§9.93.1οἱ δὲ Ἕλληνες ἐπισχόντες ταύτην τὴν ἡμέρην τῇ ὑστεραίῃ ἐκαλλιερέοντο, μαντευομένου σφι Δηιφόνου τοῦ Εὐηνίου ἀνδρὸς Ἀπολλωνιήτεω, Ἀπολλωνίης δὲ τῆς ἐν τῷ Ἰονίῳ κόλπῳ.
希腊人在等过了这一天之后，于次日举行牺牲祭祀以求吉兆，当时为他们担任占卜人的是优埃尼乌斯之子戴波诺斯，他是阿波罗尼亚人，也就是爱奥尼亚湾的那个阿波罗尼亚。
τούτου τὸν πατέρα Εὐήνιον κατέλαβε πρῆγμα τοιόνδε.
这个人的父亲优埃尼乌斯曾遇到过这样一件事。
ἔστι ἐν τῇ Ἀπολλωνίῃ ταύτῃ ἱρὰ ἡλίου πρόβατα, τὰ τὰς μὲν ἡμέρας βόσκεται παρὰ Χῶνα ποταμόν, ὃς ἐκ Λάκμονος ὄρεος ῥέει διὰ τῆς Ἀπολλωνίης χώρης ἐς θάλασσαν παρʼ Ὤρικον λιμένα, τὰς δὲ νύκτας ἀραιρημένοι ἄνδρες οἱ πλούτῳ τε καὶ γένεϊ δοκιμώτατοι τῶν ἀστῶν, οὗτοι φυλάσσουσι ἐνιαυτὸν ἕκαστος· περὶ πολλοῦ γὰρ δὴ ποιεῦνται Ἀπολλωνιῆται τὰ πρόβατα ταῦτα ἐκ θεοπροπίου τινός· ἐν δὲ ἄντρῳ αὐλίζονται ἀπὸ τῆς πόλιος ἑκάς.
在阿波罗尼亚这个地方，有属于太阳的圣羊，它们白天在科恩河畔放牧，这条河从拉克蒙山流出，穿过阿波罗尼亚的领土，在奥里科斯港附近流入大海；而到了夜间，则由从公民中选出的在财富和门第上最有名望的男子来守护它们，每人负责一年；因为根据某条神谕，阿波罗尼亚人极度珍视这些羊；它们在远离城市的山洞里过夜。
§9.93.2ἔνθα δὴ τότε ὁ Εὐήνιος οὗτος ἀραιρημένος ἐφύλασσε.
当时，这个被选中的优埃尼乌斯正在那里守卫。
καὶ κοτὲ αὐτοῦ κατακοιμήσαντος φυλακὴν παρελθόντες λύκοι ἐς τὸ ἄντρον διέφθειραν τῶν προβάτων ὡς ἑξήκοντα.
有一次，他守夜时睡着了，狼群闯入洞中，咬死了大约六十只羊。
ὁ δὲ ὡς ἐπήισε, εἶχε σιγῇ καὶ ἔφραζε οὐδενί, ἐν νόῳ ἔχων ἀντικαταστήσειν ἄλλα πριάμενος.
当他发觉此事时，他保持沉默，没有告诉任何人，心里打算买下其他的羊来替换并补齐。
§9.93.3καὶ οὐ γὰρ ἔλαθε τοὺς Ἀπολλωνιήτας ταῦτα γενόμενα, ἀλλʼ ὡς ἐπύθοντο, ὑπαγαγόντες μιν ὑπὸ δικαστήριον κατέκριναν, ὡς τὴν φυλακὴν κατακοιμήσαντα, τῆς ὄψιος στερηθῆναι.
然而，这件事情并未能瞒过阿波罗尼亚人，他们一旦得知，便将他带到法庭上，判处他失明的惩罚，理由是他在守夜时睡着了。
ἐπείτε δὲ τὸν Εὐήνιον ἐξετύφλωσαν, αὐτίκα μετὰ ταῦτα οὔτε πρόβατά σφι ἔτικτε οὔτε γῆ ἔφερε ὁμοίως καρπόν.
然而在他们刺瞎优埃尼乌斯之后，紧接着，他们的羊不再为他们产仔，土地也不像以前那样结出果实了。
§9.93.4πρόφαντα δέ σφι ἔν τε Δωδώνῃ καὶ ἐν Δελφοῖσι ἐγίνετο, ἐπείτε ἐπειρώτων τοὺς προφήτας τὸ αἴτιον τοῦ παρεόντος κακοῦ, οἳ δὲ αὐτοῖσι ἔφραζον ὅτι ἀδίκως τὸν φύλακον τῶν ἱρῶν προβάτων Εὐήνιον τῆς ὄψιος ἐστέρησαν· αὐτοὶ γὰρ ἐπορμῆσαι τοὺς λύκους, οὐ πρότερόν τε παύσεσθαι τιμωρέοντες ἐκείνῳ πρὶν ἢ δίκας δῶσι τῶν ἐποίησαν ταύτας τὰς ἂν αὐτὸς ἕληται καὶ δικαιοῖ· τούτων δὲ τελεομένων αὐτοὶ δώσειν Εὐηνίῳ δόσιν τοιαύτην τὴν πολλούς μιν μακαριεῖν ἀνθρώπων ἔχοντα.
当他们向预言者们询问眼前灾祸的原因时，在多多纳和德尔斐都向他们示下了神谕；预言者们告诉他们，这是因为他们不公正地剥夺了圣羊守护者优埃尼乌斯的视力；因为是神明自己驱使了狼群，并且在他们为自己所做的事向他支付由他自己选择并认为合理的赔偿之前，神明绝不会停止为他复仇；而当这些事情完成时，神明自己将给优埃尼乌斯一份礼物，使他在拥有这份礼物时，会有许多人称他为幸福的人。