§11.44.1Λακεδαιμόνιοι δὲ Παυσανίαν τὸν ἐν Πλαταιαῖς στρατηγήσαντα καταστήσαντες ναύαρχον προσέταξαν ἐλευθεροῦν τὰς Ἑλληνίδας πόλεις, ὅσαι βαρβαρικαῖς φυλακαῖς διέμενον ἔτι φρουρούμεναι.
拉刻代蒙人任命曾任普拉提亚将军的帕萨尼亚斯为海军司令，命令他去解放所有仍被蛮族驻军把守的希腊城市。
§11.44.2οὗτος δὲ πεντήκοντα μὲν τριήρεις ἐκ Πελοποννήσου λαβών, τριάκοντα δὲ παρʼ Ἀθηναίων μεταπεμψάμενος, ὧν Ἀριστείδης ἡγεῖτο, πρῶτον μὲν εἰς τὴν Κύπρον ἔπλευσε καὶ τῶν πόλεων τὰς ἔτι φρουρὰς ἐχούσας Περσικὰς ἠλευθέρωσε,
他带领来自伯罗奔尼撒的五十艘三桅战船，并召集了由阿里斯提德率领的雅典人的三十艘战船，首先航行到塞浦路斯，解放了那些仍有波斯驻军的城市。
§11.44.3μετὰ δὲ ταῦτα πλεύσας ἐπὶ τὸν Ἑλλήσποντον Βυζάντιον μὲν ὑπὸ Περσῶν κρατούμενον ἐχειρώσατο, καὶ τῶν ἄλλων βαρβάρων οὓς μὲν ἀνελὼν, οὓς δʼ ἐκβαλὼν ἠλευθέρωσε τὴν πόλιν, πολλοὺς δʼ ἐν αὐτῇ Περσῶν ἀξιολόγους ζωγρήσας ἄνδρας παρέδωκεν εἰς φυλακὴν Γογγύλῳ τῷ Ἐρετριεῖ, τῷ μὲν λόγῳ πρὸς τιμωρίαν τηρήσοντι, τῷ δʼ ἔργῳ διασώσοντι πρὸς Ξέρξην· συνετέθειτο γὰρ διʼ ἀπορρήτων φιλίαν πρὸς τὸν βασιλέα, καὶ τὴν θυγατέρα τοῦ Ξέρξου γαμεῖν ἔμελλεν, ἵνα προδῷ τοὺς Ἕλληνας.
此后，他航行到赫勒斯滂，攻占了被波斯人控制的拜占庭。 对于其他蛮族，他杀死了一些，驱逐了一些，从而解放了该城。 他还生擒了城中许多地位显赫的波斯男子，交由埃雷特里亚人贡吉卢斯看守，名义上是为了留置惩罚，实际上是为了救出他们送还给薛西斯；因为他已秘密地与国王建立了友谊，并准备娶薛西斯的女儿，以便背叛希腊人。
§11.44.4ἦν δʼ ὁ ταῦτα πραττόμενος Ἀρτάβαζος στρατηγός, καὶ χρημάτων πλῆθος ἐχορήγει λάθρᾳ τῷ Παυσανίᾳ πρὸς τὸ διὰ τούτων φθείρειν τοὺς εὐθέτους τῶν Ἑλλήνων.
执掌这些事务的将军是阿尔塔巴佐斯，他秘密地向帕萨尼亚斯提供大笔资金，以便借此收买那些易于下手的希腊人。
ἐγένετο δὲ καταφανὴς καὶ τιμωρίας ἔτυχε τοιῷδέ τινι τρόπῳ.
然而，帕萨尼亚斯败露了，并以下述方式受到了惩罚。
§11.44.5ζηλώσαντος γὰρ αὐτοῦ τὴν Περσικὴν τρυφὴν καὶ τυραννικῶς προσφερομένου τοῖς ὑποτεταγμένοις, χαλεπῶς ἔφερον ἅπαντες, μάλιστα δὲ οἱ τεταγμένοι τῶν Ἑλλήνων ἐπί τινος ἡγεμονίας.
因为他效仿波斯式的奢华，对下属态度专横，这令所有人感到愤怒，尤其是那些被委任了某种指挥权的希腊人。
§11.44.6διόπερ τῶν κατὰ τὴν στρατιὰν καὶ κατὰ ἔθνη καὶ κατὰ πόλεις ἀλλήλοις ὁμιλούντων καὶ τοῦ Παυσανίου τῆς βαρύτητος καταλαλούντων, Πελοποννήσιοί τινες μὲν καταλιπόντες αὐτὸν εἰς Πελοπόννησον ἀπέπλευσαν, καὶ πρέσβεις ἀποστείλαντες κατηγόρουν τοῦ Παυσανίου, Ἀριστείδης δὲ ὁ Ἀθηναῖος τῷ καιρῷ χρώμενος ἐμφρόνως ἐν ταῖς κοινολογίαις ἀνελάμβανε τὰς πόλεις καὶ διὰ τῆς ὁμιλίας προσαγόμενος ἰδίας ἐποίησε τοῖς Ἀθηναίοις.
因而，当军中之人按族群、按城市互相谈论并谴责帕萨尼亚斯的粗暴时，一些伯罗奔尼撒人便抛下他，乘船返回了伯罗奔尼撒，并派遣使者弹劾帕萨尼亚斯；而雅典人阿里斯提德则聪明地利用了这一时机，在会谈中拉拢诸城，并通过交往引导他们，使他们倒向雅典人。
ἔτι δὲ μᾶλλον συνήργησε καὶ τὸ αὐτόματον τοῖς Ἀθηναίοις διὰ ταύτας τὰς αἰτίας.
此外，由于这些原因，偶然的机会也对雅典人起到了更大的协助作用。