§2.43.1Ἡρακλέος δὲ πέρι τόνδε τὸν λόγον ἤκουσα, ὅτι εἴη τῶν δυώδεκα θεῶν· τοῦ ἑτέρου δὲ πέρι Ἡρακλέος, τὸν Ἕλληνες οἴδασι, οὐδαμῇ Αἰγύπτου ἐδυνάσθην ἀκοῦσαι.
关于赫拉克勒斯，我听到了这样的说法，即他是十二神之一；但是关于希腊人所知道的另一位赫拉克勒斯，在埃及的任何地方我都无法听到任何消息。
§2.43.2καὶ μὴν ὅτι γε οὐ παρʼ Ἑλλήνων ἔλαβον τὸ οὔνομα Αἰγύπτιοι τοῦ Ἡρακλέος, ἀλλὰ Ἕλληνες μᾶλλον παρʼ Αἰγυπτίων καὶ Ἑλλήνων οὗτοι οἱ θέμενοι τῷ Ἀμφιτρύωνος γόνῳ τοὔνομα Ἡρακλέα, πολλά μοι καὶ ἄλλα τεκμήρια ἐστὶ τοῦτο οὕτω ἔχειν, ἐν δὲ καὶ τόδε, ὅτι τε τοῦ Ἡρακλέος τούτου οἱ γονέες ἀμφότεροι ἦσαν Ἀμφιτρύων καὶ Ἀλκμήνη γεγονότες τὸ ἀνέκαθεν ἀπʼ Αἰγύπτου, καὶ διότι Αἰγύπτιοι οὔτε Ποσειδέωνος οὔτε Διοσκούρων τὰ οὐνόματα φασὶ εἰδέναι, οὐδέ σφι θεοὶ οὗτοι ἐν τοῖσι ἄλλοισι θεοῖσι ἀποδεδέχαται.
此外，关于埃及人并非从希腊人那里接受了赫拉克勒斯的名字，而是希腊人从埃及人那里接受了它，尤其是那些给安菲特律翁之子起名赫拉克勒斯的希腊人，我有许多其他证据证明事实确实如此。 其中一个证据如下：这位赫拉克勒斯的父母，即安菲特律翁和阿尔克墨涅，按祖先追溯都是来自埃及，而且埃及人说他们既不知道波塞冬的名字，也不知道狄奥斯库洛伊的名字，在他们其他的神当中也没有确立这些神。
§2.43.3καὶ μὴν εἴ γε παρʼ Ἑλλήνων ἔλαβον οὔνομά τευ δαίμονος, τούτων οὐκ ἥκιστα ἀλλὰ μάλιστα ἔμελλον μνήμην ἕξειν, εἴ περ καὶ τότε ναυτιλίῃσι ἐχρέωντο καὶ ἦσαν Ἑλλήνων τινὲς ναυτίλοι, ὡς ἔλπομαί τε καὶ ἐμὴ γνώμη αἱρέει· ὥστε τούτων ἂν καὶ μᾶλλον τῶν θεῶν τὰ οὐνόματα ἐξεπιστέατο Αἰγύπτιοι ἢ τοῦ Ἡρακλέος.
事实上，如果他们从希腊人那里接受了某位神灵的名字，他们本该最能记住这些神，而不是最记不住，如果当时他们确实已经在使用航海技术，且希腊人中也有一些航海者的话——正如我所期望的那样，也是我自己的判断所认为的；因此，埃及人对这些神的名字的了解甚至应该比对赫拉克勒斯的名字还要清楚。
§2.43.4ἀλλά τις ἀρχαῖος ἐστὶ θεὸς Αἰγυπτίοισι Ἡρακλέης· ὡς δὲ αὐτοὶ λέγουσι, ἔτεα ἐστὶ ἑπτακισχίλια καὶ μύρια ἐς Ἄμασιν βασιλεύσαντα, ἐπείτε ἐκ τῶν ὀκτὼ θεῶν οἱ δυώδεκα θεοὶ ἐγένοντο τῶν Ἡρακλέα ἕνα νομίζουσι.
然而，对于埃及人来说，赫拉克勒斯是一位古老的神；正如他们自己所说，自从八神产生出十二神以来，他们将赫拉克勒斯视为其中之一，到阿玛西斯即位统治时，已有了一万七千年的时间。