§9.106.1ἐπείτε δὲ κατεργάσαντο οἱ Ἕλληνες τοὺς πολλοὺς τοὺς μὲν μαχομένους τοὺς δὲ καὶ φεύγοντας τῶν βαρβάρων, τὰς νέας ἐνέπρησαν καὶ τὸ τεῖχος ἅπαν, τὴν ληίην προεξαγαγόντες ἐς τὸν αἰγιαλόν, καὶ θησαυρούς τινας χρημάτων εὗρον·
当希腊人消灭了蛮族的大多数——其中一些人在战斗，另一些人则在逃跑——之后，他们把战利品预先运到海岸上，烧毁了所有的船只和城墙，并且还发现了一些财宝。
ἐμπρήσαντες δὲ τὸ τεῖχος καὶ τὰς νέας ἀπέπλεον.
在烧毁了城墙和船只之后，他们便驾船离去。
§9.106.2ἀπικόμενοι δὲ ἐς Σάμον οἱ Ἕλληνες ἐβουλεύοντο περὶ ἀναστάσιος τῆς Ἰωνίης, καὶ ὅκῃ χρεὸν εἴη τῆς Ἑλλάδος κατοικίσαι τῆς αὐτοὶ ἐγκρατέες ἦσαν, τὴν δὲ Ἰωνίην ἀπεῖναι τοῖσι βαρβάροισι·
希腊人到达萨摩斯后，便商议关于撤离伊奥尼亚的事宜，以及应当在他们自己控制的希腊的哪个地方安置伊奥尼亚人，而将伊奥尼亚留给蛮族。
ἀδύνατον γὰρ ἐφαίνετό σφι εἶναι ἑωυτούς τε Ἰώνων προκατῆσθαι φρουρέοντας τὸν πάντα χρόνον, καὶ ἑωυτῶν μὴ προκατημένων Ἴωνας οὐδεμίαν ἐλπίδα εἶχον χαίροντας πρὸς τῶν Περσέων ἀπαλλάξειν.
因为在他们看来，自己要始终在伊奥尼亚人前面驻守防御是不可能的；而如果他们自己不驻守在前面，他们就无法指望伊奥尼亚人能从波斯人那里安然脱身。
§9.106.3πρὸς ταῦτα Πελοποννησίων μὲν τοῖσι ἐν τέλεϊ ἐοῦσι ἐδόκεε τῶν μηδισάντων ἐθνέων τῶν Ἑλληνικῶν τὰ ἐμπολαῖα ἐξαναστήσαντας δοῦναι τὴν χώρην Ἴωσι ἐνοικῆσαι, Ἀθηναίοισι δὲ οὐκ ἐδόκεε ἀρχὴν Ἰωνίην γενέσθαι ἀνάστατον οὐδὲ Πελοποννησίοισι περὶ τῶν σφετερέων ἀποικιέων βουλεύειν·
对此，伯罗奔尼撒人中掌权的人认为，最好是将那些投靠麦底亚的希腊部落的交易地居民迁走，把那些土地给伊奥尼亚人居住。 但雅典人认为，根本不应当让伊奥尼亚变得荒凉，也不应当由伯罗奔尼撒人来决定他们自己的殖民地的事。
ἀντιτεινόντων δὲ τούτων προθύμως, εἶξαν οἱ Πελοποννήσιοι.
由于雅典人极力反对，伯罗奔尼撒人便做出了让步。
§9.106.4καὶ οὕτω δὴ Σαμίους τε καὶ Χίους καὶ Λεσβίους καὶ τοὺς ἄλλους νησιώτας, οἳ ἔτυχον συστρατευόμενοι τοῖσι Ἕλλησι, ἐς τὸ συμμαχικὸν ἐποιήσαντο, πίστι τε καταλαβόντες καὶ ὁρκίοισι ἐμμενέειν τε καὶ μὴ ἀποστήσεσθαι.
于是，他们便将萨摩斯人、希奥斯人、莱斯博斯人以及其他碰巧与希腊人一同参战的岛屿居民接纳进同盟，并用信约和誓言约束他们，使他们保持忠诚且不背叛。
τούτους δὲ καταλαβόντες ὁρκίοισι ἔπλεον τὰς γεφύρας λύσοντες· ἔτι γὰρ ἐδόκεον ἐντεταμένας εὑρήσειν.
在用誓言约束了他们之后，希腊人便启航去拆除桥梁，因为他们以为桥梁还完好地架在那里。
οὗτοι μὲν δὴ ἐπʼ Ἑλλησπόντου ἔπλεον.
于是，这些人向着赫勒斯滂航行。