§13.103.1ταχὺ δὲ καὶ τοῖς πείσασι καὶ τοῖς πεισθεῖσι μετεμέλησεν, οἱονεὶ νεμεσήσαντος τοῦ δαιμονίου·
그러나 설득한 자들과 설득당한 자들 모두 곧 후회하였으니, 마치 신적인 존재가 노여워한 것 같았다.
οἱ μὲν γὰρ ἐξαπατηθέντες ἐπίχειρα τῆς ἀγνοίας ἔλαβον μετʼ οὐ πολὺν χρόνον καταπολεμηθέντες οὐχ ὑφʼ ἑνὸς δεσπότου μόνον, ἀλλὰ τριάκοντα·
기만당한 이들은 얼마 지나지 않아 전쟁에서 패망하여 단 한 명의 지배자뿐만 아니라 서른 명의 지배를 받게 됨으로써 자신들의 무지에 대한 대가를 치렀기 때문이다.
§13.103.2ὁ δʼ ἐξαπατήσας καὶ τὴν γνώμην εἰπὼν Καλλίξενος εὐθὺ τοῦ πλήθους μεταμεληθέντος εἰς αἰτίαν ἦλθεν ὡς τὸν δῆμον ἐξηπατηκώς·
한편 기만하고 제안을 낸 칼릭세노스는 대중이 후회하자마자 민중을 기만했다는 혐의로 기소되었다.
οὐκ ἀξιωθεὶς δʼ ἀπολογίας ἐδέθη, καὶ καταβληθεὶς εἰς τὴν δημοσίαν φυλακὴν ἔλαθε μετά τινων διορύξας τὸ δεσμωτήριον καὶ διαδρὰς πρὸς τοὺς πολεμίους εἰς Δεκέλειαν, ὅπως διαφυγὼν τὸν θάνατον μὴ μόνον Ἀθήνησιν, ἀλλὰ καὶ παρὰ τοῖς ἄλλοις Ἕλλησι δακτυλοδεικτουμένην ἔχῃ τὴν πονηρίαν παρʼ ὅλον τὸν βίον.
변명할 기회도 얻지 못한 채 그는 감금되었고, 공공 감옥에 갇힌 후 몇몇 사람들과 함께 감옥을 뚫고 비밀리에 탈옥하여 데켈레아에 있는 적들에게로 도망쳤다. 이는 그가 죽음은 면했으나, 아테네뿐만 아니라 다른 그리스인들 사이에서도 평생 동안 그의 사악함에 대해 손가락질을 받게 되기 위함이었다.
§13.103.3τὰ μὲν οὖν κατὰ τοῦτον τὸν ἐνιαυτὸν πραχθέντα σχεδὸν ταῦτʼ ἐστίν.
그리하여 이 해에 일어난 일들은 대략 이러하다.
τῶν δὲ συγγραφέων Φίλιστος τὴν πρώτην σύνταξιν τῶν Σικελικῶν εἰς τοῦτον τὸν ἐνιαυτὸν κατέστροφεν, εἰς τὴν Ἀκράγαντος ἅλωσιν, ἐν βύβλοις ἑπτὰ διελθὼν χρόνον ἐτῶν πλείω τῶν ὀκτακοσίων, τῆς δὲ δευτέρας συντάξεως τὴν μὲν ἀρχὴν ἀπὸ τῆς τῆς προτέρας τελευτῆς πεποίηται, γέγραφε δὲ βύβλους τέσσαρας.
역사가들 중 필리스토스는 시켈리아 역사 제1부를 이 해, 곧 아크라가스의 함락으로 끝맺었는데, 7권의 책에서 800년이 넘는 시간을 다루었다. 그리고 제2부의 시작은 이전 부의 끝에서부터 잡았으며, 4권의 책을 저술했다.
§13.103.4περὶ δὲ τὸν αὐτὸν χρόνον ἐτελεύτησε Σοφοκλῆς ὁ Σοφίλου, ποιητὴς τραγῳδιῶν, ἔτη βιώσας ἐνενήκοντα, νίκας δʼ ἔχων ὀκτωκαίδεκα.
또한 비슷한 시기에 소필로스의 아들이자 비극 시인인 소포클레스가 사망하였는데, 그는 90세를 살았고 18번의 승리를 거두었다.
φασὶ δὲ τὸν ἄνδρα τοῦτον τὴν ἐσχάτην τραγῳδίαν εἰσαγαγόντα καὶ νικήσαντα χαρᾷ περιπεσεῖν ἀνυπερβλήτῳ, διʼ ἣν καὶ τελευτῆσαι.
사람들이 말하기를, 이 인물은 자신의 마지막 비극을 상연하여 승리를 거두었을 때 걷잡을 수 없는 기쁨에 휩싸였고, 그 때문에 사망했다고 한다.
§13.103.5Ἀπολλόδωρος δʼ ὁ τὴν χρονικὴν σύνταξιν πραγματευσάμενός φησι καὶ τὸν Εὐριπίδην κατὰ τὸν αὐτὸν ἐνιαυτὸν τελευτῆσαι·
연대기를 저술한 아폴로도로스는 에우리피데스 역시 같은 해에 사망했다고 말한다.
τινὲς δὲ λέγουσι παρʼ Ἀρχελάῳ τῷ βασιλεῖ Μακεδόνων κατὰ τὴν χώραν ἐξελθόντα κυσὶ περιπεσεῖν καὶ διασπασθῆναι μικρῷ πρόσθεν τούτων τῶν χρόνων.
그러나 어떤 이들은 그가 마케도니아의 왕 아르켈라오스에게 머물던 중, 시골로 나갔다가 개들에게 습격을 당해 갈가리 찢겨 죽었으며, 이는 이 시기보다 조금 앞선 일이었다고 말한다.