§13.39.1οὗτοι μὲν οὖν περὶ ταῦτα διέτριβον.
因此，这些人正忙于这些事务。
Μίνδαρος δʼ ὁ τῶν Λακεδαιμονίων ναύαρχος νυκτὸς μετὰ τοῦ στόλου παντὸς ἐκπλεύσας εἰς Ἑλλήσποντον ἐκομίζετο κατὰ σπουδήν, καὶ δευτεραῖος εἰς Σίγειον κατέπλευσεν.
然而，拉克代蒙人的海军统帅明达鲁斯在夜间率领全体舰队出航，急速驶往赫勒斯滂，并在第二天驶入希盖翁。
οἱ δʼ Ἀθηναῖοι πυθόμενοι τὸν παράπλουν, οὐκ ἀνέμειναν ἁπάσας τὰς παρὰ τῶν συμμάχων τριήρεις, τριῶν δὲ μόνον προσγενομένων αὐτοῖς, ἐδίωκον τοὺς Λακεδαιμονίους.
雅典人获悉他们的航行后，没有等待来自盟友的所有三段铎船，而是在仅有三艘加入他们的情况下，便动身追击拉克代蒙人。
§13.39.2ἐπεὶ δʼ ἦλθον εἰς Σίγειον, εὗρον τὸν μὲν στόλον ἐκπεπλευκότα, τρεῖς δὲ ναῦς ὑπολελειμμένας, ὧν εὐθέως ἐκυρίευσαν· καὶ μετὰ ταῦτʼ εἰς Ἐλεοῦντα καταπλεύσαντες τὰ περὶ τὴν ναυμαχίαν παρεσκευάζοντο.
当他们到达希盖翁时，发现舰队已经驶离，但留下了三艘船只，他们立即将其俘获；在此之后，他们驶入埃勒乌斯，开始为海战做准备。
§13.39.3Λακεδαιμόνιοι δὲ θεωροῦντες τοὺς πολεμίους τὰ πρὸς τὴν μάχην ἑτοιμαζομένους, καὶ αὐτοὶ πένθʼ ἡμέρας ἀναπείρας ποιούμενοι καὶ γυμνάσαντες τοὺς ἐρέτας, ἐξέταξαν τὸν στόλον εἰς ναυμαχίαν, ὄντα νεῶν δυεῖν ἐλάττω τῶν ἐνενήκοντα.
拉克代蒙人见敌军正在为战斗做准备，他们自己也进行了五天的模拟演练，并训练了桨手，随后将舰队整列排开以备海战，其规模为少于九十艘两艘（即八十八艘）。
οὗτοι μὲν οὖν ἐκ τοῦ πρὸς τὴν Ἀσίαν μέρους ἔστησαν τὰς ναῦς, οἱ δʼ Ἀθηναῖοι τὸ πρὸς τὴν Εὐρώπην ἔχοντες ἀντανήγοντο, τῷ μὲν πλήθει λειπόμενοι, ταῖς δʼ ἐμπειρίαις ὑπερέχοντες.
于是，他们将船只布置在靠近亚洲的一侧，而雅典人则占据靠近欧洲的一侧并出海迎击，他们在数量上处于劣势，但在经验上占据优势。
§13.39.4Λακεδαιμόνιοι μὲν οὖν ἐπὶ τοῦ δεξιοῦ κέρατος ἔταξαν τοὺς Συρακοσίους, ὧν Ἑρμοκράτης ἀφηγεῖτο, τὸ δʼ εὐώνυμον αὐτοὶ συνεπλήρουν Πελοποννήσιοι, Μινδάρου τὴν ἡγεμονίαν ἔχοντος.
拉克代蒙人在右翼部署了由赫尔莫克拉底率领的叙拉古人，而左翼则由伯罗奔尼撒人自己填补，由明达鲁斯担任指挥。
τῶν δʼ Ἀθηναίων ἐπὶ μὲν τὸ δεξιὸν ἐτάχθη Θράσυλλος, ἐπὶ δὲ τὸ εὐώνυμον Θρασύβουλος.
在雅典人方面，色拉西卢斯被部署在右翼，色拉西布洛斯在左翼。
καὶ τὸ μὲν πρῶτον ἔσπευδον ἀμφότεροι φιλοτιμούμενοι περὶ τοῦ τόπου, ὅπως μὴ τὸν ῥοῦν ἔχωσιν ἐναντίον.
起初，双方都急于争夺有利位置，以免使潮流成为逆流。
§13.39.5διὸ καὶ πολὺν χρόνον ἀλλήλους περιέπλεον, διακλείοντες τὰ στενὰ καὶ περὶ τῆς στάσεως τοπομαχοῦντες· μεταξὺ γὰρ Ἀβύδου καὶ Σηστοῦ τῆς ναυμαχίας γινομένης συνέβαινε τὸν ῥοῦν οὐ μετρίως ἐμποδίζειν ἐν στενοῖς τόποις.
因此，他们也在很长一段时间内互相绕行，封锁海峡并为争夺阵位进行局部交战；因为海战是在阿比多斯和塞斯托斯之间进行的，在狭窄的水域中，潮流造成了不小的阻碍。
οὐ μὴν ἀλλʼ οἱ τῶν Ἀθηναίων κυβερνῆται πολὺ ταῖς ἐμπειρίαις προέχοντες πολλὰ πρὸς τὴν νίκην συνεβάλοντο.
尽管如此，雅典人的舵手在经验上大为领先，为胜利做出了巨大贡献。