§11.71.1ἐπʼ ἄρχοντος δʼ Ἀθήνησι Τληπολέμου Ῥωμαῖοι κατέστησαν ὑπάτους Τίτον Κοΐντιον καὶ Κόιντον Σερουίλιον Στροῦκτον.
在特勒波勒摩斯担任雅典执政官时，罗马人任命提图斯·昆克蒂乌斯与昆克图斯·塞尔维利乌斯·斯特鲁克图斯为执政官。
ἐπὶ δὲ τούτων Ἀρταξέρξης ὁ βασιλεὺς τῶν Περσῶν ἄρτι τὴν βασιλείαν ἀνακτησάμενος, τὸ μὲν πρῶτον κολάσας τοὺς μετεσχηκότας τῆς τοῦ πατρὸς ἀναιρέσεως διέταξε τὰ κατὰ τὴν βασιλείαν συμφερόντως αὐτῷ.
在他们任职期间，波斯人的国王阿尔塔薛西斯刚刚夺回王位，首先惩罚了参与谋杀他父亲的人，并使王国的事务变得对自己有利。
§11.71.2τῶν μὲν γὰρ ὑπαρχόντων σατραπῶν τοὺς ἀλλοτρίως ἔχοντας πρὸς αὐτὸν ἀπέστησε, τῶν δὲ αὑτοῦ φίλων ἐπιλέξας τοὺς εὐθέτους παρέδωκε τὰς σατραπείας.
因为在现任的总督中，他免去了那些对他怀有敌意的人，并从自己的朋友中选拔合适的人，将总督辖区交托给他们。
ἐπεμελήθη δὲ καὶ τῶν προσόδων καὶ τῆς δυνάμεων κατασκευῆς, καὶ καθόλου τὴν βασιλείαν ὅλην ἐπιεικῶς διοικῶν μεγάλης ἀποδοχῆς ἐτύγχανε παρὰ τοῖς Πέρσαις.
他还关注财政收入和军事力量的组建，总的来说，由于他温和地治理整个王国，在波斯人中获得了极大的拥护。
§11.71.3οἱ δὲ τὴν Αἴγυπτον κατοικοῦντες πυθόμενοι τὴν Ξέρξου τελευτὴν καὶ τὴν ὅλην ἐπίθεσιν καὶ ταραχὴν ἐν τῇ βασιλείᾳ τῶν Περσῶν, ἔκριναν ἀντέχεσθαι τῆς ἐλευθερίας.
而居住在埃及的人们得知薛西斯之死以及波斯王国内部的全面动荡和混乱后，决定争取自由。
εὐθὺς οὖν ἀθροίσαντες δύναμιν ἀπέστησαν τῶν Περσῶν, καὶ τοὺς φορολογοῦντας τὴν Αἴγυπτον τῶν Περσῶν ἐκβαλόντες κατέστησαν βασιλέα τὸν ὀνομαζόμενον Ἰναρώ.
于是他们立即聚集起一支军队，背叛了波斯人，并在将埃及境内征税的波斯人驱逐后，拥立了名叫伊纳罗斯的人为国王。
§11.71.4οὗτος δὲ τὸ μὲν πρῶτον ἐκ τῶν ἐγχωρίων κατέλεγε στρατιώτας, μετὰ δὲ ταῦτα καὶ μισθοφόρους ἐκ τῶν ἀλλοεθνῶν ἀθροίζων κατεσκεύαζε δύναμιν ἀξιόχρεων.
此人起初从当地人中招募士兵，此后又通过聚集其他民族的雇佣兵，建立起了一支强大的力量。
ἔπεμψε δὲ καὶ πρὸς Ἀθηναίους πρέσβεις περὶ συμμαχίας, ὑπισχνούμενος αὐτοῖς, ἐὰν ἐλευθερώσωσι τοὺς Αἰγυπτίους, κοινὴν αὐτοῖς παρέξεσθαι τὴν βασιλείαν καὶ πολλαπλασίους τῆς εὐεργεσίας ἀποδώσειν χάριτας.
他还向雅典人派去了使者商讨结盟，向他们许诺，如果他们解放埃及人，他将与他们共享王国，并以数倍于此恩惠的好处予以报答。
§11.71.5οἱ δὲ Ἀθηναῖοι κρίναντες συμφέρειν αὐτοῖς τοὺς μὲν Πέρσας εἰς τὸ δυνατὸν ταπεινοῦν, τοὺς δὲ Αἰγυπτίους ἰδίους ἑαυτοῖς παρασκευάσαι πρὸς τὰ παράλογα τῆς τύχης, ἐψηφίσαντο τριακοσίαις τριήρεσι βοηθεῖν τοῖς Αἰγυπτίοις.
雅典人认为，尽可能削弱波斯人，并使埃及人成为自己的盟友以应对命运的不可预测，这对他们是有利的，于是投票决定派遣三百艘三列桨战船援助埃及人。
§11.71.6οἱ μὲν οὖν Ἀθηναῖοι μετὰ πολλῆς προθυμίας περὶ τὴν τοῦ στόλου παρασκευὴν ἐγίνοντο.
于是，雅典人怀着极大的热情开始准备舰队。
Ἀρταξέρξης δὲ πυθόμενος τὴν ἀπόστασιν τῶν Αἰγυπτίων καὶ τὰς εἰς τὸν πόλεμον παρασκευάς, ἔκρινε δεῖν τῷ μεγέθει τῶν δυνάμεων ὑπερᾶραι τοὺς Αἰγυπτίους.
而阿尔塔薛西斯得知埃及人的叛乱和战争准备后，认为必须在军事规模上压倒埃及人。
εὐθὺς οὖν ἐξ ἁπασῶν τῶν σατραπειῶν κατέλεγε στρατιώτας καὶ ναῦς κατεσκεύαζε, καὶ τῆς ἄλλης ἁπάσης παρασκευῆς ἐπιμέλειαν ἐποιεῖτο.
因此，他立即从所有的总督辖区招募士兵，建造船只，并对其他一切准备工作进行了周密的安排。
καὶ τὰ μὲν κατὰ τὴν Ἀσίαν καὶ τὴν Αἴγυπτον ἐν τούτοις ἦν.
亚洲和埃及的情况就是如此。