ τῶν συναποστάντων Εἱλώτων, ἀναστάτου γεγενημένης τῆς Μεσσήνης πολλοὺς χρόνους.
而他们的最后一场战争发生在一次大地震之后；当斯巴达几乎整座城市被毁且缺乏人手时，幸存的美塞尼亚人与一同起义的黑劳士定居于伊托梅，而美塞尼亚在此前已被荒废了许久。
§15.66.5ἀτυχήσαντες δʼ ἐν πᾶσι τοῖς πολέμοις, τὸ τελευταῖον ἀνάστατοι γενόμενοι κατῴκησαν ἐν Ναυπάκτῳ, δόντων αὐτοῖς Ἀθηναίων οἰκητήριον τήνδε τὴν πόλιν.
他们在所有的战争中都屡遭不幸，最终被逐出家园，定居于瑙帕克托斯，因为雅典人将这座城市给他们作为居所。
καὶ τινὲς μὲν αὐτῶν εἰς Κεφαλληνίαν ἐξέπεσον, τινὲς δʼ ἐν Σικελίᾳ Μεσσήνην τὴν ἀπʼ ἐκείνων ὀνομασθεῖσαν κατῴκησαν.
他们中的一些人流亡到凯法利尼亚，另一些人则在西西里定居于以他们命名的美塞尼亚（墨西拿）。
§15.66.6τὸ δὲ τελευταῖον κατὰ τοὺς ὑποκειμένους καιροὺς Θηβαῖοι, πείσαντος αὐτοὺς Ἐπαμεινώνδου καὶ πανταχόθεν συναγαγόντος τοὺς Μεσσηνίους, ᾤκισαν τὴν Μεσσήνην καὶ τὴν ἀρχαίαν αὐτοῖς χώραν ἀποκατέστησαν.
最终，在当前所论及的时期，底比斯人在伊帕米农达的说服下，并从各地召集了美塞尼亚人，重建了美塞尼亚，并归还了他们古老的土地。
περὶ μὲν οὖν τὴν Μεσσήνην τοσαύτας καὶ τηλικαύτας συνέβη γενέσθαι μεταβολάς.
至于美塞尼亚，确实经历了如此之多且如此重大的历史变迁。