§50ΣΩ. ἐκ τούτων δὴ ἄθρει.
苏格拉底：那么，请根据这些来考虑。
ἀπιόντες ἐνθένδε ἡμεῖς μὴ πείσαντες τὴν πόλιν πότερον κακῶς τινας ποιοῦμεν, καὶ ταῦτα οὓς ἥκιστα δεῖ, ἢ οὔ;
如果我们不经说服城邦就从这里离开，我们是否在危害某些人，而且正是那些最不应该受危害的人，还是没有？
καὶ ἐμμένομεν οἷς ὡμολογήσαμεν δικαίοις οὖσιν ἢ οὔ;
我们是否坚持了我们同意为正义的那些事，还是没有？
ΚΡ. οὐκ ἔχω, ὦ Σώκρατες, ἀποκρίνασθαι πρὸς ὃ ἐρωτᾷς· οὐ γὰρ ἐννοῶ.
克里托：苏格拉底，我无法回答你的提问，因为我弄不懂。
ΣΩ. ἀλλʼ ὧδε σκόπει.
苏格拉底：那么这样考虑吧。
εἰ μέλλουσιν ἡμῖν ἐνθένδε εἴτε ἀποδιδράσκειν, εἴθʼ ὅπως δεῖ ὀνομάσαι τοῦτο, ἐλθόντες οἱ νόμοι καὶ τὸ κοινὸν τῆς πόλεως ἐπιστάντες ἔροιντο· εἰπέ μοι, ὦ Σώκρατες, τί ἐν νῷ ἔχεις ποιεῖν;
如果，正当我们准备从这里逃跑——无论这该称为什么——法律和城邦的共同体走上上前，站在我们面前问： “告诉我，苏格拉底，你心里打算做什么？
ἄλλο τι ἢ τούτῳ τῷ ἔργῳ ᾧ ἐπιχειρεῖς διανοῇ τούς τε νόμους ἡμᾶς ἀπολέσαι καὶ σύμπασαν τὴν πόλιν τὸ σὸν μέρος;
你企图通过这个行为，难道不就是在你自己的本分内，意图毁灭我们这些法律以及整个城邦吗？
ἢ δοκεῖ σοι οἷόν τε ἔτι ἐκείνην τὴν πόλιν εἶναι καὶ μὴ ἀνατετράφθαι, ἐν ᾗ ἂν αἱ γενόμεναι δίκαι μηδὲν ἰσχύωσιν ἀλλὰ ὑπὸ ἰδιωτῶν ἄκυροί τε γίγνωνται καὶ διαφθείρωνται;
或者你认为，一个已经作出的判决毫无效力、反而被私人宣布无效并予以毁灭的城邦，还能继续存在而不被颠覆吗？
τί ἐροῦμεν, ὦ Κρίτων, πρὸς ταῦτα καὶ ἄλλα τοιαῦτα;
” 克里托，面对这些以及其他类似的问题，我们要怎么说呢？
πολλὰ γὰρ ἄν τις ἔχοι, ἄλλως τε καὶ ῥήτωρ, εἰπεῖν ὑπὲρ τούτου τοῦ νόμου ἀπολλυμένου ὃς τὰς δίκας τὰς δικασθείσας προστάττει κυρίας εἶναι.
因为任何人，尤其是演说家，都会有很多话可以为这条被毁灭的法律进行辩护，这条法律规定已判决的判决必须有效。
ἢ ἐροῦμεν πρὸς αὐτοὺς ὅτι
ἠδίκει γὰρ ἡμᾶς ἡ πόλις καὶ οὐκ ὀρθῶς τὴν δίκην ἔκρινεν;
难道我们要对他们说： ‘因为城邦对我们行了不正义，并且没有正确地裁判这桩案件’？
ταῦτα ἢ τί ἐροῦμεν;
我们要说这个，还是说什么？
ΚΡ. ταῦτα νὴ Δία, ὦ Σώκρατες.
