§13.62.1οἱ δʼ ἐν τῇ πόλει καταλειφθέντες διενυκτέρευον μὲν ἐν τοῖς ὅπλοις ἐπὶ τῶν τειχῶν·
도시에 남겨진 이들은 무기를 들고 성벽 위에서 밤을 지새웠다.
ἅμα δʼ ἡμέρᾳ τῶν Καρχηδονίων περιστρατοπεδευσάντων τὴν πόλιν καὶ πυκνὰς προσβολὰς ποιουμένων, οἱ καταλειφθέντες τῶν Ἱμεραίων ἀφειδῶς ἠγωνίζοντο, προσδοκῶντες τὴν τῶν νεῶν παρουσίαν.
날이 밝자마자 카르타고인들이 도시를 포위하고 연달아 맹공격을 퍼부었으나, 남겨진 히메라인들은 배들이 도착하기를 고대하며 아낌없이 싸웠다.
§13.62.2ἐκείνην μὲν οὖν τὴν ἡμέραν διεκαρτέρησαν, τῇ δʼ ὑστεραίᾳ τῶν τριήρων ἐπιφαινομένων ἤδη συνέβαινε τὸ μὲν τεῖχος πεσεῖν ὑπὸ τῶν μηχανῶν, τοὺς δʼ Ἴβηρας ἀθρόους παρεισπεσεῖν εἰς τὴν πόλιν.
그리하여 그들은 그날 하루를 버텨냈으나, 이튿날 삼중도선들이 이미 모습을 드러내고 있을 때, 공성병기들로 인해 성벽이 무너지고 이베리아인들이 무리를 지어 도시 안으로 난입하게 되었다.
τῶν δὲ βαρβάρων οἱ μὲν ἠμύνοντο τοὺς παραβοηθοῦντας τῶν Ἱμεραίων, οἱ δὲ καταλαμβανόμενοι τὰ τείχη παρεδέχοντο τοὺς ἰδίους.
야만인들 중 일부는 구원하러 온 히메라인들을 물리쳤고, 다른 이들은 성벽을 장악하여 자신들의 편을 안으로 맞아들였다.
§13.62.3κατὰ κράτος οὖν ἁλούσης τῆς πόλεως, ἐπὶ πολὺν χρόνον οἱ βάρβαροι πάντας ἐφόνευον τοὺς καταλαμβανομένους ἀσυμπαθῶς.
이처럼 도시가 힘으로 함락되자, 야만인들은 오랫동안 사로잡힌 모든 이들을 무자비하게 학살했다.
τοῦ δʼ Ἀννίβα ζωγρεῖν παραγγείλαντος ὁ μὲν φόνος ἔληξεν, ἡ δʼ ἐκ τῶν οἰκιῶν εὐδαιμονία διεφορεῖτο.
그러나 한니발이 생포하라고 명령하자 학살은 멈추었고, 집들로부터 재물의 약탈이 이루어졌다.
§13.62.4ὁ δʼ Ἀννίβας τὰ μὲν ἱερὰ συλήσας καὶ τοὺς καταφυγόντας ἱκέτας ἀποσπάσας ἐνέπρησε, καὶ τὴν πόλιν εἰς ἔδαφος κατέσκαψεν, οἰκισθεῖσαν ἔτη διακόσια τεσσαράκοντα·
한편 한니발은 신전들을 약탈하고 그곳으로 도망친 탄원자들을 끌어내어 불태웠으며, 건립된 지 이백사십 년이 된 그 도시를 완전히 허물어뜨렸다.
τῶν δʼ αἰχμαλώτων γυναῖκας καὶ παῖδας διαδοὺς εἰς τὸ στρατόπεδον παρεφύλαττε, τῶν δʼ ἀνδρῶν τοὺς ἁλόντας εἰς τρισχιλίους ὄντας παρήγαγεν ἐπὶ τὸν τόπον, ἐν ᾧ πρότερον Ἀμίλκας ὁ πάππος αὐτοῦ ὑπὸ Γέλωνος ἀνῃρέθη, καὶ πάντας αἰκισάμενος κατέσφαξεν.
그리고 포로들 중에서 여자들과 아이들은 군영에 분배하여 감시하게 했고, 사로잡힌 남자들 중 삼천 명가량 되는 이들은 이전에 그의 조부 하밀카르가 겔론에게 죽임을 당했던 장소로 끌고 가, 모두를 고문한 뒤 학살했다.
§13.62.5μετὰ δὲ ταῦτα διαλύσας τὸ στρατόπεδον, τοὺς μὲν ἀπὸ Σικελίας συμμάχους ἀπέστειλεν εἰς τὰς πατρίδας, μεθʼ ὧν καὶ Καμπανοὶ συνηκολούθησαν, ἐγκαλοῦντες τοῖς Καρχηδονίοις ὡς αἰτιώτατοι μὲν τῶν εὐημερημάτων γεγενημένοι, οὐκ ἀξίας δὲ χάριτας εἰληφότες τῶν πεπραγμένων·
이후 그는 군영을 해산하고 시켈리아에서 온 동맹군을 각자의 고향으로 돌려보냈는데, 이들과 함께 캄파니아인들도 따라 나섰다. 그들은 카르타고인들에게 자신들이 승리에 가장 큰 공헌을 세웠음에도 행한 일에 걸맞은 대접을 받지 못했다고 불만을 제기했다.
§13.62.6ὁ δʼ Ἀννίβας εἰς τὰς μακρὰς ναῦς καὶ φορτηγοὺς ἐμβιβάσας τὴν δύναμιν, καὶ τοὺς ἱκανοὺς τοῖς συμμάχοις ἀπολιπὼν στρατιώτας, ἐξέπλευσεν ἐκ τῆς Σικελίας.
한니발은 군대를 전함과 수송선에 태우고, 동맹군에게는 충분한 수의 병사들을 남겨둔 뒤, 시켈리아에서 출항했다.
ἐπεὶ δʼ εἰς Καρχηδόνα κατέπλευσε μετὰ πολλῶν λαφύρων, ἀπήντων αὐτῷ πάντες δεξιούμενοι καὶ τιμῶντες ὡς ἐν ὀλίγῳ χρόνῳ μείζονα πράξαντα τῶν πρότερον στρατηγῶν.
그가 많은 전리품을 가지고 카르타고에 입항하자, 모든 이들이 그를 맞이하여 악수를 건네고, 짧은 시간 안에 이전의 장군들보다 더 큰 업적을 이룬 자로서 그를 예우했다.