§2.42.1ὅσοι μὲν δὴ Διὸς Θηβαιέος ἵδρυνται ἱρὸν ἤ νομοῦ τοῦ Θηβαίου εἰσί, οὗτοι μέν νυν πάντες ὀίων ἀπεχόμενοι αἶγας θύουσι.
凡是建有底比斯宙斯神殿或属于底比斯行省的人，他们都避开绵羊而祭祀山羊。
§2.42.2θεοὺς γὰρ δὴ οὐ τοὺς αὐτοὺς ἅπαντες ὁμοίως Αἰγύπτιοι σέβονται, πλὴν Ἴσιός τε καὶ Ὀσίριος, τὸν δὴ Διόνυσον εἶναι λέγουσι· τούτους δὲ ὁμοίως ἅπαντες σέβονται.
因为埃及人并非全都同样崇拜相同的神，只有伊西斯和奥西里斯除外，他们说奥西里斯就是狄奥尼索斯；对于这两位神，所有人都是同样崇拜的。
ὅσοι δὲ τοῦ Μένδητος ἔκτηνται ἱρὸν ἢ νομοῦ τοῦ Μενδησίου εἰσί, οὗτοι δὲ αἰγῶν ἀπεχόμενοι ὄις θύουσι.
相反，凡是拥有门德斯神殿或属于门德斯行省的人，他们都避开山羊而祭祀绵羊。
§2.42.3Θηβαῖοι μέν νυν καὶ ὅσοι διὰ τούτους ὀίων ἀπέχονται, διὰ τάδε λέγουσι τὸν νόμον τόνδε σφίσι τεθῆναι. Ἡρακλέα θελῆσαι πάντως ἰδέσθαι τὸν Δία, καὶ τὸν οὐκ ἐθέλειν ὀφθῆναι ὑπʼ αὐτοῦ· τέλος δέ, ἐπείτε λιπαρέειν τὸν Ἡρακλέα, τάδε τὸν Δία μηχανήσασθαι·
底比斯人以及那些因为他们而避开绵羊的人说，这一规矩是由于以下原因而为他们制定的：赫拉克勒斯无论如何都想见到宙斯，但宙斯不愿被他看见；最后，当赫拉克勒斯苦苦哀求时，宙斯想出了以下办法。
§2.42.4κριὸν ἐκδείραντα προσχέσθαι τε τὴν κεφαλὴν ἀποταμόντα τοῦ κριοῦ καὶ ἐνδύντα τὸ νάκος οὕτω οἱ ἑωυτὸν ἐπιδέξαι.
他剥了一只公羊的皮，斩下公羊的头挡在自己面前，并披上羊皮，就这样向他展示了自己。
ἀπὸ τούτου κριοπρόσωπον τοῦ Διὸς τὤγαλμα ποιεῦσι Αἰγύπτιοι, ἀπὸ δὲ Αἰγυπτίων Ἀμμώνιοι, ἐόντες Αἰγυπτίων τε καὶ Αἰθιόπων ἄποικοι καὶ φωνὴν μεταξὺ ἀμφοτέρων νομίζοντες.
由于这个原因，埃及人制作的宙斯神像长着公羊的脸，而安蒙人又效仿埃及人，他们是埃及人和埃塞俄比亚人的殖民者，使用的语言介于两者之间。
§2.42.5δοκέειν δέ μοι, καὶ τὸ οὔνομα Ἀμμώνιοι ἀπὸ τοῦδε σφίσι τὴν ἐπωνυμίην ἐποιήσαντο· Ἀμοῦν γὰρ Αἰγύπτιοι καλέουσι τὸν Δία.
在我看来，“安蒙人”这个名字也是由此而来，因为埃及人称宙斯为“阿蒙”。
τοὺς δὲ κριοὺς οὐ θύουσι Θηβαῖοι, ἀλλʼ εἰσί σφι ἱροὶ διὰ τοῦτο.
因此，底比斯人不祭祀公羊，而是因为这个原因，公羊对他们来说是神圣的。
§2.42.6μιῇ δὲ ἡμέρῃ τοῦ ἐνιαυτοῦ, ἐν ὁρτῇ τοῦ Διός, κριὸν ἕνα κατακόψαντες καὶ ἀποδείραντες κατὰ τὠυτὸ ἐνδύουσι τὤγαλμα τοῦ Διός, καὶ ἔπειτα ἄλλο ἄγαλμα Ἡρακλέος προσάγουσι πρὸς αὐτό.
但在一年中的某一天，即宙斯的节日里，他们会宰杀一只公羊并剥下它的皮，以同样的方式给宙斯神像披上，然后把另一个赫拉克勒斯的神像移到它面前。
ταῦτα δὲ ποιήσαντες τύπτονται οἱ περὶ τὸ ἱρὸν ἅπαντες τὸν κριὸν καὶ ἔπειτα ἐν ἱρῇ θήκῃ θάπτουσι αὐτόν.
做完这些后，神殿周围的所有人都为这只公羊捶胸哀悼，然后将其葬在神圣的棺木中。