克里托：凭宙斯起誓，苏格拉底，就说这个！
ΣΩ. τί οὖν ἂν εἴπωσιν οἱ νόμοι·
苏格拉底：那么，如果法律接着说： “苏格拉底，我们和你之间也是这样约定的吗？
ὦ Σώκρατες, ἦ καὶ ταῦτα ὡμολόγητο ἡμῖν τε καὶ σοί, ἢ ἐμμενεῖν ταῖς δίκαις αἷς ἂν ἡ πόλις δικάζῃ;
还是约定要服从城邦所作出的判决？
εἰ οὖν αὐτῶν θαυμάζοιμεν λεγόντων, ἴσως ἂν εἴποιεν ὅτι
ὦ Σώκρατες, μὴ θαύμαζε τὰ λεγόμενα ἀλλʼ ἀποκρίνου, ἐπειδὴ καὶ εἴωθας χρῆσθαι τῷ ἐρωτᾶν τε καὶ ἀποκρίνεσθαι.
” 如果我们对他们说的话表示惊异，他们也许会说： “苏格拉底，不要对我们说的话感到惊异，而是回答我们，因为你也习惯于使用提问和回答的方式。
φέρε γάρ, τί ἐγκαλῶν ἡμῖν καὶ τῇ πόλει ἐπιχειρεῖς ἡμᾶς ἀπολλύναι;
来吧，你对我们和城邦有什么不满，竟企图毁灭我们？
οὐ πρῶτον μέν σε ἐγεννήσαμεν ἡμεῖς, καὶ διʼ ἡμῶν ἔλαβε τὴν μητέρα σου ὁ πατὴρ καὶ ἐφύτευσέν σε;
首先，难道不是我们给予了你生命，并且你的父亲通过我们娶了你的母亲并生下了你？
φράσον οὖν, τούτοις ἡμῶν, τοῖς νόμοις τοῖς περὶ τοὺς γάμους, μέμφῃ τι ὡς οὐ καλῶς ἔχουσιν;
那么请告诉我们，对于我们中关于婚姻的这些法律，你有什么责怪，认为它们不好吗？
οὐ μέμφομαι,
φαίην ἄν.
” “我不责怪，” 我应该会这样说。
ἀλλὰ τοῖς περὶ τὴν τοῦ γενομένου τροφήν τε καὶ παιδείαν ἐν ᾗ καὶ σὺ ἐπαιδεύθης;
“那么，对于关于出生后的抚养和教育——你也在其中接受了教育——的法律呢？
ἢ οὐ καλῶς προσέταττον ἡμῶν οἱ ἐπὶ τούτῳ τεταγμένοι νόμοι, παραγγέλλοντες τῷ πατρὶ τῷ σῷ σε ἐν μουσικῇ καὶ γυμναστικῇ παιδεύειν;
难道我们中被指派负责此事的法律指示得不好吗，当它们命令你的父亲在诗乐和体育上教育你时？
καλῶς,
φαίην ἄν.
” “指示得很好，” 我应该会这样说。
εἶεν.
“很好。
ἐπειδὴ δὲ ἐγένου τε καὶ ἐξετράφης καὶ ἐπαιδεύθης, ἔχοις ἂν εἰπεῖν πρῶτον μὲν ὡς οὐχὶ ἡμέτερος ἦσθα καὶ ἔκγονος καὶ δοῦλος, αὐτός τε καὶ οἱ σοὶ πρόγονοι;
既然你出生、被抚养并接受了教育，你首先能说，你和你自己的祖先不属于我们，不是我们的子嗣和奴隶吗？
καὶ εἰ τοῦθʼ οὕτως ἔχει, ἆρʼ ἐξ ἴσου οἴει εἶναι σοὶ τὸ δίκαιον καὶ ἡμῖν, καὶ ἅττʼ ἂν ἡμεῖς σε ἐπιχειρῶμεν ποιεῖν, καὶ σοὶ ταῦτα ἀντιποιεῖν οἴει δίκαιον εἶναι;
如果确实如此，难道你认为你和我们之间的正义是对等的吗？ 你认为，无论我们企图对你做什么，你对我们做同样的事作为回报也是正义的吗？ ”