§56ὁ δὲ οὔτε ὡς ἐλευθέρου ὄντος τοῦ Αἰσχρίωνος μαρτυρίαν παρέσχετο, οὔθʼ ὡς δοῦλον τὸν Αἰσχρίωνα παραδοὺς ἐκ τοῦ σώματος τὸν ἔλεγχον ἠξίου γενέσθαι, φοβούμενος, ἐὰν μὲν μαρτυρίαν παράσχηται ὡς ἐλευθέρου ὄντος, μὴ ἐπισκηψάμενος ἐγὼ τῶν ψευδομαρτυρίων καὶ ἐξελέγξας τὰ ψευδῆ μεμαρτυρηκότα τὸν Αἰσχρίωνα ἐπὶ τόνδε τῶν κακοτεχνιῶν ἔλθοιμι κατὰ τὸν νόμον, εἰ δʼ αὖ βασανίζειν παραδώσει, μὴ τὰς ἀληθείας κατείποι ὁ Αἰσχρίων.
但他既没有提供埃斯克里翁作为自由人的证言，也没有通过交出埃斯克里翁作为奴隶而要求对其身体进行拷问，因为他一方面害怕如果提供其作为自由人的证言，我会提出伪证起诉，并在证实埃斯克里翁提供假证后，根据法律以恶意诉讼罪起诉他；另一方面，如果他交出其接受拷问，又害怕埃斯克里翁会说出实情。
§57καίτοι καλὸν ἦν αὐτῷ, εἰ τῶν ἄλλων λημμάτων τοῦ ἀργυρίου μάρτυρας μὴ εἶχεν παρασχέσθαι, τοῦτό γε ἐξελέγξαι ἐκ τοῦ Αἰσχρίωνος, ὡς οὐκ ἐλήφθησαν αἱ φιάλαι οὐδʼ ἡ μνᾶ τοῦ ἀργυρίου, οὐδὲ ἐπέμφθη ὁ Αἰσχρίων ὑπὸ τούτου ὡς τὸν πατέρα τὸν ἐμόν, καὶ τεκμηρίῳ τούτῳ καταχρήσασθαι πρὸς ὑμᾶς ὅτι ἐγὼ καὶ τἄλλα ψεύδομαι περὶ ὧν ἐγκαλῶ αὐτῷ, ὅπου γε ὅν φημι λαβεῖν οἰκέτην ὄντα τούτου τὰς φιάλας καὶ τὴν μνᾶν τοῦ ἀργυρίου, οὗτος βασανιζόμενος οὐ φαίνεται λαβών.
然而，如果他无法就其他收受资金的情况提供证人，那么通过埃斯克里翁来证实这一点，即这些浅杯和一米纳银子既未被接收，埃斯克里翁也未曾被他派往我父亲那里，这对他来说本是非常有利的；并且以此作为对你们的有力证据，证明我对他的其他指控也同样是在撒谎——因为既然我声称作为其奴隶并接收了浅杯和一米纳银子的那个人，在拷问下也并未显示出曾接收过这些东西。
§58εἰ τοίνυν τοῦτο ἰσχυρὸν ἦν ἂν τούτῳ πρὸς ὑμᾶς τεκμήριον ὅτι ἐξεδίδου τὸν Αἰσχρίωνα, ὃν πεμφθῆναί φημι ὑπὸ τούτου καὶ λαβεῖν τὰς φιάλας παρὰ τοῦ πατρὸς τοῦ ἐμοῦ καὶ τὴν μνᾶν τοῦ ἀργυρίου δανείσασθαι, κἀμοὶ γενέσθω τεκμήριον πρὸς ὑμᾶς ὅτι συνειδώς με ἀληθῆ ἐγκαλοῦντα οὐ τολμᾷ τὸν Αἰσχρίωνα παραδοῦναι.
因此，如果他交出埃斯克里翁（我声称由其派遣并从我父亲那里接收浅杯并借走一米纳银子的人）本可作为证明他清白的有力证据，那么这也应当作为证明我指控属实的有力证据：正是因为他心知肚明我的指控是真实的，他才不敢交出埃斯克里翁。
§59ἀπολογίαν τοίνυν ποιήσεται ὅτι ἐν τοῖς γράμμασιν τοῖς τραπεζιτικοῖς ἐπὶ Ἀλκισθένους ἄρχοντος ἦν ἐγγεγραμμένος τό τε ναῦλον τῶν ξύλων εἰληφὼς καὶ τὴν τιμὴν τῶν φιαλῶν, ὃ ἀπέτεισεν Τιμοσθένει ὑπὲρ τούτου ὁ πατήρ, καὶ ὅτι αὐτὸς ἐν τούτῳ τῷ χρόνῳ οὐκ ἐπεδήμει, ἀλλὰ παρὰ βασιλεῖ ἦν.
那么，他将进行这样的辩护：在阿尔基斯特尼斯担任执政官期间的银行账簿中，记录了其收受木材运费以及浅杯价格（这是我父亲代他偿还给提摩斯提尼的）的情况，而他本人在那个时期并不在国中，而是在波斯国王那里。
περὶ δὴ τούτου σαφῶς ὑμᾶς βούλομαι διδάξαι, ἵνʼ ἀκριβῶς εἰδῆτε ὃν τρόπον ἔχει τὰ γράμματα τὰ ἀπὸ τῆς τραπέζης.
