§8.76.1ὃ μὲν ταῦτά σφι σημήνας ἐκποδὼν ἀπαλλάσσετο·
他向他们传达了这些消息后，便抽身离去。
τοῖσι δὲ ὡς πιστὰ ἐγίνετο τὰ ἀγγελθέντα, τοῦτο μὲν ἐς τὴν νησῖδα τὴν Ψυττάλειαν, μεταξὺ Σαλαμῖνός τε κειμένην καὶ τῆς ἠπείρου, πολλοὺς τῶν Περσέων ἀπεβιβάσαντο· τοῦτο δέ, ἐπειδὴ ἐγίνοντο μέσαι νύκτες, ἀνῆγον μὲν τὸ ἀπʼ ἑσπέρης κέρας κυκλούμενοι πρὸς τὴν Σαλαμῖνα, ἀνῆγον δὲ οἱ ἀμφὶ τὴν Κέον τε καὶ τὴν Κυνόσουραν τεταγμένοι, κατεῖχόν τε μέχρι Μουνυχίης πάντα τὸν πορθμὸν τῇσι νηυσί.
当所报告的消息对他们来说显得可信时，他们一方面把许多波斯士兵送上了位于萨拉米斯和大陆之间的普西塔利亚小岛；另一方面，到了半夜时分，他们便将西翼的舰队开往海中，向萨拉米斯方向进行包围，而部署在凯奥斯和库诺苏拉周围的军队也开动了船只，用船只占领了直到慕尼基亚的整个海峡。
§8.76.2τῶνδε δὲ εἵνεκα ἀνῆγον τὰς νέας, ἵνα δὴ τοῖσι Ἕλλησι μηδὲ φυγεῖν ἐξῇ, ἀλλʼ ἀπολαμφθέντες ἐν τῇ Σαλαμῖνι δοῖεν τίσιν τῶν ἐπʼ Ἀρτεμισίῳ ἀγωνισμάτων.
他们开动船只的目的如下：即为了不让希腊人能够逃跑，而是将他们困在萨拉米斯，让他们为在阿耳特弥西昂的战斗付出代价。
ἐς δὲ τὴν νησῖδα τὴν Ψυττάλειαν καλεομένην ἀπεβίβαζον τῶν Περσέων τῶνδε εἵνεκεν, ὡς ἐπεὰν γίνηται ναυμαχίη, ἐνθαῦτα μάλιστα ἐξοισομένων τῶν τε ἀνδρῶν καὶ τῶν ναυηγίων (ἐν γὰρ δὴ πόρῳ τῆς ναυμαχίης τῆς μελλούσης ἔσεσθαι ἔκειτο ἡ νῆσος), ἵνα τοὺς μὲν περιποιέωσι τοὺς δὲ διαφθείρωσι.
他们把波斯士兵送上被称为普西塔利亚的小岛也是出于以下目的：即一旦海战发生，由于人员和船只残骸最容易漂流到那里（因为该岛恰好位于即将发生的海战的航道上），以便他们能够解救己方人员并消灭敌方人员。
§8.76.3ἐποίευν δὲ σιγῇ ταῦτα, ὡς μὴ πυνθανοίατο οἱ ἐναντίοι.
他们暗中进行这些行动，以免对手发觉。
οἱ μὲν δὴ ταῦτα τῆς νυκτὸς οὐδὲν ἀποκοιμηθέντες παραρτέοντο.
于是，他们在夜间毫无睡意，全力进行着这些准备。