§8.17.1Χαλκιδεὺς δὲ καὶ Ἀλκιβιάδης ὡς κατεδίωξαν ἐς Σάμον Στρομβιχίδην, ἐκ μὲν τῶν ἐκ Πελοποννήσου νεῶν τοὺς ναύτας ὁπλίσαντες ἐν Χίῳ καταλιμπάνουσιν, ἀντιπληρώσαντες δὲ ταύτας τε ἐκ Χίου καὶ ἄλλας εἴκοσιν ἔπλεον ἐς Μίλητον ὡς ἀποστήσοντες·
哈尔基德乌斯和阿尔基比阿德斯在将斯特隆比希德斯追击至萨摩斯后，将来自伯罗奔尼撒船只的水兵武装起来并留在希奥斯，随后用来自希奥斯的人员重新满编这些船只，并另加二十艘船，向米利都航行，以促使其叛离。
§8.17.2ἐβούλετο γὰρ ὁ Ἀλκιβιάδης, ὢν ἐπιτήδειος τοῖς προεστῶσι τῶν Μιλησίων, φθάσαι τάς τε ἀπὸ τῆς Πελοποννήσου ναῦς προσαγαγόμενος αὐτοὺς καὶ τοῖς Χίοις καὶ ἑαυτῷ καὶ Χαλκιδεῖ καὶ τῷ ἀποστείλαντι Ἐνδίῳ, ὥσπερ ὑπέσχετο, τὸ ἀγώνισμα προσθεῖναι, ὅτι πλείστας τῶν πόλεων μετὰ τῆς Χίων δυνάμεως καὶ Χαλκιδέως ἀποστήσας.
因为阿尔基比阿德斯与米利都人的领袖们关系亲密，他希望在伯罗奔尼撒的船只到来之前抢占先机，将他们拉拢过来，从而正如他所承诺的那样，通过与希奥斯的军力和哈尔基德乌斯一同促成尽可能多的城市叛离，将这一功绩归于希奥斯人、他自己、哈尔基德乌斯以及派遣他的恩迪乌斯。
§8.17.3λαθόντες οὖν τὸ πλεῖστον τοῦ πλοῦ καὶ φθάσαντες οὐ πολὺ τόν τε Στρομβιχίδην καὶ τὸν Θρασυκλέα, ὃς ἔτυχεν ἐκ τῶν Ἀθηνῶν δώδεκα ναυσὶν ἄρτι παρὼν καὶ ξυνδιώκων, ἀφιστᾶσι τὴν Μίλητον.
因此，他们在航行的绝大部分时间里未被察觉，并且仅以微弱优势领先了斯特隆比希德斯和特拉叙克勒斯（后者刚好带着十二艘船刚从雅典赶来并参与追击），促成了米利都的叛离。
καὶ οἱ Ἀθηναῖοι κατὰ πόδας μιᾶς δεούσαις εἴκοσι ναυσὶν ἐπιπλεύσαντες, ὡς αὐτοὺς οὐκ ἐδέχοντο οἱ Μιλήσιοι, ἐν Λάδῃ τῇ ἐπικειμένῃ νήσῳ ἐφώρμουν.
雅典人紧随其后率领十九艘船航行而来，由于米利都人不肯接纳他们，便在对面的拉德岛停泊。
§8.17.4καὶ ἡ πρὸς βασιλέα ξυμμαχία Λακεδαιμονίοις ἡ πρώτη Μιλησίων εὐθὺς ἀποστάντων διὰ Τισσαφέρνους καὶ Χαλκιδέως ἐγένετο ἥδε.
在米利都人叛离后，通过蒂萨费尔尼斯和哈尔基德乌斯，拉刻代蒙人与国王之间达成的第一份盟约随即如下。