§6.44.1αὗται μὲν ὦν σφι πρόσχημα ἦσαν τοῦ στόλου· ἀτὰρ ἐν νόῳ ἔχοντες ὅσας ἂν πλείστας δύνωνται καταστρέφεσθαι τῶν Ἑλληνίδων πολίων, τοῦτο μὲν δὴ τῇσι νηυσὶ Θασίους οὐδὲ χεῖρας ἀνταειραμένους κατεστρέψαντο, τοῦτο δὲ τῷ πεζῷ Μακεδόνας πρὸς τοῖσι ὑπάρχουσι δούλους προσεκτήσαντο· τὰ γὰρ ἐντὸς Μακεδόνων ἔθνεα πάντα σφι ἦν ἤδη ὑποχείρια γεγονότα.
这些城市便是他们远征的借口；但他们心中盘算着要尽可能多地征服希腊城市，于是一方面用船只征服了甚至没有举手抵抗的萨索斯人，另一方面用陆军在已占有的奴隶之外，又将马其顿人纳为奴隶；因为马其顿以内的所有民族此前均已归顺了他们。
§6.44.2ἐκ μὲν δὴ Θάσου διαβαλόντες πέρην ὑπὸ τὴν ἤπειρον ἐκομίζοντο μέχρι Ἀκάνθου, ἐκ δὲ Ἀκάνθου ὁρμώμενοι τὸν Ἄθων περιέβαλλον.
他们从萨索斯渡海到对岸的大陆，沿着海岸航行直至阿坎索斯，并从阿坎索斯出发，开始绕行阿索斯山。
ἐπιπεσὼν δέ σφι περιπλέουσι βορέης ἄνεμος μέγας τε καὶ ἄπορος κάρτα τρηχέως περιέσπε, πλήθεϊ πολλὰς τῶν νεῶν ἐκβάλλων πρὸς τὸν Ἄθων.
然而，在他们绕航时，一场强大且无法抵御的北风袭击了他们，极其粗暴地对待他们，将许多船只大量地抛向阿索斯山。
§6.44.3λέγεται γὰρ τριηκοσίας μὲν τῶν νεῶν τὰς διαφθαρείσας εἶναι, ὑπὲρ δὲ δύο μυριάδας ἀνθρώπων.
因为据说损毁的船只有三百艘，人数则在两万以上。
ὥστε γὰρ θηριωδεστάτης ἐούσης τῆς θαλάσσης ταύτης τῆς περὶ τὸν Ἄθων, οἳ μὲν ὑπὸ τῶν θηρίων διεφθείροντο ἁρπαζόμενοι, οἳ δὲ πρὸς τὰς πέτρας ἀρασσόμενοι· οἳ δὲ αὐτῶν νέειν οὐκ ἐπιστέατο καὶ κατὰ τοῦτο διεφθείροντο, οἳ δὲ ῥίγεϊ.
由于阿索斯山周围的这片海域海怪极多，有些人因被海怪攫取而丧生，有些人被撞击在岩石上；而他们中的有些人不会游泳，因此而丧生，还有些人则冻死。