§11.58.1Θεμιστοκλῆς μὲν οὖν ἀπολυθεὶς τοῦ παρʼ Ἕλλησι φόβου, καὶ παραδόξως ὑπὸ μὲν τῶν τὰ μέγιστα εὐεργετηθέντων φυγαδευθείς, ὑπὸ δὲ τῶν τὰ δεινότατα παθόντων εὐεργετηθείς, ἐν ταύταις ταῖς πόλεσι κατεβίωσε πάντων τῶν πρὸς ἀπόλαυσιν ἀγαθῶν εὐπορούμενος, καὶ τελευτήσας ἐν τῇ Μαγνησίᾳ ταφῆς ἔτυχεν ἀξιολόγου καὶ μνημείου τοῦ ἔτι νῦν διαμένοντος.
因此，地米斯托克利摆脱了在希腊人那里的恐惧，且极其反常地，他一方面被那些曾接受他最大恩惠的人驱逐，另一方面却受到那些曾遭受他最惨重打击的人的恩待；他在这些城市里安度余生，享有一切用于享乐的充裕物资。 他死于马格内西亚，获得了隆重的葬礼，并留有至今犹存的纪念碑。
§11.58.2ἔνιοι δὲ τῶν συγγραφέων φασὶ τὸν Ξέρξην ἐπιθυμήσαντα πάλιν στρατεύειν ἐπὶ τὴν Ἑλλάδα παρακαλεῖν τὸν Θεμιστοκλέα στρατηγεῖν ἐπὶ τοῦ πολέμου, τὸν δὲ συγχωρήσαντα περὶ τούτων πίστεις λαβεῖν ἐνόρκους μὴ στρατεύσειν ἐπὶ τοὺς Ἕλληνας ἄνευ Θεμιστοκλέους.
然而，有些历史学家说，薛西斯曾渴望再次对希腊发起远征，并邀请地米斯托克利在战争中担任统帅，而后者在同意此事的同时，要求对方就此做出誓言保证，即在没有地米斯托克利的情况下绝不对希腊人进行远征。
§11.58.3σφαγιασθέντος δὲ ταύρου καὶ τῶν ὅρκων γενομένων, τὸν Θεμιστοκλέα κύλικα τοῦ αἵματος πληρώσαντα ἐκπιεῖν καὶ παραχρῆμα τελευτῆσαι.
当公牛被宰杀献祭且双方立下誓言后，地米斯托克利将杯中倒满牛血并一饮而尽，随即死去。
καὶ τὸν μὲν Ξέρξην ἀποστῆναι τῆς ἐπιβολῆς ταύτης, τὸν δὲ Θεμιστοκλέα διὰ τῆς ἰδίας τελευτῆς ἀπολογίαν ἀπολιπεῖν καλλίστην ὅτι καλῶς ἐπολιτεύθη τὰ πρὸς τοὺς Ἕλληνας.
于是薛西斯放弃了这一企图，而地米斯托克利则通过自己的死亡，为他对待希腊人的行径留下了最完美的辩白，证明他当时的政治立场是高尚的。
§11.58.4ἡμεῖς δὲ πάρεσμεν ἐπὶ τὴν τελευτὴν ἀνδρὸς μεγίστου τῶν Ἑλλήνων, περὶ οὗ πολλοὶ διαμφισβητοῦσι, πότερον οὗτος ἀδικήσας τὴν πατρίδα καὶ τοὺς ἄλλους Ἕλληνας ἔφυγεν εἰς Πέρσας, ἢ τοὐναντίον ἥ τε πόλις καὶ πάντες οἱ Ἕλληνες εὐεργετηθέντες μεγάλα τῆς μὲν χάριτος ἐπελάθοντο, τὸν δʼ εὐεργέτην ἤγαγον αὐτὸν ἀδίκως εἰς τοὺς ἐσχάτους κινδύνους.
现在我们谈到了这位希腊最伟大人物的死。 关于他，许多人争论不休：究竟是他对祖国和其余希腊人犯下了罪行而逃往波斯，还是恰恰相反，城邦和全体希腊人在蒙受了大恩之后忘恩负义，反将他们的恩人极其不公地推向绝境。
§11.58.5εἰ δέ τις χωρὶς φθόνου τήν τε φύσιν τἀνδρὸς καὶ τὰς πράξεις ἐξετάζοι μετʼ ἀκριβείας, εὑρήσει πάντων ὧν μνημονεύομεν ἀμφοτέροις τοῖς εἰρημένοις πεπρωτευκότα.
但如果有人能够不带偏见地、精确地考察此人的天资和事迹，就会发现，在我们所能记起的所有人中，他在上述两个方面都独占鳌头。
διὸ καὶ θαυμάσειεν ἄν τις εἰκότως, εἰ στερῆσαι σφᾶς αὐτοὺς ἀνδρὸς τοιούτου τὴν φύσιν ἠθέλησαν.
因此，人们自然会感到惊讶，他们竟然想要让自己失去一位具有如此天资的人。