§5.83.1τοῦτον δʼ ἔτι τὸν χρόνον καὶ πρὸ τοῦ Αἰγινῆται Ἐπιδαυρίων ἤκουον τά τε ἄλλα καὶ δίκας διαβαίνοντες ἐς Ἐπίδαυρον ἐδίδοσάν τε καὶ ἐλάμβανον παρʼ ἀλλήλων οἱ Αἰγινῆται·
在此时以及在此之前，埃癸娜人还顺从于埃皮达夫鲁斯人，尤其是他们要渡海前往埃皮达夫鲁斯，在彼此之间解决诉讼。
τὸ δὲ ἀπὸ τοῦδε νέας τε πηξάμενοι καὶ ἀγνωμοσύνῃ χρησάμενοι ἀπέστησαν ἀπὸ τῶν Ἐπιδαυρίων.
但在此之后，他们建造了船只，并采取了傲慢不逊的态度，背叛了埃皮达夫鲁斯人。
§5.83.2ἅτε δὲ ἐόντες διάφοροι ἐδηλέοντο αὐτούς, ὥστε θαλασσοκράτορες ἐόντες, καὶ δὴ καὶ τὰ ἀγάλματα ταῦτα τῆς τε Δαμίης καὶ τῆς Αὐξησίης ὑπαιρέονται αὐτῶν, καί σφεα ἐκόμισάν τε καὶ ἱδρύσαντο τῆς σφετέρης χώρης ἐς τὴν μεσόγαιαν, τῇ Οἴη μὲν ἐστὶ οὔνομα, στάδια δὲ μάλιστά κῃ ἀπὸ τῆς πόλιος ὡς εἴκοσι ἀπέχει.
由于双方不和，加之他们拥有制海权，便袭扰埃皮达夫鲁斯人；甚至，他们还从他们那里强夺了这尊达米娅和奥克塞西亚的神像，将其带走并安置在自己国土的内陆地区，那地方名叫奥埃，距离城市大约有二十斯塔迪翁。
§5.83.3ἱδρυσάμενοι δὲ ἐν τούτῳ τῷ χώρῳ θυσίῃσί τε σφέα καὶ χοροῖσι γυναικηίοισι κερτομίοισι ἱλάσκοντο, χορηγῶν ἀποδεικνυμένων ἑκατέρῃ τῶν δαιμόνων δέκα ἀνδρῶν·
在那个地方安置好神像后，他们用祭品和带有嘲讽性质的女子合唱舞队来抚慰她们，每位女神都指派了十名男子担任合唱队组织者。
κακῶς δὲ ἠγόρευον οἱ χοροὶ ἄνδρα μὲν οὐδένα, τὰς δὲ ἐπιχωρίας γυναῖκας.
这些合唱队不辱骂任何男子，而是辱骂当地的妇女。
ἦσαν δὲ καὶ τοῖσι Ἐπιδαυρίοισι αἱ αὐταὶ ἱροεργίαι· εἰσὶ δέ σφι καὶ ἄρρητοι ἱρουργίαι.
埃皮达夫鲁斯人也有同样的圣仪，但他们还有一些不可言说的秘密仪式。