§13.62.1οἱ δʼ ἐν τῇ πόλει καταλειφθέντες διενυκτέρευον μὲν ἐν τοῖς ὅπλοις ἐπὶ τῶν τειχῶν·
留在城内的人手持武器在城墙上度过了夜晚。
ἅμα δʼ ἡμέρᾳ τῶν Καρχηδονίων περιστρατοπεδευσάντων τὴν πόλιν καὶ πυκνὰς προσβολὰς ποιουμένων, οἱ καταλειφθέντες τῶν Ἱμεραίων ἀφειδῶς ἠγωνίζοντο, προσδοκῶντες τὴν τῶν νεῶν παρουσίαν.
天一亮，迦太基人便包围了城市并发起频繁的猛攻，而留下来的希梅拉人则不惜身命地战斗，期盼着战船的到来。
§13.62.2ἐκείνην μὲν οὖν τὴν ἡμέραν διεκαρτέρησαν, τῇ δʼ ὑστεραίᾳ τῶν τριήρων ἐπιφαινομένων ἤδη συνέβαινε τὸ μὲν τεῖχος πεσεῖν ὑπὸ τῶν μηχανῶν, τοὺς δʼ Ἴβηρας ἀθρόους παρεισπεσεῖν εἰς τὴν πόλιν.
因此，他们撑过了那一天。 但在第二天，当三段式战船已经显现时，城墙在攻城器械的轰击下倒塌，伊比利亚人成群冲入城内。
τῶν δὲ βαρβάρων οἱ μὲν ἠμύνοντο τοὺς παραβοηθοῦντας τῶν Ἱμεραίων, οἱ δὲ καταλαμβανόμενοι τὰ τείχη παρεδέχοντο τοὺς ἰδίους.
在野蛮人中，一部分人击退了前来增援的希梅拉人，另一部分人则占领了城墙，接应他们自己的人马。
§13.62.3κατὰ κράτος οὖν ἁλούσης τῆς πόλεως, ἐπὶ πολὺν χρόνον οἱ βάρβαροι πάντας ἐφόνευον τοὺς καταλαμβανομένους ἀσυμπαθῶς.
城市就这样被强行攻陷，在很长一段时间里，野蛮人无情地屠杀所有被捕获的人。
τοῦ δʼ Ἀννίβα ζωγρεῖν παραγγείλαντος ὁ μὲν φόνος ἔληξεν, ἡ δʼ ἐκ τῶν οἰκιῶν εὐδαιμονία διεφορεῖτο.
但当汉尼拔下令生擒俘虏后，屠杀便停止了，而民居中的财富则被劫掠一空。
§13.62.4ὁ δʼ Ἀννίβας τὰ μὲν ἱερὰ συλήσας καὶ τοὺς καταφυγόντας ἱκέτας ἀποσπάσας ἐνέπρησε, καὶ τὴν πόλιν εἰς ἔδαφος κατέσκαψεν, οἰκισθεῖσαν ἔτη διακόσια τεσσαράκοντα· τῶν δʼ αἰχμαλώτων γυναῖκας καὶ παῖδας διαδοὺς εἰς τὸ στρατόπεδον παρεφύλαττε, τῶν δʼ ἀνδρῶν τοὺς ἁλόντας εἰς τρισχιλίους ὄντας παρήγαγεν ἐπὶ τὸν τόπον, ἐν ᾧ πρότερον Ἀμίλκας ὁ πάππος αὐτοῦ ὑπὸ Γέλωνος ἀνῃρέθη, καὶ πάντας αἰκισάμενος κατέσφαξεν.
而汉尼拔在洗劫了神庙、拽出逃入其中的恳求者后，将其纵火焚烧，并将这座建城二百四十年的城市彻底夷为平地；在俘虏中，他将妇女和儿童分发到营地并严加看管，而捕获的男子中，有将近三千人，他将他们带到此前他祖父哈米尔卡被盖隆杀害的地方，在对所有人施以酷刑后予以宰杀。
§13.62.5μετὰ δὲ ταῦτα διαλύσας τὸ στρατόπεδον, τοὺς μὲν ἀπὸ Σικελίας συμμάχους ἀπέστειλεν εἰς τὰς πατρίδας, μεθʼ ὧν καὶ Καμπανοὶ συνηκολούθησαν, ἐγκαλοῦντες τοῖς Καρχηδονίοις ὡς αἰτιώτατοι μὲν τῶν εὐημερημάτων γεγενημένοι, οὐκ ἀξίας δὲ χάριτας εἰληφότες τῶν πεπραγμένων·
此后，他解散了军队，将来自西西里的盟友遣送回各自的家乡，坎帕尼亚人也与他们同行，他们对迦太基人表示埋怨，认为自己虽然是获得胜利的最大功臣，却没有因其所作所为而获得应得的谢礼。
§13.62.6ὁ δʼ Ἀννίβας εἰς τὰς μακρὰς ναῦς καὶ φορτηγοὺς ἐμβιβάσας τὴν δύναμιν, καὶ τοὺς ἱκανοὺς τοῖς συμμάχοις ἀπολιπὼν στρατιώτας, ἐξέπλευσεν ἐκ τῆς Σικελίας.
而汉尼拔将他的军队装上战船和货船，在给盟友留下了足够数量的士兵之后，便从西西里启航。
ἐπεὶ δʼ εἰς Καρχηδόνα κατέπλευσε μετὰ πολλῶν λαφύρων, ἀπήντων αὐτῷ πάντες δεξιούμενοι καὶ τιμῶντες ὡς ἐν ὀλίγῳ χρόνῳ μείζονα πράξαντα τῶν πρότερον στρατηγῶν.
当他携带着大量战利品驶抵迦太基时，所有人都迎上前去，向他致敬并表示尊崇，视其为在短时间内立下了比先前的将军们更伟大功绩的人。