§8.76.1ὃ μὲν ταῦτά σφι σημήνας ἐκποδὼν ἀπαλλάσσετο·
그는 그들에게 이 일들을 알리고서 자리를 떠나 물러갔다.
τοῖσι δὲ ὡς πιστὰ ἐγίνετο τὰ ἀγγελθέντα, τοῦτο μὲν ἐς τὴν νησῖδα τὴν Ψυττάλειαν, μεταξὺ Σαλαμῖνός τε κειμένην καὶ τῆς ἠπείρου, πολλοὺς τῶν Περσέων ἀπεβιβάσαντο· τοῦτο δέ, ἐπειδὴ ἐγίνοντο μέσαι νύκτες, ἀνῆγον μὲν τὸ ἀπʼ ἑσπέρης κέρας κυκλούμενοι πρὸς τὴν Σαλαμῖνα, ἀνῆγον δὲ οἱ ἀμφὶ τὴν Κέον τε καὶ τὴν Κυνόσουραν τεταγμένοι, κατεῖχόν τε μέχρι Μουνυχίης πάντα τὸν πορθμὸν τῇσι νηυσί.
보고된 소식이 그들에게 신빙성 있게 여겨지자, 그들은 한편으로는 살라미스와 본토 사이에 위치한 프쉬탈레이아라는 소도에 많은 페르시아 군사들을 상륙시켰고, 다른 한편으로는 한밤중이 되자 서쪽 날개에 해당하는 함대를 살라미스를 향해 포위하듯 바다로 진격시켰으며, 케오스와 키노수라 주변에 배치되어 있던 자들도 배를 진격시켜 무니키아에 이르기까지 해협 전체를 배들로 점거했다.
§8.76.2τῶνδε δὲ εἵνεκα ἀνῆγον τὰς νέας, ἵνα δὴ τοῖσι Ἕλλησι μηδὲ φυγεῖν ἐξῇ, ἀλλʼ ἀπολαμφθέντες ἐν τῇ Σαλαμῖνι δοῖεν τίσιν τῶν ἐπʼ Ἀρτεμισίῳ ἀγωνισμάτων.
그들이 배들을 진격시킨 것은 다음 이유 때문이었다. 즉, 그리스인들이 도망치는 것조차 불가능하게 하고 살라미스에 고립시켜 아르테미시온에서의 전투에 대한 대가를 치르게 하기 위함이었다.
ἐς δὲ τὴν νησῖδα τὴν Ψυττάλειαν καλεομένην ἀπεβίβαζον τῶν Περσέων τῶνδε εἵνεκεν, ὡς ἐπεὰν γίνηται ναυμαχίη, ἐνθαῦτα μάλιστα ἐξοισομένων τῶν τε ἀνδρῶν καὶ τῶν ναυηγίων (ἐν γὰρ δὴ πόρῳ τῆς ναυμαχίης τῆς μελλούσης ἔσεσθαι ἔκειτο ἡ νῆσος), ἵνα τοὺς μὲν περιποιέωσι τοὺς δὲ διαφθείρωσι.
또한 프쉬탈레이아라 불리는 소도에 페르시아 군사들을 상륙시킨 것은 다음 이유 때문이었다. 즉, 해전을 치를 때 군사들과 난파선 잔해들이 주로 그곳으로 떠밀려 갈 것이므로 (왜냐하면 그 섬은 바로 앞으로 벌어질 해전의 통로에 위치해 있었기 때문이다), 아군은 구하고 적군은 소탕하기 위함이었다.
§8.76.3ἐποίευν δὲ σιγῇ ταῦτα, ὡς μὴ πυνθανοίατο οἱ ἐναντίοι.
그들은 적들이 알아차리지 못하도록 이 일들을 은밀히 행했다.
οἱ μὲν δὴ ταῦτα τῆς νυκτὸς οὐδὲν ἀποκοιμηθέντες παραρτέοντο.
그리하여 그들은 밤새 전혀 잠을 자지 않고 이러한 준비를 갖추었다.