§115ΚΡΙ. καὶ δὴ καὶ ἐλεφάντων ἦν ἐν αὐτῇ γένος πλεῖστον· νομὴ γὰρ τοῖς τε ἄλλοις ζῴοις, ὅσα καθʼ ἕλη καὶ λίμνας καὶ ποταμούς, ὅσα τʼ αὖ κατʼ ὄρη καὶ ὅσα ἐν τοῖς πεδίοις νέμεται, σύμπασιν παρῆν ἅδην, καὶ τούτῳ κατὰ ταὐτὰ τῷ ζῴῳ, μεγίστῳ πεφυκότι καὶ πολυβορωτάτῳ.
克里底亚：此外，岛上还有极多数量的象；因为对于所有其他动物，无论是在沼泽、湖泊和河流中，还是在山上和在平原上栖息的，它们全都拥有极其充足的牧草，同样地，对于这种生来最大、最贪食的动物也是如此。
πρὸς δὲ τούτοις, ὅσα εὐώδη τρέφει που γῆ τὰ νῦν, ῥιζῶν ἢ χλόης ἢ ξύλων ἢ χυλῶν στακτῶν εἴτε ἀνθῶν ἢ καρπῶν, ἔφερέν τε ταῦτα καὶ ἔτρεφεν εὖ·
除这些之外，凡是如今土地在各地所培育的香气浓郁的东西，无论是根、草、木、滴落的汁液，还是花朵或果实，该岛都出产并极好地培育着它们。
ἔτι δὲ τὸν ἥμερον καρπόν, τόν τε ξηρόν, ὃς ἡμῖν τῆς τροφῆς ἕνεκά ἐστιν, καὶ ὅσοις χάριν τοῦ σίτου προσχρώμεθα—καλοῦμεν δὲ αὐτοῦ τὰ μέρη σύμπαντα ὄσπρια—καὶ τὸν ὅσος ξύλινος, πώματα καὶ βρώματα καὶ ἀλείμματα φέρων, παιδιᾶς τε ὃς ἕνεκα ἡδονῆς τε γέγονε δυσθησαύριστος ἀκροδρύων καρπός, ὅσα τε παραμύθια πλησμονῆς μεταδόρπια ἀγαπητὰ κάμνοντι τίθεμεν, ἅπαντα ταῦτα ἡ τότε οὖσα ὑφʼ ἡλίῳ νῆσος ἱερὰ καλά τε καὶ θαυμαστὰ καὶ πλήθεσιν ἄπειρʼ ἔφερεν.
此外，还有栽培的作物，既有作为我们食物的干燥作物，也有我们为了膳食而额外使用的作物——我们称其所有部分为豆类——以及提供饮料、食物和油脂的木质果实，还有为了娱乐和愉悦而产生、且难以保存的木本果实，以及我们在饱餐之后，为消食而给疲惫的人呈上的令人喜爱的甜点。 所有这些，当时处于阳光之下的那座神圣岛屿，都出产得既美丽又令人惊叹，且数量无限。
ταῦτα οὖν λαμβάνοντες πάντα παρὰ τῆς γῆς κατεσκευάζοντο τά τε ἱερὰ καὶ τὰς βασιλικὰς οἰκήσεις καὶ τοὺς λιμένας καὶ τὰ νεώρια καὶ σύμπασαν τὴν ἄλλην χώραν, τοιᾷδʼ ἐν τάξει διακοσμοῦντες.
因此，他们从土地中获得这一切后，便建造了神殿、王宫、港口、船坞以及整个国家的其他地方，并按照如下的顺序进行布置。
τοὺς τῆς θαλάττης τροχούς, οἳ περὶ τὴν ἀρχαίαν ἦσαν μητρόπολιν, πρῶτον μὲν ἐγεφύρωσαν, ὁδὸν ἔξω καὶ ἐπὶ τὰ βασίλεια ποιούμενοι.
首先，他们在环绕着古代母城的那些海水环状路上架设了桥梁，开辟了通往外部和王宫的道路。
τὰ δὲ βασίλεια ἐν ταύτῃ τῇ τοῦ θεοῦ καὶ τῶν προγόνων κατοικήσει κατʼ ἀρχὰς ἐποιήσαντο εὐθύς, ἕτερος δὲ παρʼ ἑτέρου δεχόμενος, κεκοσμημένα κοσμῶν, ὑπερεβάλλετο εἰς δύναμιν ἀεὶ τὸν ἔμπροσθεν, ἕως εἰς ἔκπληξιν μεγέθεσιν κάλλεσίν τε ἔργων ἰδεῖν τὴν οἴκησιν ἀπηργάσαντο.
而王宫从一开始就建在神明和祖先的这片居所中，每位继位者从前人手中接管，并在已经装饰好的基础上继续装饰，总是竭尽全力超越前人，直至将这片居所打造成在规模和工艺之美上令人叹为观止的杰作。
διώρυχα μὲν γὰρ ἐκ τῆς θαλάττης ἀρχόμενοι τρίπλεθρον τὸ πλάτος, ἑκατὸν δὲ ποδῶν βάθος, μῆκος δὲ πεντήκοντα σταδίων, ἐπὶ τὸν ἐξωτάτω τροχὸν συνέτρησαν, καὶ τὸν ἀνάπλουν ἐκ τῆς θαλάττης ταύτῃ πρὸς ἐκεῖνον ὡς εἰς λιμένα ἐποιήσαντο, διελόντες στόμα ναυσὶν ταῖς μεγίσταις ἱκανὸν εἰσπλεῖν.
因为他们从海边开始，开挖了一条宽三普勒特隆、深一百英尺、长五十斯塔迪翁的运河，一直通到最外圈的海水环状路，并通过这条运河开辟了从海中通往该环状路的航道，犹如进入港口，其入口宽度足以容纳最大的船只驶入。
καὶ δὴ καὶ τοὺς τῆς γῆς τροχούς, οἳ τοὺς τῆς θαλάττης διεῖργον, κατὰ τὰς γεφύρας διεῖλον ὅσον μιᾷ τριήρει διέκπλουν εἰς ἀλλήλους, καὶ κατεστέγασαν ἄνωθεν ὥστε τὸν ὑπόπλουν κάτωθεν εἶναι· τὰ γὰρ τῶν τῆς γῆς τροχῶν χείλη βάθος εἶχεν ἱκανὸν ὑπερέχον τῆς θαλάττης.
此外，对于那些隔开海水环状路的陆地环状路，他们在桥梁处将其拓宽，其宽度刚好允许一艘三段舵桨船通过，并从上方加盖了顶棚，使下方的航道位于其下；因为陆地环状路的边缘拥有足够的高度，高出海面。
ἦν δὲ ὁ μὲν μέγιστος τῶν τροχῶν, εἰς ὃν ἡ θάλαττα συνετέτρητο, τριστάδιος τὸ πλάτος, ὁ δʼ ἑξῆς τῆς γῆς ἴσος ἐκείνῳ· τοῖν δὲ δευτέροιν ὁ μὲν ὑγρὸς δυοῖν σταδίοιν πλάτος, ὁ δὲ ξηρὸς ἴσος αὖ πάλιν τῷ πρόσθεν ὑγρῷ· σταδίου δὲ ὁ περὶ αὐτὴν τὴν ἐν μέσῳ νῆσον περιθέων.
这些环状路中最大的一个，即海水汇入的那个，宽度为三斯塔迪翁，接下来的陆地环状路与它宽度相等；在第二对环状路中，水路的宽度为两斯塔迪翁，陆地则是与前面的水路宽度相等；而环绕着中央岛屿本身的水路宽度为一斯塔迪翁。