§11.46.1ἡμεῖς δὲ παρʼ ὅλην τὴν ἱστορίαν εἰωθότες τῶν ἀγαθῶν ἀνδρῶν διὰ τῶν ἐπιλεγομένων ἐπαίνων αὔξειν τὴν δόξαν, τοῖς δὲ φαύλοις ἐπὶ τῆς τελευτῆς ἐπιφθέγγεσθαι τὰς ἁρμοζούσας βλασφημίας, οὐκ ἐάσομεν τὴν Παυσανίου κακίαν καὶ προδοσίαν ἀκατηγόρητον.
我们在整部历史中，习惯于通过后世的赞美来提升善人的名望，并在恶人临终时予以适当的谴责，因此我们绝不容许帕萨尼亚斯的邪恶与叛国行为不受到指控。
§11.46.2τίς γὰρ οὐκ ἂν θαυμάσαι τούτου τὴν ἄνοιαν, ὃς εὐεργέτης γενόμενος τῆς Ἑλλάδος καὶ νικήσας τὴν ἐν Πλαταιαῖς μάχην καὶ πολλὰς ἄλλας ἐπαινουμένας πράξεις ἐπιτελεσάμενος, οὐχ ὅπως τὸ παρὸν ἀξίωμα διεφύλαξεν, ἀλλʼ ἀγαπήσας τῶν Περσῶν τὸν πλοῦτον καὶ τὴν τρυφήν, ἅπασαν τὴν προϋπάρχουσαν εὐδοξίαν κατῄσχυνεν;
因为谁不会对这个人的愚蠢感到惊异呢？ 他曾成为希腊的恩人，赢得了普拉提亚战役，并完成了许多其他备受赞誉的事迹，但他不仅未能捍卫自己当下的尊严，反而贪恋波斯人的财富与奢华，使他先前所有的荣光蒙受耻辱。
§11.46.3ἐπαρθεὶς γὰρ ταῖς εὐτυχίαις τὴν μὲν Λακωνικὴν ἀγωγὴν ἐστύγησε, τὴν δὲ τῶν Περσῶν ἀκολασίαν καὶ τρυφὴν ἐμιμήσατο, ὃν ἥκιστα ἐχρῆν ζηλῶσαι τὰ τῶν βαρβάρων ἐπιτηδεύματα· οὐ γὰρ ἑτέρων πεπυσμένος, ἀλλʼ αὐτὸς ἔργῳ πεῖραν εἰληφὼς ἐγίνωσκε πόσῳ τῆς τῶν Περσῶν τρυφῆς ἡ πάτριος δίαιτα πρὸς ἀρετὴν διέφερεν.
他因一时的得志而自骄，厌恶拉科尼亚式的生活方式，转而模仿波斯人的放荡与奢华，而他本是最不该羡慕野蛮人习俗的人；因为他并非从他人那里听说，而是自己通过亲身实践得知，祖先的生活方式在通往美德方面比波斯人的奢华优越多少。
§11.46.4ἀλλὰ γὰρ αὐτὸς μὲν διὰ τὴν ἰδίαν κακίαν οὐ μόνον τῆς ἀξίας ἔτυχε τιμωρίας, ἀλλὰ καὶ τοῖς πολίταις αἴτιος κατέστη τοῦ τὴν κατὰ θάλατταν ἡγεμονίαν ἀποβαλεῖν· ἐκ παραθέσεως γὰρ ἡ Ἀριστείδου στρατηγία παρὰ τοῖς συμμάχοις θεωρουμένη, καὶ διὰ τὴν εἰς τοὺς ὑποτεταγμένους ὁμιλίαν καὶ τὰς ἄλλας ἀρετάς, ἐποίησε πάντας ὥσπερ ἀπὸ μιᾶς ὁρμῆς ἀποκλῖναι πρὸς τοὺς Ἀθηναίους.
然而，他自己不仅因其自身的邪恶而遭受了应有的惩罚，而且还成为同胞们失去海上霸权的原因；因为通过对比，阿里斯泰德斯的将帅才能被盟国看在眼里，加之他对部下的亲和交往及其他美德，使得所有人仿佛受到同一种冲动的驱使，纷纷倒向雅典人。
§11.46.5διὸ καὶ τοῖς μὲν ἐκ τῆς Σπάρτης πεμπομένοις ἡγεμόσιν οὐκέτι προσεῖχον, Ἀριστείδην δὲ θαυμάζοντες καὶ πάντα προθύμως ὑπακούοντες ἐποίησαν χωρὶς κινδύνου παραλαβεῖν τὴν κατὰ θάλατταν ἀρχήν.
因而他们不再理会从斯巴达派遣来的领袖，而是仰慕阿里斯泰德斯，并在一切事上热切地顺从，使雅典人得以毫无危险地接管海上霸权。