关于这一点，我想向你们清楚地说明，以便你们能准确了解银行账簿的实际情况。
§60οὗτος γὰρ ἐν μὲν τῷ θαργηλιῶνι μηνὶ ἐπʼ Ἀστείου ἄρχοντος, μέλλων ἀνάγεσθαι ὡς βασιλέα, συνέστησεν τὸν Φιλώνδαν τῷ πατρὶ τῷ ἐμῷ· τοῦ δὲ ὑστέρου ἐνιαυτοῦ, ἐπὶ Ἀλκισθένους ἄρχοντος, ἀφικνεῖται ὁ Φιλώνδας ἄγων τὰ ξύλα ἐκ τῆς Μακεδονίας, καὶ ἔλαβεν τὸ ναῦλον τῶν ξύλων παρὰ τοῦ πατρὸς τοῦ ἐμοῦ, ἀποδημοῦντος τούτου παρὰ βασιλεῖ.
因为此人在阿斯泰奥斯担任执政官期间的塔尔格里翁月，正要动身前往波斯国王那里时，将菲隆达斯引荐给了我父亲；而在次年，即阿尔基斯特尼斯担任执政官期间，菲隆达斯运着木材从马其顿抵达，并在他前往国王那里而不在国内时，从我父亲那里拿走了木材运费。
ἐγράψαντο οὖν, ὅτε ἐδίδοσαν τὸ ἀργύριον, ὀφείλοντα τοῦτον, οὐχ ὅτε συνέστησε τὸν Φιλώνδαν τῷ πατρὶ τῷ ἐμῷ ἐπιδημῶν.
因此，银行人员是在付出资金时记录了此人欠债，而不是在他留在国内并将菲隆达斯引荐给我父亲时记录的。
§61ὅτε μὲν γὰρ συνέστησεν, οὐδέπω τὰ ξύλα ἧκεν, ἀλλʼ ἔμελλεν ἐπʼ αὐτὰ ὁ Φιλώνδας τὴν πορείαν ποιεῖσθαι· ὅτε δὲ ἦλθεν τὰ ξύλα ἄγων, οὗτος μὲν ἀπεδήμει, ὁ δὲ Φιλώνδας ἔλαβεν τὸ ναῦλον τῶν ξύλων καθάπερ οὗτος ἐκέλευσε, καὶ ἀνεκομίσθη εἰς τὴν οἰκίαν τὴν ἐν Πειραιεῖ τὴν τούτου τὰ ξύλα.
因为在他引荐菲隆达斯时，木材尚未送达，而菲隆达斯正要为此启程；但当他运来木材时，此人已不在国中，菲隆达斯按照此人的嘱托拿走了木材运费，且木材被运送到了此人在比雷埃夫斯的住宅。
ὅτι δὲ οὐκ εὐπορῶν οὗτος ἐξέπλει ἐνθένδε, ἴστε μὲν καὶ αὐτοὶ ὅσοις αὐτοῦ ἡ οὐσία ὡρισμένη ἦν, οὓς νῦν ἀποστερεῖ· ἵνα δὲ εἰδῆτε ὅτι καὶ ἄνευ ἐνεχύρων ὤφειλέ τισι τῶν πολιτῶν, οὐκ ἔχων ὑποθεῖναι τὰ ἄξια, ἀνάγνωθί μοι τὴν μαρτυρίαν.
而此人当年并非在宽裕的境况下出航，你们自己也是知道的——尤其是那些资产被他作了抵押的人，而他如今正企图剥夺这些人的权利；但为了让你们知道，即使在没有抵押物、且他没有足够财产可供抵押的情况下，他依然欠了部分公民的钱，请为我宣读证言。
ΜΑΡΤΥΡΙΑ.
证言。
§62περὶ δὲ τῶν φιαλῶν, ἃς ᾐτήσατο μὲν ἐν τῷ μαιμακτηριῶνι μηνὶ ὁ Αἰσχρίων ὁ ἀκόλουθος ὁ τούτου ἐπʼ Ἀστείου ἄρχοντος, ἐπιδημοῦντος τούτου, ὅτε ὑπεδέξατο Ἀλκέτην καὶ Ἰάσονα, γεγραμμένου δὲ τὴν τιμὴν ὀφείλοντος τούτου ἐπὶ Ἀλκισθένους ἄρχοντος, τέως μὲν ᾤετο αὐτὸν ἀποίσειν τὰς φιάλας, ἃς ᾐτήσατο, ὁ πατήρ· ἐπειδὴ δὲ οὗτος μὲν ἀπῆλθε, τὰς δὲ φιάλας οὐκ ἀπενηνόχει, οὐδʼ ἦσαν αἱ φιάλαι τοῦ Τιμοσθένους κείμεναι παρὰ τῷ Φορμίωνι, ἥκων δʼ ἀπῄτει τὰς φιάλας ὁ θέμενος, ἀπέτεισε τιμὴν τῶν φιαλῶν τῷ Τιμοσθένει, ἐγράψατο δὲ ὁ πατὴρ αὑτῷ τοῦτον ὀφείλοντα πρὸς τὸ ἄλλο χρέως.
至于那些浅杯——这是此人的随从埃斯克里翁在阿斯泰奥斯担任执政官期间的迈马克特里翁月、此人留在国内并款待阿尔克塔斯和引荐人伊阿宋时索取的，但其价格作为此人所欠之债务却被记录在阿尔基斯特尼斯担任执政官的年份——我父亲曾有一段时间一直以为他会送还索取的浅杯；但当此人离去且未曾送还浅杯，且那些浅杯并非存放在福尔米翁那里的提摩斯提尼的所有物，而存入者前来索回浅杯时，我父亲便向提摩斯提尼支付了浅杯的款项，并记录下此人在其他债务之外还欠他这笔钱。