§13.103.1ταχὺ δὲ καὶ τοῖς πείσασι καὶ τοῖς πεισθεῖσι μετεμέλησεν, οἱονεὶ νεμεσήσαντος τοῦ δαιμονίου·
然而，说服他人者和被说服者很快都后悔了，仿佛神明降下了愤怒。
οἱ μὲν γὰρ ἐξαπατηθέντες ἐπίχειρα τῆς ἀγνοίας ἔλαβον μετʼ οὐ πολὺν χρόνον καταπολεμηθέντες οὐχ ὑφʼ ἑνὸς δεσπότου μόνον, ἀλλὰ τριάκοντα·
因为那些被欺骗的人在不久之后就收到了他们无知的代价，在战争中被征服，不仅屈服于一个主子的统治，而是三十个。
§13.103.2ὁ δʼ ἐξαπατήσας καὶ τὴν γνώμην εἰπὼν Καλλίξενος εὐθὺ τοῦ πλήθους μεταμεληθέντος εἰς αἰτίαν ἦλθεν ὡς τὸν δῆμον ἐξηπατηκώς·
而欺骗了大众并提出该项动议的卡利克塞诺斯，在群众后悔之后，立刻因欺骗民众而遭到指控。
οὐκ ἀξιωθεὶς δʼ ἀπολογίας ἐδέθη, καὶ καταβληθεὶς εἰς τὴν δημοσίαν φυλακὴν ἔλαθε μετά τινων διορύξας τὸ δεσμωτήριον καὶ διαδρὰς πρὸς τοὺς πολεμίους εἰς Δεκέλειαν, ὅπως διαφυγὼν τὸν θάνατον μὴ μόνον Ἀθήνησιν, ἀλλὰ καὶ παρὰ τοῖς ἄλλοις Ἕλλησι δακτυλοδεικτουμένην ἔχῃ τὴν πονηρίαν παρʼ ὅλον τὸν βίον.
由于未获准进行辩护，他被关押了起来。 在被投入公共监狱后，他与几个人一起挖穿牢房，秘密越狱，逃到了位于德凯莱亚的敌人那里；如此一来，他虽然逃脱了死刑，却不仅在雅典，而且在其他希腊人中，其恶名终其一生都要被人指指点点。
§13.103.3τὰ μὲν οὖν κατὰ τοῦτον τὸν ἐνιαυτὸν πραχθέντα σχεδὸν ταῦτʼ ἐστίν.
在这个年份中所发生的事情，大致便如以上所述。
τῶν δὲ συγγραφέων Φίλιστος τὴν πρώτην σύνταξιν τῶν Σικελικῶν εἰς τοῦτον τὸν ἐνιαυτὸν κατέστροφεν, εἰς τὴν Ἀκράγαντος ἅλωσιν, ἐν βύβλοις ἑπτὰ διελθὼν χρόνον ἐτῶν πλείω τῶν ὀκτακοσίων, τῆς δὲ δευτέρας συντάξεως τὴν μὲν ἀρχὴν ἀπὸ τῆς τῆς προτέρας τελευτῆς πεποίηται, γέγραφε δὲ βύβλους τέσσαρας.
在历史学家中，菲利斯托斯在这一年，即阿克拉加斯的陷落，结束了他的《西西里史》第一部，用七卷书叙述了八百多年的时间；而他的第二部，则以第一部的终点为起点，共写了四卷。
§13.103.4περὶ δὲ τὸν αὐτὸν χρόνον ἐτελεύτησε Σοφοκλῆς ὁ Σοφίλου, ποιητὴς τραγῳδιῶν, ἔτη βιώσας ἐνενήκοντα, νίκας δʼ ἔχων ὀκτωκαίδεκα.
大约在同一时期，索菲洛斯之子、悲剧诗人索福克勒斯去世，享年九十岁，曾获得十八次胜利。
φασὶ δὲ τὸν ἄνδρα τοῦτον τὴν ἐσχάτην τραγῳδίαν εἰσαγαγόντα καὶ νικήσαντα χαρᾷ περιπεσεῖν ἀνυπερβλήτῳ, διʼ ἣν καὶ τελευτῆσαι.
据说，此人在上演了其最后一部悲剧并获胜时，陷入了无以复加的喜悦之中，并因此而去世。
§13.103.5Ἀπολλόδωρος δʼ ὁ τὴν χρονικὴν σύνταξιν πραγματευσάμενός φησι καὶ τὸν Εὐριπίδην κατὰ τὸν αὐτὸν ἐνιαυτὸν τελευτῆσαι· τινὲς δὲ λέγουσι παρʼ Ἀρχελάῳ τῷ βασιλεῖ Μακεδόνων κατὰ τὴν χώραν ἐξελθόντα κυσὶ περιπεσεῖν καὶ διασπασθῆναι μικρῷ πρόσθεν τούτων τῶν χρόνων.
而撰写了《编年史》的阿波罗多洛斯则说，欧里庇得斯也是在同一年去世的；但也有人说，他在马其顿国王阿基劳斯那里，走到乡野时遇到了猎犬并被撕碎，时间比这段时期稍微早一些。