§6.105.1κατὰ δὲ τοὺς αὐτοὺς χρόνους τούτου τοῦ θέρους καὶ Λακεδαιμόνιοι ἐς τὸ Ἄργος ἐσέβαλον αὐτοί τε καὶ οἱ ξύμμαχοι καὶ τῆς γῆς τὴν πολλὴν ἐδῄωσαν, καὶ Ἀθηναῖοι Ἀργείοις τριάκοντα ναυσὶν ἐβοήθησαν· αἵπερ τὰς σπονδὰς φανερώτατα τὰς πρὸς τοὺς Λακεδαιμονίους αὐτοῖς ἔλυσαν.
在今年夏天的同一时期，拉栖代梦人及其盟友也入侵了阿哥斯，并蹂躏了其大部分土地；雅典人则派出三十艘船援助阿哥斯人，这最明显地破坏了他们与拉栖代梦人之间的条约。
§6.105.2πρότερον μὲν γὰρ λῃστείαις ἐκ Πύλου καὶ περὶ τὴν ἄλλην Πελοπόννησον μᾶλλον ἢ ἐς τὴν Λακωνικὴν ἀποβαίνοντες μετά τε Ἀργείων καὶ Μαντινέων ξυνεπολέμουν, καὶ πολλάκις Ἀργείων κελευόντων ὅσον σχόντας μόνον ξὺν ὅπλοις ἐς τὴν Λακωνικὴν καὶ τὸ ἐλάχιστον μετὰ σφῶν δῃώσαντας ἀπελθεῖν οὐκ ἤθελον·
因为在此之前，他们只是通过从皮洛斯出发的掠夺性活动，或者上岸到伯罗奔尼撒的其他地区，而不是拉科尼亚，来与阿哥斯人和曼提尼亚人共同作战。 尽管阿哥斯人屡次请求他们只需全副武装在拉科尼亚登陆，并与他们一起进行极小规模的蹂躏后便可离去，他们也不愿意这样做。
τότε δὲ Πυθοδώρου καὶ Λαισποδίου καὶ Δημαράτου ἀρχόντων ἀποβάντες ἐς Ἐπίδαυρον τὴν Λιμηρὰν καὶ Πρασιὰς καὶ ὅσα ἄλλα ἐδῄωσαν τῆς γῆς, καὶ τοῖς Λακεδαιμονίοις ἤδη εὐπροφάσιστον μᾶλλον τὴν αἰτίαν ἐς τοὺς Ἀθηναίους τοῦ ἀμύνεσθαι ἐποίησαν.
然而此时，在皮索多鲁斯、莱斯波迪亚斯和德玛拉图斯担任将军期间，他们却在埃皮达夫鲁斯·利梅拉、普拉西亚及其他地方登陆，蹂躏了这些土地，从而使拉栖代梦人更有借口对雅典人进行反击。
§6.105.3ἀναχωρησάντων δὲ τῶν Ἀθηναίων ἐκ τοῦ Ἄργους ταῖς ναυσὶ καὶ τῶν Λακεδαιμονίων οἱ Ἀργεῖοι ἐσβαλόντες ἐς τὴν Φλειασίαν τῆς τε γῆς αὐτῶν ἔτεμον καὶ ἀπέκτεινάν τινας, καὶ ἀπῆλθον ἐπ’ οἴκου.
当雅典人乘船撤离阿哥斯、拉栖代梦人也退兵后，阿哥斯人入侵了弗利亚西亚，砍伐了他们的部分庄稼并杀死了几个人，然后返回了家园。